Defnyddwyr ffyrdd sy’n agored i niwed

Wrth yrru ar ffyrdd gwledig, byddwch yn barod ar gyfer cerddwyr, marchogion, beicwyr a cherbydau fferm sy'n symud yn araf. Mae'n bosib hefyd y bydd mwd ar wyneb y ffordd.

Ewch yn fwy araf wrth agosáu at droadau a gofalwch eich bod yn gallu stopio o fewn y pellter y gallwch ei weld yn glir.

Wrth basio anifeiliaid, gyrrwch yn araf. Rhowch ddigon o le iddyn nhw a byddwch yn barod i stopio. Peidiwch â dychryn anifeiliaid trwy ganu'ch corn, refio’ch injan neu gyflymu'n sydyn ar ôl eu pasio.

Cadwch lygad am anifeiliaid sy'n cael eu harwain, eu gyrru neu eu marchogaeth ar y ffordd a chymerwch ofal ychwanegol.