Datblygiadau Tai Cyngor wedi'u Cwblhau

Tŷ Wauniago, Caerfyrddin

Adeilad a oedd yn eiddo i'r Cyngor ac yn cael ei reoli ganddo oedd Tŷ Wauniago yng Nghaerfyrddin, ac roedd angen ei foderneiddio. Roedd yr adeilad wedi mynd yn hen ffasiwn ac nid oedd bellach yn addas i'r diben, gan olygu ei fod yn anodd i'w osod.

Drwy ddymchwel yr adeilad ceir lle i godi 4 cartref modern newydd a fydd yn elwa ar y datblygiadau arloesol diweddaraf ym maes effeithlonrwydd ynni. Bydd hyn yn gostwng biliau ynni i'n tenantiaid ac yn lleihau allyriadau carbon.

• 3 chartref dwy ystafell wely; ac
• 1 cartref pedair ystafell wely 

Mae'r datblygiad arloesol hwn yn dangos ein hymrwymiad i ailddefnyddio adeiladau presennol y Cyngor er mwyn gwneud y mwyaf o'r tir sy'n eiddo inni, ac i adeiladu cartrefi yn yr ardaloedd lle ceir y mwyaf o angen amdanynt.

Bydd y cartrefi wedi'u hadeiladu â deunyddiau cynaliadwy uchel iawn eu perfformiad, a byddant yn gallu cynhyrchu a storio eu hynni eu hunain er mwyn darparu trydan am ddim i'w ddefnyddio ar unrhyw adeg o'r dydd.

Defnyddir trydan i wresogi'r cartrefi gan olygu nad oes unrhyw danwydd ffosil ar y safle, gan greu ôl troed carbon isel iawn ar gyfer y datblygiad.

YMCA, Llanelli

Ers blynyddoedd lawer, roedd YMCA Llanelli yn sefydliad bywiog a deinamig ac roedd yr adeilad yn darparu cyfleusterau hamdden pwysig i genedlaethau o bobl ifanc yn Llanelli yn ystod eu blynyddoedd ffurfiannol, cyn iddo gau yn 2009.

Mae hen adeilad yr YMCA yn cael ei ailddatblygu ar gyfer defnydd masnachol a chymunedol ar y llawr gwaelod a'r llawr cyntaf ac yn darparu fflatiau modern ac ynni-effeithlon ar yr 2il a'r 3ydd llawr.

Bydd y YMCA yn darparu 8 o gartrefi Cyngor newydd a fydd yn cynnwys:

• 8 fflat dwy ystafell wely

Mae defnyddio hen adeiladau o'r newydd yn bwysig inni, ac yn amcan strategol allweddol i'r Cyngor, yn rhan o'r gwaith i adfywio canol y dref.

5-8 Heol Spillman, Caerfyrddin

Roedd 5-8 Heol Spilman yn arfer cael ei ddefnyddio fel swyddfeydd i Gyngor Sir Gâr, ond mae'r adeilad wedi cael ei addasu i ddarparu llety y ceir angen mawr amdano yng nghanol tref Caerfyrddin.

Mae'r datblygiad hwn yn darparu 12 o gartrefi Cyngor newydd ychwanegol a bydd yn cynnwys:

• 2 fflat hygyrch dwy ystafell wely
• 10 fflat un ystafell wely

Mae'r fflatiau'n effeithlon o ran ynni a bydd hynny'n golygu biliau ynni is i denantiaid. Mae'r fflatiau a'r ardaloedd cymunol wedi'u gwresogi â thrydan, ac nid oes unrhyw danwydd ffosil o fewn y datblygiad, gan olygu bod ôl troed carbon yr adeilad yn isel.

Mae gan bob fflat fynediad at drydan am ddim a gynhyrchir drwy baneli solar ar y to, sy'n golygu y gellir defnyddio'r haul i gynhesu dŵr, i wresogi ac i wefru dyfeisiau trydanol cyn defnyddio trydan o'r grid.

Teras Glanmor a Chlos y Bacca, Porth Tywyn

Wedi'i leoli'n agos at harbwr Porth Tywyn, Teras Glanmor yw datblygiad mwyaf arloesol y Cyngor hyd yma.

Mae'r datblygiad hwn yn darparu 32 o gartrefi Cyngor newydd ychwanegol a bydd yn cynnwys:

• 10 fflat un ystafell wely a;
• 22 o gartrefi dwy ystafell wely

Mae'r cartrefi'n effeithlon iawn o ran ynni a bydd hynny'n golygu biliau ynni is i denantiaid.

Mae'r cartrefi wedi'u hadeiladu'n unol ag egwyddorion PassivHaus, sy'n golygu eu bod wedi'u hadeiladu â deunyddiau cynaliadwy uchel iawn eu perfformiad, ac y byddant yn gallu cynhyrchu a storio eu hynni eu hunain er mwyn darparu trydan am ddim i'w ddefnyddio ar unrhyw adeg o'r dydd.

Defnyddir trydan i wresogi'r cartrefi gan olygu nad oes unrhyw danwydd ffosil ar y safle, gan greu ôl troed carbon isel iawn ar gyfer y datblygiad.

Heol Cae Ysgubor, Rhydaman

Datblygiad wedi'i leoli'n agos at Dŷ Dyffryn ac yn agos iawn at Goleg Sir Gâr (Rhydaman) a chanol y dref.

Mae'r datblygiad hwn yn darparu 28 o gartrefi Cyngor newydd ychwanegol a bydd yn cynnwys:
 

• 18 o gartrefi dwy ystafell wely
• 6 chartref tair ystafell wely
• 4 cartref pedair ystafell wely

Mae'r cartrefi'n effeithlon o ran ynni a bydd hynny'n golygu biliau ynni is i denantiaid.

Mae'r cartrefi wedi'u hadeiladu â deunyddiau cynaliadwy uchel eu perfformiad, ac mae paneli solar wedi'u gosod arnynt, gan olygu bod y cartrefi'n defnyddio llai o ynni i wresogi a'u bod yn cynhyrchu trydan gwyrdd yn rhad ac am ddim yn ystod y dydd.

Dylan, Llanelli

Mae Dylan ger canol tref Llanelli ac o fewn 5 munud o daith mewn car i Barc Trostre.

Dylan yw un o ddatblygiadau adeiladu newydd cyntaf y Cyngor. Mae'r datblygiad hwn yn darparu 32 o dai cyngor newydd ychwanegol ac yn cynnwys:

• 22 o gartrefi dwy ystafell wely
• 4 byngalo dwy ystafell wely
• 6 chartref pedair ystafell wely

Mae'r cartrefi'n effeithlon o ran ynni ac mae hynny'n golygu biliau ynni is i denantiaid. Fe'u hadeiladwyd hyd at ansawdd uchel, sydd hefyd yn helpu i leihau allyriadau carbon i'r amgylchedd, a gwella iechyd a llesiant.

Rydym hefyd yn profi'r dechnoleg carbon isel arloesol ddiweddaraf yn nau o'n cartrefi. Bydd hyn yn ein helpu i ddatblygu ein safonau dylunio ar gyfer adeiladau newydd yn y dyfodol.

Garreglwyd, Pen-bre

Datblygiad ger tref glan môr Porth Tywyn, a llai na 5 munud mewn car oddi wrth un o atyniadau ymwelwyr gorau Cymru, Parc Gwledig Pen-bre, gyda'i draeth tywod arobryn - Cefn Sidan a 500 erw o goetir.

Mae Garreglwyd yn darparu 14 o gartrefi Cyngor newydd ychwanegol ac yn cynnwys:

• 12 cartref dwy ystafell wely
• 2 gartref dwy ystafell wely

Fe'u hadeiladwyd hyd at ansawdd uchel, sydd hefyd yn helpu i leihau allyriadau carbon i'r amgylchedd, a gwella iechyd a llesiant.

Maespiode, Llandybie

Maespiode yw un o ddatblygiadau adeiladu newydd cyntaf y Cyngor i gael ei gwblhau'n rhan o'r rhaglen gyflawni newydd.

Mae'r datblygiad hwn yn darparu 8 o gartrefi Cyngor newydd ychwanegol a bydd yn cynnwys:

• 8 o gartrefi dwy ystafell wely

Mae'r cartrefi'n effeithlon iawn o ran ynni a bydd hynny'n golygu biliau ynni is i denantiaid.

Dyma lle dechreuodd y daith i ddarparu cartrefi fforddiadwy carbon isel, â ffocws ar adeiladu drwy ymagwedd gwneuthuriad yn gyntaf, ac ar ddefnyddio technolegau adnewyddadwy.