Croeso i'n rhaglen Graddedigion
Cyflwyniad gan ein Prif Weithredwr a'n Aelod Cabinet dros Drefniadaeth a'r Gweithlu
Wendy Walters, Y Prif Weithredwr
Mae’n bleser gennyf gyflwyno ichi’r amrywiaeth o gyfleoedd i hyfforddeion graddedig sydd ar gael yng Nghyngor Sir Caerfyrddin. Dechreuais i fy ngyrfa fel Hyfforddai Graddedig yn y diwydiant adwerthu, ac rwy’n cydnabod i hwn fod yn gyfle gwych imi ddysgu mwy am y diwydiant ac ennill y sgiliau a’r wybodaeth yr wyf wedi’u defnyddio drwy gydol fy ngyrfa i gamu ymlaen i’r rôl sydd gennyf heddiw – roedd yn sicr wedi gweithio i mi!
Rwy’n hynod falch o gael arwain yr awdurdod blaengar hwn, ac rwy’n cydnabod bod ein graddedigion, sy’n gweithio gyda’n staff presennol, yn chwarae rôl allweddol o ran llunio ein dyfodol. Yr ydym, yn ddiamheuaeth, yn sefydliad blaengar ac rydym yn chwilio am bobl sy’n rhannu’r uchelgais hwnnw.
Rydym bob amser yn ceisio gwella’r ffordd yr ydym yn gweithio, a’r gwasanaethau yr ydym yn eu darparu. Credaf yn bendant, os cewch chi’r cyfle iawn, gallwch fod yn weithwyr proffesiynol y dyfodol a chwarae rôl allweddol wrth ddarparu gwasanaethau o ansawdd uchel a chyfrannu i weledigaeth tymor hir Sir Gaerfyrddin.
Mae pob un o’r cyfleoedd sydd ar gael yn gysylltiedig â chymhwyster proffesiynol, a fydd yn rhoi cyfle ichi adeiladu ar eich llwyddiant academaidd a dechrau ar astudiaeth bellach fel rhan o’r swydd dan hyfforddiant. Yn ogystal, byddwch yn cael eich mentora gan uwch-reolwyr ynghyd â chael datblygiad wedi’i dargedu a fydd yn eich galluogi i ddysgu am y sefydliad a’ch datblygu ar gyfer gyrfa mewn Gwasanaeth Cyhoeddus. Pob lwc â’ch cais ac rwy’n edrych ymlaen at ddysgu am gynnydd ein hymgeiswyr llwyddiannus!
Wendy Walters, Y Prif Weithredwr
Mae’n bleser gennyf gyflwyno ichi’r amrywiaeth o gyfleoedd i hyfforddeion graddedig sydd ar gael yng Nghyngor Sir Caerfyrddin. Dechreuais i fy ngyrfa fel Hyfforddai Graddedig yn y diwydiant adwerthu, ac rwy’n cydnabod i hwn fod yn gyfle gwych imi ddysgu mwy am y diwydiant ac ennill y sgiliau a’r wybodaeth yr wyf wedi’u defnyddio drwy gydol fy ngyrfa i gamu ymlaen i’r rôl sydd gennyf heddiw – roedd yn sicr wedi gweithio i mi!
Rwy’n hynod falch o gael arwain yr awdurdod blaengar hwn, ac rwy’n cydnabod bod ein graddedigion, sy’n gweithio gyda’n staff presennol, yn chwarae rôl allweddol o ran llunio ein dyfodol. Yr ydym, yn ddiamheuaeth, yn sefydliad blaengar ac rydym yn chwilio am bobl sy’n rhannu’r uchelgais hwnnw.
Rydym bob amser yn ceisio gwella’r ffordd yr ydym yn gweithio, a’r gwasanaethau yr ydym yn eu darparu. Credaf yn bendant, os cewch chi’r cyfle iawn, gallwch fod yn weithwyr proffesiynol y dyfodol a chwarae rôl allweddol wrth ddarparu gwasanaethau o ansawdd uchel a chyfrannu i weledigaeth tymor hir Sir Gaerfyrddin.
Mae pob un o’r cyfleoedd sydd ar gael yn gysylltiedig â chymhwyster proffesiynol, a fydd yn rhoi cyfle ichi adeiladu ar eich llwyddiant academaidd a dechrau ar astudiaeth bellach fel rhan o’r swydd dan hyfforddiant. Yn ogystal, byddwch yn cael eich mentora gan uwch-reolwyr ynghyd â chael datblygiad wedi’i dargedu a fydd yn eich galluogi i ddysgu am y sefydliad a’ch datblygu ar gyfer gyrfa mewn Gwasanaeth Cyhoeddus. Pob lwc â’ch cais ac rwy’n edrych ymlaen at ddysgu am gynnydd ein hymgeiswyr llwyddiannus!
Cynghorydd Philip Hughes
Fel yr Aelod y Cabinet dros Drafnidiaeth a’r Gweithlu rwy'n falch iawn o'r cyfleoedd rydym yn eu cynnig i Raddedigion. Mae ein gweithlu, a'r gwasanaethau y maent yn eu darparu i'n dinasyddion yn ganolog i'r sefydliad hwn. Ac rydym yn chwilio am bobl sy'n dangos brwdfrydedd ac ymrwymiad yn ogystal â hyblygrwydd a chreadigrwydd i ddarparu ein gwasanaethau. Mae gweledigaeth y Cabinet hwn yn uchelgeisiol o ran sicrhau cyfleoedd cyflogaeth leol ar bob lefel.
Mae ein rhaglen lwyddiannus i raddedigion yn cynnig cyfleoedd cyffrous i’r rhai sy'n gadael y brifysgol i ennill profiad gwerthfawr a pharhau â'u haddysg o fewn sefydliad sy'n newid yn barhaus, yn ddeinamig, ac yn flaengar. Yn agored i bob oedran, rydym yn chwilio am unigolion brwdfrydig i ymuno â'n rhaglen a'n helpu i lunio a darparu gwasanaethau cyhoeddus gwell yn Sir Gaerfyrddin.
Rydw i, a gweddill y Cabinet, yn cymryd diddordeb brwd yng nghynnydd ein graddedigion ac edrychaf ymlaen at gyfarfod a gweithio gyda'r ymgeiswyr llwyddiannus.
Beth mae ein graddedigion blaenorol yn ei ddweud?
Hyfforddai Graddedig - Perfformiad a Busnes ar gyfer yr is-adran Iechyd Meddwl ac Anableddau Dysgu
Enillais gymhwyster dysgu seiliedig ar waith sydd wedi bod yn hynod o ddefnyddiol o ran fy helpu i lunio CV gwych yn ogystal a nodi fy anghenion hyfforddi fy hun a llunio cynllun datblygu personol, y byddaf yn parhau i’w ddiweddaru wrth imi symud ar hyd fy llwybr gyrfa. Rwy’n gwybod yn bendant bod fy amser fel Hyfforddai Graddedig gyda Chyngor Sir Caerfyrddin wedi fy rhoi ar y blaen i ymgeiswyr eraill.
Mae’r datblygiad proffesiynol yr wyf wedi’i gael wedi bod yn amhrisiadwy ac rwyf wedi ennill sgiliau a gwybodaeth a fydd o gymorth imi drwy gydol fy llwybr gyrfa.
Hyfforddai Graddedig - Arolygydd Mecaneg:
Mae’r rhaglen i raddedigion yn wir wedi helpu ac rwy’n ddiolchgar iawn am yr holl brofiad y mae’r rôl hon wedi’i roi imi.
Cynghorydd Philip Hughes
Fel yr Aelod y Cabinet dros Drafnidiaeth a’r Gweithlu rwy'n falch iawn o'r cyfleoedd rydym yn eu cynnig i Raddedigion. Mae ein gweithlu, a'r gwasanaethau y maent yn eu darparu i'n dinasyddion yn ganolog i'r sefydliad hwn. Ac rydym yn chwilio am bobl sy'n dangos brwdfrydedd ac ymrwymiad yn ogystal â hyblygrwydd a chreadigrwydd i ddarparu ein gwasanaethau. Mae gweledigaeth y Cabinet hwn yn uchelgeisiol o ran sicrhau cyfleoedd cyflogaeth leol ar bob lefel.
Mae ein rhaglen lwyddiannus i raddedigion yn cynnig cyfleoedd cyffrous i’r rhai sy'n gadael y brifysgol i ennill profiad gwerthfawr a pharhau â'u haddysg o fewn sefydliad sy'n newid yn barhaus, yn ddeinamig, ac yn flaengar. Yn agored i bob oedran, rydym yn chwilio am unigolion brwdfrydig i ymuno â'n rhaglen a'n helpu i lunio a darparu gwasanaethau cyhoeddus gwell yn Sir Gaerfyrddin.
Rydw i, a gweddill y Cabinet, yn cymryd diddordeb brwd yng nghynnydd ein graddedigion ac edrychaf ymlaen at gyfarfod a gweithio gyda'r ymgeiswyr llwyddiannus.
Beth mae ein graddedigion blaenorol yn ei ddweud?
Hyfforddai Graddedig - Perfformiad a Busnes ar gyfer yr is-adran Iechyd Meddwl ac Anableddau Dysgu
Enillais gymhwyster dysgu seiliedig ar waith sydd wedi bod yn hynod o ddefnyddiol o ran fy helpu i lunio CV gwych yn ogystal a nodi fy anghenion hyfforddi fy hun a llunio cynllun datblygu personol, y byddaf yn parhau i’w ddiweddaru wrth imi symud ar hyd fy llwybr gyrfa. Rwy’n gwybod yn bendant bod fy amser fel Hyfforddai Graddedig gyda Chyngor Sir Caerfyrddin wedi fy rhoi ar y blaen i ymgeiswyr eraill.
Mae’r datblygiad proffesiynol yr wyf wedi’i gael wedi bod yn amhrisiadwy ac rwyf wedi ennill sgiliau a gwybodaeth a fydd o gymorth imi drwy gydol fy llwybr gyrfa.
Hyfforddai Graddedig - Arolygydd Mecaneg:
Mae’r rhaglen i raddedigion yn wir wedi helpu ac rwy’n ddiolchgar iawn am yr holl brofiad y mae’r rôl hon wedi’i roi imi.
