Llwybr Dyffryn Tywi

Mae nodweddion ategol fel arwyddion ychwanegol, mannau gorffwys, a byrddau dehongli yn dal i gael eu hadolygu a byddant yn cael eu darparu fel rhan o'r cynllun ehangach wrth iddo fynd rhagddo. Bydd rhannau pellach o’r llwybr yn cael eu cwblhau dros fisoedd yr haf, a lle bo’n briodol, bydd y rhannau hyn ar gael i’r cyhoedd eu defnyddio.

Elfennau olaf y llwybr fydd y ddwy brif bont ar draws afonydd Tywi a Cothi, sydd i fod i gael eu danfon a’u gosod yn yr Hydref. Gofynnir i aelodau’r cyhoedd ymatal rhag ceisio cael mynediad i’r llwybr a’i ddefnyddio ar hyd rhannau lle mae gwaith adeiladu yn mynd rhagddo.

Bydd Llwybr Dyffryn Tywi yn denu ymwelwyr o bob rhan o'r DU a thu hwnt gyda'r potensial i gynhyrchu tua £4.4 miliwn y flwyddyn i'r economi leol, gan greu swyddi mewn busnesau lleol drwy nifer uwch o ymwelwyr a gwariant.

Mae'r datblygiad mawr hwn wedi'i gefnogi gan £16.7 miliwn gan Lywodraeth y DU, ac mae'r cyngor bellach yn bwriadu gweithio gyda threfnwyr hamdden, lletygarwch, digwyddiadau presennol a newydd ynghyd â darparwyr llety i sicrhau potensial mwyaf posibl y cyfleuster hwn ochr yn ochr â'r llwybrau di-draffig eraill y mae'r Sir yn eu cynnig.