Canolfan

Beth sy'n gwneud Canolfan Pentre Awel yn unigryw i chi

Croeso i Canolfan Pentre Awel, prif hwb busnes o'r radd flaenaf mewn datblygiad newydd, defnydd cymysg ar arfordir trawiadol yng nghanol Parc Arfordirol y Mileniwm, ger traethau helaeth Llanelli. Mae'r safle 83 erw wedi'i gynllunio i ddarparu ystod eang o wasanaethau cymunedol a masnachol, gan ganolbwyntio ar hamdden, iechyd a llesiant.

Disgwylir i Bentre Awel agor yng Ngwanwyn 2025, a'r brif elfen yw Canolfan. Mae'r hwb cyfleusterau presennol a newydd yn cynnwys pum adeilad cysylltiedig gyda chaffi canolog a man cwrdd.

Bydd Canolfan Pentre Awel yn gartref i gyfleuster hamdden, caffi, pyllau nofio a gwasanaethau cymunedol amrywiol. Bydd yn gwasanaethu fel man canolog ar gyfer sefydliadau y sector cyhoeddus, y sector preifat a'r trydydd sector gan gynnwys Bwrdd Iechyd Prifysgol Hywel Dda, Prifysgol Abertawe a phartneriaid addysg bellach ac uwch eraill.

Mwynhewch weithfannau hyblyg, WiFi cyflymder uchel, ystafelloedd cyfarfod a mynediad 24 awr, i gyd wedi'u hintegreiddio o gwmpas parcdir gwyrdd.

Amwynderau ar y safle gan gynnwys campfa, parcio diogel, tîm rheoli cyfleuster ymroddedig sy'n sicrhau cyfleustra a chynhyrchiant. Mae'r caffi llawr gwaelod a'r llecynnau digwyddiadau yn gwahodd defnyddwyr i galon fywiog yr adeilad.

Ymunwch â chymuned ffyniannus a thyfwch eich busnes yn Canolfan Pentre Awel.

Popeth rydych chi ei eisiau

Mae yna ymdeimlad gwirioneddol o gymuned yn Canolfan Pentre Awel.

O rwydweithio anffurfiol yn y caffi i ffrindiau'n cwrdd am goffi neu hyd yn oed i wneud ymarfer corff, mae Canolfan Pentre Awel yn cysylltu pobl.

Cartref i fusnesau, ymchwilwyr, y byd academaidd, y trydydd sector, cleifion, myfyrwyr ac ymwelwyr.

Cymerwch olwg 360 o'r safle

Llety

Bydd Canolfan Pentre Awel yn croesawu busnesau yn y sectorau gwyddor bywyd, iechyd, llesiant a gofal cymdeithasol gan gynnig amrywiaeth o swyddfeydd, sy'n dechrau gydag ystafelloedd mor fach â 200 troedfedd sgwâr.

Ond mae Canolfan Pentre Awel yn fwy na lle yn unig - mae'n creu gweithfan wedi'i deilwra i'ch anghenion.

Mae ein swyddfeydd wedi'u cynllunio i hybu cynhyrchiant, gan ddarparu amgylchedd sy'n ysbrydoledig ac yn effeithlon.

Rydym yn talu sylw i bob dim, o ddiogelwch I drafnidiaeth a chynnal a chadw, gan sicrhau gweithfan sy'n meithrin effeithlonrwydd, creadigrwydd a chysur.

Mae mannau busnes Canolfan Pentre Awel yn hyblyg a gallant gynnwys busnesau o bob maint, o fusnesau lleol bach i sefydliadau cenedlaethol. Mae Canolfan Pentre Awel yn rhoi'r cyfle unigryw i chi gael gweithfan sydd wedi'i ddylunio i fodloni'ch gofynion penodol.

Yr ail lawr yw ein gofod meithrin a sbarduno busnesau, sy'n cynnig cymysgedd o swyddfeydd llai o 200tr² i ystafelloedd canolig a mwy o hyd at 1,500tr² i'w gosod, lleoedd cydweithio a chyfleusterau cymunedol.

Gofod a golau

Mae uchder trawiadol yr adeilad canolog yn creu argraff wrth gyrraedd, gan ddangos ein huchelgais i Canolfan Pentre Awel fod o'r radd flaenaf ym mhob ffordd.

Cysylltiadau trafnidiaeth

Mae gan Canolfan Pentre Awel gysylltiadau da o ran trafnidiaeth, sy'n ei gwneud yn hawdd ei chyrraedd o ddinasoedd mawr ac ardaloedd lleol.

Teithio ar y trên: Mae Gorsaf Drenau Llanelli tua 0.7 milltir o Bentre Awel. Mae'r orsaf drenau yn darparu gwasanaethau rheolaidd i Abertawe, Caerdydd, Manceinion, Llundain a thu hwnt. Ar y trên,
mae'r daith i Abertawe yn cymryd tua 20 munud, ac mae'n cymryd tua 1 awr 30 munud i gyrraedd Caerdydd.

Teithio ar y bws: mae llwybr bws lleol yn cysylltu Pentre Awel â lleoliadau allweddol sy'n sicrhau mynediad cyfleus i amwynderau a gwasanaethau lleol.

Coridor yr M4:

Mae'r cysylltiadau trafnidiaeth hyn yn sicrhau nid yn unig bod Canolfan Pentre Awel yn lleoliad gwych i breswylwyr lleol, ond mae hefyd yn hawdd ei chyrraedd i ymwelwyr a busnesau o ddinasoedd ar draws y wlad.

Caru lle rydych chi'n byw ac yn gweithio

Mae Llanelli yn lleoliad bywiog a modern lle gall pobl fwynhau byw a gweithio.

Gan fod Canolfan Pentre Awel mor agos at Abertawe a Chaerdydd, mae'n cynnig nid yn unig amgylchedd ansawdd uchel ond hefyd gysylltiadau trafnidiaeth gwych ag Abertawe, Caerdydd a thu hwnt.

Drwy gerdded am ychydig o funudau i'r un cyfeiriad gallwch gyrraedd bwrlwm canol y dref.

Ewch i'r cyfeiriad arall a byddwch yn cyrraedd llwybr di-draffig 20km, sef Llwybr Arfordirol y Mileniwm, sy'n cynnig golygfeydd godidog dros Benrhyn Gŵyr a digon o le i gerdded, meddwl ac anadlu.

Rhagor o wybodaeth ac ymholiadau

Gary Carver
(07972 000171)
gcarver@savills.com

Will Evans
(07870 999643)
will.evans@savills.com

Roger Poolman
(07775 037782)
roger@bp2property.com

David Blyth
(07966 752301)
david@bp2property.com

Ceri Daniel
(07882 7120389)
ceri@bp2property.com

Tîm arloesi busnes Pentre Awel
pentreawel@sirgar.gov.uk

HYSBYSIAD PWYSIG

Mae Savills, eu cleientiaid a BP2 yn rhoi rhybudd:

1. Nad ydynt wedi'u hawdurdodi i wneud na rhoi unrhyw sylwadau neu warantau mewn perthynas â'r
   eiddo naill ai yma neu yn rhywle arall, naill ai ar eu rhan eu hunain neu ar ran eu cleient neu fel arall. Nad ydynt yn cymryd unrhyw gyfrifoldeb am unrhyw ddatganiad sydd wedi'i wneud yn y manylion hyn. Nad yw'r manylion hyn yn rhan o unrhyw gynnig neu gontract ac ni ddylid dibynnu arnynt fel datganiadau neu sylwadau ffeithiol.
2. Mae unrhyw ardaloedd, mesuriadau neu bellteroedd yn rhai bras. Canllaw yn unig yw'r testun, y ffotograffau a'r cynlluniau ac nid ydynt o reidrwydd yn gynhwysfawr. Ni ddylid cymryd yn ganiataol bod gan yr eiddo yr holl ganiatâd cynllunio, rheoliadau adeiladu neu ganiatâd arall angenrheidiol ac nid yw Savills wedi profi unrhyw wasanaethau, offer na chyfleusterau. Rhaid i brynwyr fodloni eu hunain trwy arolygiad neu fel arall.

Mae'r holl ddelweddau mewnol ac allanol yn y cyhoeddiad hwn wedi'u cynhyrchu gan gyfrifiadur.

Gweithio mewn partneriaeth â:

Lawrlwythwch y llyfryn