Cymorth Busnes 1:1

Cymorth Busnes 1 i 1 

 Ar ôl cefnogi llawer o fusnesau Sir Gaerfyrddin yn llwyddiannus a chael mynediad at gymorth 1:1 yn 2024 a 2025, mae'r tîm yn falch o barhau â'r cynnig hwn yn 2026. 

 Gall busnesau sydd angen cymorth 1 i 1 gael mynediad at sesiynau a ariennir mewn amrywiaeth o arbenigeddau, gan gynnwys cynllunio twf busnes, rheolaeth ariannol, strategaeth farchnata, datblygu gwefannau a llawer mwy. 

 Oherwydd y galw uchel iawn am y cymorth hwn, mae'n ofynnol i fusnesau gyflwyno ffurflen gais fer, sy'n cynnwys y manylion canlynol: 

•  Cefnogaeth a ddewiswyd
• Enw a ymgynghorydd a ffefrir (os yn wybod)
• Manylion am sut gall y cefnogaeth fod o fudd i'r busnes.  

 Os nad ydych yn gwybod pa ymgynghorydd yr hoffech, gall y Tîm Ymgysylltu â Busnes gynnig rhestr o ddarparwyr gydag arbenigedd penodol. Sylwch nid yw Cyngor Sir Caerfyrddin yn cefnogi unrhyw un darparwr cymorth penodol a bydd y penderfyniad terfynol ynghylch pa ymgynghorydd/ymgynghorwyr i ymgysylltu â nhw yn cael ei wneud yn y pen draw gan yr ymgeisydd. 

 Os bydd yn llwyddiannus, bydd Cyngor Sir Caerfyrddin yn gwneud taliad yn uniongyrchol i'r darparwr cymorth. Bydd ceisiadau yn cael eu capio ar werth £1,500 o gyfanswm y cymorth. 

 Mae ymgeiswyr yn cytuno i weithio gyda'r darparwr cymorth a bod Cyngor Sir Caerfyrddin yn cadw cofnod o'r sesiynau a ddarperir a'r canlyniadau dilynol a gyflawnwyd ar gyfer y busnes.  

 Bydd pob cais rhesymol yn cael ei ystyried fesul achos ac yn cael ei benderfynu yn ôl disgresiwn y Tîm Datblygu Economaidd. 

 I gyflwyno cais am gymorth busnes 1 i 1, lawrlwythwch y ffurflen isod a'i dychwelyd at: businesssupport@sirgar.gov.uk. Bydd Swyddog Datblygu Economaidd yn adolygu eich cais ac yn cysylltu â chi cyn hir. 

 Ffurflen 

Sylwch na allwn gefnogi busnesau sy'n gweithredu unrhyw un o'r gweithgareddau isod:  

•  Pwrpasau pleidiol-wleidyddol
• Hyrwyddo safbwyntiau seciwlar, crefyddol neu wleidyddol penodol
• Hapchwarae
• Pornograffi
• Cynnig gwasanaethau rhywiol
• Unrhyw fath o weithgaredd anghyfreithlon; neu
• Unrhyw fath o weithgaredd a allai, ym marn y Cyngor, ddwyn anfri ar y Cyngor ac sy'n cynnwys ond heb fod yn gyfyngedig i weithdrefnau, cynhyrchion a thriniaethau mewnwthiol sydd heb eu rheoleiddio, modelu noeth neu hanner noeth, canolfannau hapchwarae, gwasanaethau gwelyau haul, therapïau amgen, cynhyrchion a meddyginiaethau, aciwbigo, siopau fêps, siopau tybaco, dylanwadu drwy gyfryngau cymdeithasol, cwnsela, hyfforddi ffordd o fyw, tatŵyddion, adeiladu hapfasnachol, triniaethau meddygol cyflenwol, cynhyrchion cosmetig, gweithdrefnau esthetig, cynhyrchion olew CBD, cryptoarian.