Polisi codi tâl am wasanaethau gofal cymdeithasol
Yn yr adran hon
- Cyflwyniad
- Gwasanaethau Codi Tâl
- Lleoliadau Preswyl
- Arosiadau Byrdymor/Seibiannol Mewn Cartref Gofal
- Taliadau Uniongyrchol
- Asesiad Ariannol
- Cyngor am Fudd-Daliadau
- Isafswm Incwm
- Gwasanaethau yn y Nos (Dibreswyl)
- Trin Incwm
- Trin Cyfalaf
- Trin Eiddo
- Pobl heb Alluedd
- Rheoli Eiddo a Chyllid
- Eiriolaeth
- Taliadau Gohiriedig
- Anfonebu am Daliadau
- Methu Taliadau a Dyled
- Amddifadu o Asedau
- Costau Ychwanegol (CY) am Dderbyniadau Parhaol/Dros Dro i Gartref Gofal
- Costau Ychwanegol (CY) am Dderbyniadau Seibiannol/Byrdymor i Gartref Gofal
- Cymhwyso'r Rheolau i Achosion Unigol
- Adolygiadau a Dulliau Apelio
- Atodiad 1 - Amrywiadau/Addasiadau i Ffioedd am Wasnaaethsau a Aseswyd yn Ariannol
- Atodiad 2 - Rheolau Gweithredol ar Gyfer Dechrau a Therfynu Pecynnau Gofal a Chymorth
Arosiadau Byrdymor/Seibiannol Mewn Cartref Gofal
10. Arosiadau Tymor Byr/Seibiant Mewn Cartref Gofal
Os yw person ag anghenion gofal a chymorth yn byw yn y tymor byr mewn cartref gofal, a phan gaiff ei dderbyn, bwriedir i'r lleoliad fod yn llai nag 8 wythnos, yna bydd y lleoliad hwn yn cael ei asesu'n ariannol fel pe bai'r person hwnnw'n derbyn gofal nad yw'n ofal Preswyl. Gall person sydd ag anghenion gofal a chymorth gael sawl arhosiad mewn unrhyw gyfnod sy’n cael eu hystyried yn gyfnod byr sy’n cronni'n fwy nag 8 wythnos gyda’i gilydd.
Bydd y tâl fesul noson ar gyfer pob lleoliad tymor byr yn seiliedig ar gost lawn y lleoliad. Ar gyfer lleoliadau yng nghartrefi gofal Sir Gaerfyrddin, bydd y tâl yn cael ei godi'n wythnosol ar gyfer y cartrefi gofal y mae’n eu gweithredu, ac ar gyfer lleoliadau i gartref gofal yn y Sector Annibynnol, y ffi fydd y swm a gontractiwyd. Mae’r wythnos codi tâl yn rhedeg o ddydd Llun i ddydd Sul; felly, oherwydd y gost o ddarparu lleoliadau mewn cartrefi gofal, gallai arhosiad tymor byr/seibiant un noson mewn cartref gofal yn ystod wythnos godi tâl olygu y bydd y person yn cyfrannu’r tâl llawn a aseswyd yn ariannol.
Bydd y rheolau asesu dibreswyl yn cael eu cymhwyso i arosiadau tymor byr sy’n cael eu hasesu ar y dechrau fel rhai nad ydynt am ddim mwy nag 8 wythnos ar unrhyw un achlysur. Bydd lleoliadau dros dro neu leoliadau parhaol sydd am unrhyw reswm yn para am 8 wythnos neu lai yn cael eu hasesu’n ariannol gan ddefnyddio’r rheolau codi tâl preswyl.
Codir tâl am arosiadau tymor byr sy’n ymestyn y tu hwnt i 8 wythnos ar unrhyw un achlysur fel pe bai’r preswylydd yn ddarostyngedig i’r rheolau codi tâl preswyl fel sy’n briodol o ddiwrnod cyntaf y 9fed wythnos.
Os yw arhosiad tymor byr yn ymestyn y tu hwnt i 8 wythnos a bod yr estyniad oherwydd nad oes gwasanaeth wedi’i asesu ar gael ac nad taliad uniongyrchol yw’r dewis a ffefrir neu na fydd yn bodloni canlyniadau asesedig y person, yna gellir ymestyn y rheolau codi tâl arhosiad byr y tu hwnt i 8 wythnos lle na ellir rhyddhau’r preswylydd dim ond am nad yw’r gwasanaethau a aseswyd ar gael. Mewn achosion o’r fath, codir tâl ar y person sydd ag anghenion gofal a chymorth am y gwasanaethau y mae'n eu derbyn mewn gwirionedd.
