Dragon Rider Cymru

Diweddarwyd y dudalen ar: 13/03/2024

Mae Dragon Rider Cymru yn gwrs hyfforddiant i reidwyr beiciau modur, sy'n cael ei gefnogi gan Gynllun Gwell Beiciwr yr Asiantaeth Safonau Gyrwyr a Cherbydau a chan Thunder Road Motorcycles o Dde Cymru.

Mae Timau Diogelwch Ffyrdd Sir Gaerfyrddin, Abertawe, Castell-nedd Port Talbot, a Sir Benfro wedi gweithio gyda'i gilydd i ddatblygu'r cwrs sgiliau gwell beiciwr hwn, a roddir ar waith gan hyfforddwyr beiciau modur cymwys a phrofiadol sydd wedi'u hachredu gan Gofrestr yr Asiantaeth Safonau Gyrwyr a Cherbydau o hyfforddwyr gyrwyr beiciau modur sydd wedi llwyddo yn eu prawf gyrru. Hefyd mae Gwasanaeth Tân ac Achub Canolbarth a Gorllewin Cymru yn cefnogi'r fenter.

Cynhelir y cyrsiau ar y penwythnos ac maent yn para am ddiwrnod. Bydd y cwrs yn cynnwys sesiwn bore mewn ystafell ddosbarth, a fydd yn cael ei gynnal mewn gorsafoedd tân ac achub dynodedig yng Nghaerfyrddin, Llanelli a Rhydaman. Yn y prynhawn bydd y sesiwn yn digwydd ar amrywiaeth o ffyrdd drwy'r Sir ac mewn siroedd cyfagos er mwyn diwallu anghenion hyfforddiant beiciau modur reidwyr unigol, ar sail llawlyfr gyrru'r Heddlu, Roadcraft.

Anogir reidwyr sydd wedi cwblhau'r cwrs Beiciwr Diogel i ddod â chopïau o'u ffurflenni asesu ar gyfer sesiwn y prynhawn. Ar y ffordd bydd un hyfforddwr yn gyfrifol am ddau reidiwr ar y mwyaf. Caiff yr hyfforddiant ei addasu i ddiwallu anghenion unigol y reidiwr.

Ar ddiwedd y dydd bydd y rhai sy'n cymryd rhan yn cael tystysgrif cymhwysedd a gydnabyddir gan amrywiaeth eang o gwmnïau yswiriant ac a allai olygu gostyngiad.

Faint mae'r cwrs yn ei gostio?

Mae'r cwrs yn RHAD AC AM DDIM i bobl sy'n byw yn Sir Gaerfyrddin oherwydd cyllid drwy Grant Diogelwch Ffyrdd gan Lywodraeth Cymru

Pryd mae’r cwrs ar gael

  • Dydd Mercher 24 Ebrill 2024, am 6:30pm (ar-lein) a dydd Sul 28 Ebrill 2024 (ymarferol)
  • Dydd Mercher 22 Mai 2024, am 6:30pm (ar-lein) a dydd Sul 26 Ebrill 2024 (ymarferol)
  • Dydd Mercher 26 Mehefin 2024, am 6:30pm (ar-lein) a dydd Sul 30 Mehefin 2024, (ymarferol)

Bydd y cyrsiau’n cael eu darparu ar-lein drwy Microsoft Teams. Bydd rhagor o wybodaeth am sut i gael mynediad i’r cwrs, ynghyd â’r ddolen ymuno, yn cael eu hanfon atoch ar e-bost yn ystod wythnos eich cwrs. Os oes gennych unrhyw gwestiynau yn y cyfamser, e-bostiwch DiogelwchFfyrdd@sirgar.gov.uk

Gwnewch gais am le ar Dragon Rider Cymru

Teithio, Ffyrdd a Pharcio

Ymgeisio am...

Mynediad ar gyfer cerdded a beicio (Teithio Llesol)

Gwasanaethau bws

Rhannu ceir

Tocyn teithio consesiwn

Ceir Cefn Gwlad

Gwefru Cerbyd Trydan

Graeanu

Beicio modur

Parcio

Pont pwyso cyhoeddus

Rhoi gwybod am anifail sydd wedi marw ar y ffordd

Rhoi gwybod am broblemau ar y ffyrdd

Rhoi gwybod am gerbyd wedi'i adael

Diogelwch ffyrdd

Gorchmynion rheoleiddio traffig

Teithio ar y trên

Torri ymylon priffyrdd

Gwneud Cais am Chwiliad Priffyrdd

Gwaith ar y ffyrdd

Bws Bach y Wlad

Mwy ynghylch Teithio, Ffyrdd a Pharcio