Cwrs ar gyfer Gyrwyr Hŷn

Diweddarwyd y dudalen ar: 13/03/2026

Mae'r Cwrs ar gyfer Gyrwyr Hŷn yn cynnig sesiynau ymwybyddiaeth i yrwyr sydd wedi'u cynllunio i'ch helpu i aros yn hyderus, eich galluogi i fynd a dod fel y mynnoch a bod yn annibynnol ar y ffordd.

Mae'r sesiwn hanner diwrnod yn yr ystafell ddosbarth yn darparu amgylchedd dysgu hamddenol ac anffurfiol, dan arweiniad Hyfforddwr Gyrwyr profiadol. Mae'r sesiwn yn canolbwyntio ar gyngor ymarferol, y canllawiau diweddaraf, a thrafodaeth ynghylch gyrru'n ddiogel wrth i ni fynd yn hŷn.

Mae cyfranogwyr wedi dweud wrthon ni'n gyson pa mor werthfawr yw cael y cyfle i loywi eu gwybodaeth:

“Rwyf wedi ailddysgu llawer o bethau y dylwn i fod wedi gwybod ond rwyf wedi eu hanghofio dros y blynyddoedd”

“Gwnaeth hyn wir helpu fy hyder;

"Dylai pawb wneud y cwrs hwn - diolch i bawb”

“Gallaf i yrru o amgylch cylchfan Morrisons yn hyderus nawr."

Gwybodaeth am y cwrs

Yn eich helpu chi i yrru'n fwy diogel am gyfnod hwy
Deall sut y gall y broses o fynd yn hŷn effeithio ar yrru
Trafod eich pryderon personol nawr ac yn y dyfodol
Nodi arferion gyrru annefnyddiol y gallech chi fod wedi'u datblygu
Diweddaru eich gwybodaeth am Reolau'r Ffordd Fawr

Nid yw'r cwrs yn gwneud y canlynol

Nid yw'n profi eich sgiliau gyrru
Nid yw'n asesiad ffurfiol

Mature Driver Review

Mae elfen yrru ddewisol i'r cwrs y mae pob un sy'n bresennol yn cael ei annog i'w gwneud.

Bydd yn rhoi adborth ymarferol, un i un i chi ynghylch eich gyrru. Gellir trefnu'r IAM RoadSmart Mature Driver Review, sydd wedi'i ariannu'n llawn ar ôl cwblhau'r Cwrs ar gyfer Gyrwyr Hŷn.