Gwneud cais i gael gwared â gwrych

Diweddarwyd y dudalen ar: 31/08/2023

Yn ôl pob tebyg, mae gan Sir Gaerfyrddin un o’r rhwydweithiau mwyaf cymhleth o wrychoedd mewn unrhyw ran o Gymru, ac ar draws y sir mae ein perthi’n dal i gael eu cynnal a’u cadw at ddibenion amaethyddol. Fel nodweddion a sefydlwyd ers amser maith yn y dirwedd, yn aml yn darparu llwybr rhwng cynefinoedd eraill, maent wedi dod yn hynod gyfoethog o ran y bywyd gwyllt y maent yn ei gefnogi.

Mae yna reoliadau i amddiffyn gwrychoedd pwysig, yn enwedig perthi sydd dros 20 metr o hyd neu sy’n cysylltu â pherthi eraill yn y ddau ben. Dylid nodi nad yw hyn yn effeithio ar berthi mewn gerddi.

O dan Reoliadau Perthi 1997 (SI 1160) mae’n anghyfreithlon clirio’r mwyafrif o berthi yng nghefn gwlad (ac eithrio’r rhai sy’n creu ffiniau gerddi) heb ganiatâd. Gall y ffordd y mae'r Rheoliadau yn berthnasol i wrychoedd fod yn eithaf cymhleth, felly fe'ch cynghorir i drafod eich cynigion gyda ni yn gynnar.

Mae rhai coed gwrychoedd hefyd yn dod o dan Orchmynion Cadw Coed. Cyn gwneud unrhyw waith i'r coed hyn, bydd angen i chi gysylltu â ni i gael y caniatadau angenrheidiol.

I gael caniatâd i glirio perth, mae’n rhaid i chi ysgrifennu atom ni. Bydd angen i chi gyflwyno cais i gael gwared â gwrych a chynllun sy'n dangos y gwrych dan sylw. Fel arfer bydd eich cais yn cael ei benderfynu o fewn 42 diwrnod.  Ni chodir tâl am y cais hwn.

Os byddwn ni’n penderfynu gwahardd clirio perth "bwysig”, mae’n rhaid i ni roi gwybod i chi o fewn 6 wythnos. Os byddwch yn gwaredu perth heb ganiatâd, p’un a ydyw’n bwysig neu beidio, gallech gael eich erlyn. Hefyd yn ôl pob tebyg bydd yn rhaid i chi osod perth newydd.

Mae angen caniatâd arnoch i glirio perth os ydyw mewn un o’r mannau canlynol:

  • Tir amaethyddol
  • Tir comin
  • Tir coedwigaeth
  • Padogau
  • Gwarchodfa Natur Leol
  • Safle o Ddiddordeb Gwyddonol Arbennig

Nid oes angen caniatâd arnoch o dan y rheoliadau hyn o dan yr amgylchiadau canlynol:

  • Os yw’r berth yn eich gardd neu’n ffinio â’ch gardd.
  • Os ydych yn ei chlirio i gael mynediad naill ai yn lle mynediad presennol, (dylid ailblannu’r berth cyn pen 8 mis ar ôl gwneud yr agoriad newydd), neu lle nad oes dull mynediad arall, neu lle nad oes modd sicrhau hynny ond am gost anghymesur
  • I sicrhau mynediad dros dro i roi cymorth mewn argyfwng
  • I gydymffurfio â rhybudd statudol i atal ymyrraeth â llinellau trydan
  • Yng nghyswllt gwaith statudol ar gyfer draenio neu amddiffyn rhag llifogydd.
  • I roi caniatâd cynllunio ar waith (ac eithrio yn achos hawliau datblygu a ganiateir)

OND mae’n rhaid i chi wirio nad oes unrhyw gyfamodau, caniatâd cynllunio neu amodau sy’n golygu bod rhaid cadw’r perthi.

Sut mae gwneud cais?

Rydym yn eich annog i gyflwyno'ch ceisiadau cynllunio ar-lein drwy Ceisiadau Cynllunio Cymru.

Dechrau cais cynllunio ar-lein

Lawrlwythwch ffurflen hysbysiad gwaredu perth

Cymorth i lenwi ffurflen gais am hysbysiad gwaredu perth

 

Cynllunio

Canllaw Cais Cynllunio

Brosiectau Cynllunio Mawr

Ymestyn / newid eich cartref

Chwiliwch am gais cynllunio

Torri rheolau cynllunio

Newid defnydd (Cynllunio)

Ymgynghoriad Cyn Ymgeisio (PAC)

Cyswllt cynllunio priffyrdd

Offeryn Asesu Model Hyfywedd Datblygu

Systemau Draenio Cynaliadwy

Gwnewch gais am arian Adran 106

Gorchymyn Datblygu Lleol (GDLl)

Adeiladau Rhestredig ac Ardaloedd Cadwraeth

Cadwraeth a chefn gwlad

Enwi a rhifo strydoedd

Fy Un Agosaf - Gwybodaeth Cynllunio

Polisi Cynllunio

Cynllun Datblygu Lleol 2018 - 2033

Ynni Adnewyddadwy

Cynllunio Ecoleg

Targedau ffosffad newydd

Bioamrywiaeth

Gwastraff

Mwy ynghylch Cynllunio