Mae ffonau symudol yn rhan gynyddol o fywydau plant a phobl ifanc, ac mae llawer o sylw wedi bod ar y graddau y mae hyn yn beth da neu'n beth drwg.
Rydym yn cydnabod bod ffonau symudol yn offer defnyddiol i gyfathrebu. Fodd bynnag, mae'r camddefnydd a wneir ohonynt yn bryder cynyddol yn lleol ac yn genedlaethol. Ein blaenoriaeth yw diogelu llesiant disgyblion, cynnal amgylchedd dysgu cadarnhaol, ac annog rhyngweithio cymdeithasol iach. Ar ôl ymgynghori'n drylwyr â staff, disgyblion a rhieni, rydym yn gwahardd ffonau symudol yn ystod oriau ysgol.
Beth yw'r rheswm dros y gwaharddiad?
- Tarfu ar ddysgu: Gall ffonau dynnu sylw disgyblion oddi wrth y gwersi.
- Pryderon am Ddiogelwch Ar-lein: Camddefnyddio, seiberfwlio, aflonyddu, a rhannu delweddau amhriodol.
- Ffocws ar Lesiant: Mae lleihau amser ar sgriniau yn helpu i wella'r gallu i ganolbwyntio, sgiliau cymdeithasol, ac iechyd emosiynol.
