Deg Tref

Rhaglen Deg Tref

Diben ein menter Deg Tref yw cefnogi adferiad economaidd a thwf trefi gwledig ledled y Sir.

• Castell Newydd Emlyn
• Cross Hands
• Cwmaman
• Cydweli
• Hendy Gwyn
• Llandeilo
• Llanymddyfri
• Llanybydder
• Sanclêr
• Talacharn

Sefydlwyd y fenter fel ymateb uniongyrchol i'n Cynllun Symud Sir Gâr Wledig Ymlaen sy'n nodi nifer o argymhellion allweddol er mwyn helpu i adfywio Sir Gaerfyrddin wledig.

Yn dilyn ymgynghoriad gyda rhanddeiliaid lleol, datblygwyd cynllun twf economaidd i bob tref.

Menter y deg tref

Rydym wedi datblygu nifer o gyfleoedd fel ymateb i drafodaethau ac ymgynghoriadau a gynhaliwyd gyda rhanddeiliaid i gefnogi'r cyfleoedd cynaliadwyedd a thwf ar draws trefi marchnad wledig y Sir.

Cronfa Datblygiad Cyfalaf Deg Tref

Fel rhan o'r rhaglen deg Tref, gall safleoedd masnachol gwag ar draws trefi gwledig y Sir fod yn gymwys i gael cymorth ariannol hyd at £50,000 i ailddatblygu adeiladau canol tref sydd ar hyn o bryd mewn cyflwr gwael.

Mae hon yn gronfa wedi'i thargedu ar gyfer safleoedd sydd wedi'u lleoli mewn ardaloedd dynodedig ar draws ein trefi gwledig.

Gellir ystyried ceisiadau o safleoedd sydd wedi'u lleoli y tu allan i'r ardal ddynodedig pob tref fesul achos pe bai'r prosiect yn cael effaith sylweddol.

Pwy all wneud cais?

• Perchnogion
• Lesddeiliaid sydd â phrydles 7 mlynedd yn weddill o ddyddiad y taliad terfynol

Prosiectau cymwys

• Dylai ffocws bob cais fod ar ddatblygu tu fewn adeiladau gwag er mae gwaith i du allan ac yn y cwrtil yn gymwys.
• Rhaid i'r ymgeisydd sicrhau, gan ddefnyddio cyngor proffesiynol priodol yn ôl yr angen, fod y gwaith arfaethedig yn dechnegol addas, bod ganddo uniondeb strwythurol, a'i fod wedi sicrhau pob caniatâd a thrwydded statudol briodol.

Y cynnig

• Haen 1 - grant rhwng £3000-£10000 am ddatblygiadau graddfa bach 
• Haen 2 - grant rhwng £10,0001- £50,000 am prosiectau graddfa mawr
• Rhaid i ymgeiswyr ddarparu cyfraniad cyfatebol o 30% o gyfanswm cost gymwys y prosiect

Amserlen

• Bydd gofyn i ddarpar ymgeiswyr gyflwyno datganiad o ddiddordeb (EOI) yn y lle cyntaf.
• Bydd swyddog yn trefnu i gwrdd ag ymgeiswyr posibl 
• Nid yw gwaith a wneir cyn derbyn llythyr cynnig grant yn gymwys.

Ymgeisio

Cysylltwch â RDPSIRGAR@sirgar.gov.uk  i drafod eich prosiect gyda swyddog.

Cronfa Sgrinau digidol Deg Tref

Mae Cyngor Sir Caerfyrddin wedi gwneud cynnydd sylweddol o ran gwella seilwaith digidol ar draws ei brif drefi drwy ystod o fentrau sydd wedi'u cynllunio i wella profiad ymwelwyr, hyrwyddo busnesau lleol, a chryfhau cyfathrebu cymunedol. Mae sawl tref eisoes ar eu hennill yn sgil cael byrddau gwybodaeth digidol, gyda chefnogaeth rhaglenni cyllido a weinyddir gan yr Awdurdod fel rhan o'r Rhaglen Deg Tref. 

Er mwyn sicrhau cysondeb mewn seilwaith digidol ar draws pob un o'r deg tref, bydd y gronfa hon yn galluogi cynghorau tref a chymuned cymwys i gaffael, gosod a gweithredu byrddau gwybodaeth digidol yn eu canol trefi priodol.

Bydd y fenter yn cefnogi amcanion ehangach y Cyngor o adfywio economaidd, hyrwyddo twristiaeth, ac ymgysylltu â'r gymuned, gan sicrhau mynediad cyfartal at wybodaeth ddigidol i ymwelwyr a chryfhau bywiogrwydd a gwytnwch trefi marchnad gwledig Sir Gaerfyrddin.

Ardaloedd Cymwys

Bydd prosiectau wedi eu lleoli mewn safle cyhoeddus yn y trefi isod yn gymwys; 

·       Cross Hands

·       Cwmaman (Garnant a Glanaman)

·       Cydweli

·       Llandeilo

·       Llanymddyfri

·       Castell Newydd Emlyn

·       Talacharn

·       Llanybydder

·       Hendy Gwyn 

·       St Clears 

Ymgeiswyr cymwys

• Grwpiau Gwirfoddol a Chymunedol Sefydledig e.e. fforwm busnes, partneriaethau canol tref
• Cynghorau Tref a/neu Chymuned

Y Cynnig 

• Bydd grantiau o hyd at 100% o gyfanswm cost y prosiect ar gael, ond anogir prosiectau i gael arian cyfatebol i ymestyn buddion y prosiect.
• Gall ymgeiswyr wneud cais am uchafswm o £10,000 fesul prosiect (lleoliad)
• Gall sefydliadau gyflwyno mwy nag un cais i'w ystyried ar gyfer cael cymorth gan y gronfa hon
• Mewn rhan fwyaf o achosion, bydd yn ofynnol i ymgeiswyr gael caniatâd hysbysebu gan yr awdurdod cynllunio lleol. Rhaid cyflwyno ceisiadau hysbysebu cyn cyflwyno cais am grant.  Mae rhagor o wybodaeth ar gael yma Caniatâd hysbysebu - Mathau o ganiatâd - Porth Cynllunio. Gellir cynnwys yng nghais y grant gostau sy'n gysylltiedig â chael caniatâd angenrheidiol.

Dyddiadau pwysig 

• Bydd y gronfa hon yn gweithredu ar sail y cyntaf i'r felin.  
• Bydd y gronfa yn cau ar gyfer ceisiadau ar 21 Rhagfyr 2025.
• Bydd ceisiadau a dderbynnir ar ôl y dyddiad hwn yn cael eu gwrthod.
• Rhaid i brosiectau gael eu cwblhau'n llawn erbyn 12 Mawrth 2026.

CANLLAWIAU

FFURFLEN GAIS 

Cysyltwch RDPSIRGAR@carmarthenshire.gov.uk i drafod eich prosiect