Deg Tref

Rhaglen Deg Tref

Diben ein menter Deg Tref yw cefnogi adferiad economaidd a thwf trefi gwledig ledled y Sir.

• Castell Newydd Emlyn
• Cross Hands
• Cwmaman
• Cydweli
• Hendy Gwyn
• Llandeilo
• Llanymddyfri
• Llanybydder
• Sanclêr
• Talacharn

Sefydlwyd y fenter fel ymateb uniongyrchol i'n Cynllun Symud Sir Gâr Wledig Ymlaen sy'n nodi nifer o argymhellion allweddol er mwyn helpu i adfywio Sir Gaerfyrddin wledig.

Yn dilyn ymgynghoriad gyda rhanddeiliaid lleol, datblygwyd cynllun twf economaidd i bob tref.

Cynlluniau twf y deg tref

Rydym wedi datblygu nifer o gyfleoedd fel ymateb i drafodaethau ac ymgynghoriadau a gynhaliwyd gyda rhanddeiliaid i gefnogi'r cyfleoedd cynaliadwyedd a thwf ar draws trefi marchnad wledig y Sir.

Cronfa Adfywio Trefi Gwledig

Fel rhan o'r rhaglen 10 Tref, gallai safleoedd masnachol ar draws trefi gwledig y Sir fod yn gymwys i gael cymorth ariannol o hyd at £2000 i adfywio blaen eu siopau.

Mae hon yn gronfa wedi'i thargedu ar gyfer safleoedd sydd wedi'u lleoli mewn ardaloedd dynodedig ym mhob tref farchnad wledig. Gellir ystyried ceisiadau o safleoedd sydd wedi'u lleoli y tu allan i'r ardal ddynodedig pob tref fesul achos pe bai'r prosiect yn cael effaith sylweddol.

Sut i gael cefnogaeth?

Cysylltwch â RDPSIRGAR@sirgar.gov.uk i drafod eich cais prosiect gyda swyddog. Rhaid i bob cais sicrhau ei bod yn cyd-fynd â'r canllawiau a'r argymhellion a nodir yng Nghanllaw Dylunio Treftadaeth Adeiledig Sir Gaerfyrddin.

Pwy all wneud cais?

Mae rhydd-ddeiliaid a les ddeiliaid yn gymwys.

Pa fath o wariant sy'n gymwys?

• Addurno adeilad
• Goleuadau
• Canopïau (yn amodol ar ganiatâd cynllunio)
• Arwyddion dwyieithog newydd (yn amodol ar ganiatâd statudol)

Y cynnig

• Uchafswm grant o £2000 yn seiliedig ar 80% o gyfanswm costau'r prosiect
• Rhaid i ymgeiswyr ddarparu cyfraniad cyfatebol o 20% o gyfanswm cost gymwys y prosiect

Amserlen

• Dylid cyflwyno ceisiadau wedi'u cwblhau erbyn 12 Mai 2024
• Gall y rhai sy'n llwyddiannus ddechrau’r gwaith wedi derbyn llythyr cynnig grant. Nid yw gwaith a wneir cyn derbyn llythyr cynnig grant yn gymwys,
• Rhaid cwblhau’r prosiect erbyn diwedd Mis Medi 2024

Ymgeisio

Cysylltwch â RDPSIRGAR@sirgar.gov.uk i drafod eich cais prosiect gyda swyddog. Rhaid i bob cais sicrhau ei bod yn cyd-fynd â'r canllawiau a'r argymhellion a nodir yng Nghanllaw Dylunio Treftadaeth Adeiledig Sir Gaerfyrddin.

Ffurflen gais

Cronfa Digwyddiadau Deg Tref

Nod y gronfa yw codi proffil cefn gwlad Sir Gaerfyrddin trwy dynnu ar dreftadaeth a diwylliant cyfoethog y Sir drwy gynnal digwyddiadau.

Amcanion y Gronfa yw:

• Ysgogi'r economi leol drwy gynyddu nifer yr ymwelwyr yng nghanol trefi.
• Darparu gwell cyfleoedd cymdeithasol i bobl leol.
• Denu ymwelwyr dros nos a dydd o farchnadoedd a sectorau newydd.
• Cryfhau cydlynant cymunedol drwy annog cyfranogiad lleol.

Pwy all wneud cais?

• Grwpiau Cymunedol a Gwirfoddol Cyfansoddiadol.
• Elusennau Cofrestredig.
• Sefydliadau dielw.
• Cynghorau Tref a Chymuned.

Costau cymwys

• Costau marchnata a hyrwyddo dwyieithog
• Costau cyfieithu
• Artistiaid, adloniant, perfformwyr
• Llogi offer
• Prynu offer
• Ffioedd proffesiynol sy'n gysylltiedig â rheoli digwyddiadau
• Cyfarpar diogelwch
• Yswiriant atebolrwydd cyhoeddus hyd at £10m

Y cynnig

• Rhoddir cymorth grant ar sail canran o gyfanswm cost y prosiect hyd at uchafswm o 70%.
• Uchafswm y grant sydd ar gael yw £4,000 ar gyfer digwyddiadau newydd nas cynhaliwyd o'r blaen.
• Uchafswm y grant sydd ar gael yw £2,000 ar gyfer digwyddiadau presennol.
• Mae angen cadarnhad ysgrifenedig o’r arian cyfatebol o 30% o ffynonellau ariannu eraill neu gronfeydd yr ymgeiswyr eu hunain. Ni cheir defnyddio amser gwirfoddolwyr fel arian cyfatebol.

Amserlen

• Dylid cyflwyno ceisiadau wedi'u cwblhau erbyn 12 o Fai 2024 
• Rhaid cwblhau’r prosiect erbyn diwedd mis Rhagfyr 2024.

Ymgeisio

Cysylltwch â RDPSIRGAR@sirgar.gov.uk i drafod eich prosiect gyda swyddog.

Sicrhewch eich bod yn darllen canllawiau'r rhaglen cyn gofyn am ffurflen gais.

Mae llawer o wybodaeth defnyddiol i drefnwyr digywddiadau i weld yma

Canllawiau

Ffurflen Gais

Cronfa Economi Gylchol

Nod y Gronfa Economi Gylchol yw cefnogi gweithgareddau sy'n cyfrannu at hyrwyddo'r Economi Gylchol fel rhan o'r fenter Deg Tref.

Bydd cyllid sbarduno o hyd at uchafswm o £5,000 fesul ymgeisydd ar gael i gefnogi cymunedau i ddatblygu gweithgareddau economi gylchol yng nghanol trefi sy'n helpu i ddarparu buddion amgylcheddol, cymdeithasol ac economaidd cadarnhaol i'r gymuned leol, gan gynorthwyo i ddatblygu prosiectau cynaliadwy wrth leihau ôl troed carbon lleol.

Pwy all ymgeisio? 

• Grwpiau Gwirfoddol a Chymunedol â Chyfansoddiad
• Elusennau Cofrestredig
• Sefydliadau di-elw
• Mentrau Cymdeithasol
• Gall Cynghorau Tref a Chymuned wneud cais am brosiectau cymunedol sy'n ychwanegol at gyfrifoldebau statudol arferol a fydd o fudd i'r gymuned.

Prosiectau Cymwys

• Llyfrgell Pethau
• Caffis Atgyweirio
• Cyfleusterau/seilwaith compostio cymunedol
• Prosiectau ailddefnyddio/atgyweirio tecstilau
• Prosiectau adfer plastig
• Siopau cyfnewid
• Gweithdai/digwyddiadau codi ymwybyddiaeth Economi Gylchol
• Meithrin gallu/hyfforddiant i hwyluso gweithgareddau/prosiectau economi gylchol
• Siopau sgrap 

Y cynnig 

• Trothwy Grantiau rhwng £1,000 a £5000.

• Bydd cyllid o hyd at 100% o gyfanswm costau'r prosiect ar gael.

Proses ymgeisio ag amserlen 

• Rhaid i bob cais ddangos angen a nodwyd yn glir
• Bydd y prosiect yn cyflawni yn erbyn allbynnau a chanlyniadau'r cynllun
• Gallu cyflawni o fewn yr amserlen (rhaid cwblhau pob prosiect erbyn diwedd Rhagfyr 2024 fan bellaf)
• Gwerth am arian
• Wedi ystyried sut mae cyfleoedd sgiliau a phobl yn rhan o gyflawni’r prosiect ehangach 
• Dyddiad cau  11:59pm ar 12 o Fai 2024
• Os ydych am drafod eich cais, danfonwch ebost i enveto@sirgar.gov.uk

canllawiau 

ffurflen gais