Newid Hinsawdd a Bioamrywiaeth

Mae cysylltiad agos rhwng bioamrywiaeth a newid yn yr hinsawdd, gyda newidiadau yn y naill yn aml yn effeithio ar y llall. Wrth i'n hinsawdd barhau i newid, mae ecosystemau yn wynebu mwy o straen, gan effeithio ar y planhigion, yr anifeiliaid a'r cynefinoedd naturiol sy'n cynnal bywyd ar y Ddaear.

Rydym yn chwarae rhan hanfodol wrth amddiffyn bioamrywiaeth trwy weithredu strategaethau i liniaru newid yn yr hinsawdd, cadw cynefinoedd naturiol, a hyrwyddo arferion cynaliadwy. Trwy ddeall y cysylltiad rhwng bioamrywiaeth a newid yn yr hinsawdd, gallwn weithio gyda'n gilydd i adeiladu amgylchedd cadarn a ffyniannus ar gyfer cenedlaethau'r dyfodol.

Newid yn yr Hinsawdd

Rydym wedi ymrwymo i fynd i’r afael â’r newid yn yr hinsawdd ac yn cydnabod bod gennym ran bwysig i’w chwarae er mwyn lleihau ein hallyriadau nwyon tŷ gwydr ein hunain a rhoi arweiniad er mwyn annog trigolion, busnesau a sefydliadau eraill i leihau eu hôl troed carbon hwythau. Rydym yn mabwysiadu ymagwedd bragmatig tuag at ddod yn awdurdod lleol carbon sero net erbyn 2030, gan ganolbwyntio i ddechrau ar ein hôl troed carbon mesuradwy.

Newid Hinsawdd

Bioamrywiaeth

Ystyr bioamrywiaeth yn syml yw amrywiaeth bywyd ar y ddaear. Mae'n cynnwys pob planhigyn ac anifail byw a'r ecosystemau y maent yn dibynnu arnynt. Mae bioamrywiaeth ym mhobman: mewn gerddi, caeau, perthi, afonydd, mynyddoedd, clogwyni ac yn y môr. Yn lleol, mae bioamrywiaeth yn dylanwadu'n fawr ar gymeriad ein tirwedd. Mae Sir Gaerfyrddin yn enwog am ei harfordir godidog, ei haberoedd tawel, ei chymoedd coediog serth a'i mynyddoedd a'i bryniau garw.

Bioamrywiaeth

Dewiswch iaith

A-Y o Wasanaethau

Gwasanaethaur Cyngor

Busnes

Cyngor a Democratiaeth

Newid Hinsawdd a Bioamrywiaeth

Newid yn yr Hinsawdd

Bioamrywiaeth