Gwella'r gwasanaeth tai yr ydym yn ei ddarparu

Dylech chi lenwi'r arolwg erbyn 11 Gorffennaf.

Bydd canlyniadau'r Arolwg Bodlonrwydd Tenantiaid STAR yn ein helpu ni i gynllunio ein gwaith, llunio'r gwasanaeth a gwella.  

Ym mis Rhagfyr 2023, cafodd 5,000 o bobl sy'n byw mewn tai cyngor eu dewis ar hap i rannu eu barn. Yn seiliedig ar eich adborth, ers yr arolwg diwethaf rydyn ni wedi:

Cyflwyno system apwyntiadau ar gyfer atgyweiriadau
Dechrau cynyddu ein gweithlu atgyweirio
Datblygu gwasanaeth glanhau a chynnal a chadw sy'n canolbwyntio ar dai, ystadau ac ardaloedd cymunedol sy'n eiddo i'r Cyngor
Ceisio sicrhau bod Swyddogion Tai yn fwy amlwg, gan eich helpu chi i ddod i'w hadnabod yn well yn ogystal â thynnu sylw at yr amrywiaeth o gymorth sydd ar gael ganddyn nhw
Cwrdd â phreswylwyr ar draws ein Cynlluniau Tai Gwarchod i ddysgu mwy am yr hyn maen nhw am ei gael a'r hyn sydd ei angen arnyn nhw gan ein Gwasanaeth Tai
Parhau i fynd i'r afael ag ymddygiad gwrthgymdeithasol ac achosion o dorri amodau tenantiaeth yn ogystal â defnyddio teledu cylch cyfyng i gadw ein cartrefi a'n cymunedau'n ddiogel
Cyflwyno Swyddog Ymgysylltu penodol i'n tîm Gwasanaethau Tai sy'n canolbwyntio ar ddarparu gwell cyfathrebu, mewn amrywiaeth o fformatau, gyda thenantiaid. Mae hyn wedi cynnwys datblygu Panel Tenantiaid, sy'n cael ei gadeirio gan yr Aelod Cabinet dros Gartrefi, i'n helpu ni i wneud penderfyniadau a llunio ein gwasanaeth tai. Bydd y panel hwn yn cyfarfod am y tro cyntaf y mis hwn. E-bostiwch ni i gymryd rhan

Os oes gennyn ni gyfeiriad e-bost neu rif ffôn ar eich cyfer chi, bydd dolen i'r arolwg ar-lein yn cael ei hanfon atoch chi. Cliciwch ar y ddolen i lenwi'r arolwg.

Os nad oes gennyn ni gyfeiriad e-bost ar eich cyfer chi, bydd copi papur o'r arolwg yn cael ei bostio i'ch cyfeiriad. 

Mae Acuity yn cynnal yr arolwg ar ein rhan.

Mae Acuity Research & Practice (Acuity) yn darparu arolygon bodlonrwydd tenantiaid a gwasanaethau meincnodi, gan helpu darparwyr tai i wella gwasanaethau ac ymgysylltu â'u tenantiaid drwy ddeall data bodlonrwydd, perfformiad a phroffilio. Maen nhw wedi bod yn darparu gwasanaethau ymgynghoriaeth i'r sector tai cymdeithasol ers dros 26 o flynyddoedd. 

Mae'r arolwg yn gwbl gyfrinachol ac os ydych chi'n gofyn, gallwch chi ddychwelyd y canlyniadau aton ni heb gynnwys eich enw. 

Mae pob galwad yn cael ei recordio at ddibenion hyfforddiant ac ansawdd. Mae Acuity yn aelod partner cwmni o'r Market Research Society ac mae wedi'i gofrestru gyda Swyddfa'r Comisiynydd Gwybodaeth, ac yn unol â'r Ddeddf Diogelu Data nid yw'n cael rhyddhau unrhyw fanylion i unrhyw sefydliad arall. O dan y Ddeddf Diogelu Data nid yw Acuity yn cael rhyddhau unrhyw wybodaeth fyddai'n golygu bod modd adnabod unigolyn heb gael ei ganiatâd ymlaen llaw i wneud hynny. Hefyd mae Acuity yn meddu ar safon ISO20252:2019, sef y safon ansawdd ar gyfer cwmnïau ymchwil i'r farchnad.

Anfonwch e-bost at maecymunedynbwysig@sirgar.gov.uk neu ffoniwch 01267 234567

E-bostiwch maecymunedynbwysig@sirgar.gov.uk neu ffoniwch y gwasanaethau cwsmeriaid ar 01267 234567.