Ariennir Grant Egni Adnewyddadwy Cymunedol Sir Gaerfyrddin drwy Gronfa Twf Lleol Cymru. Mae’r gronfa yn cael ei weinyddu gan Gyngor Sir Caerfyrddin i gefnogi asedau cymunedol sy'n darparu gwasanaethau a darpariaeth i drigolion Sir Gaerfyrddin.
Bydd y Gronfa yn darparu cymorth cyfalaf i sefydliadau cymunedol ledled y Sir tuag at;
- Cynhyrchu ynni adnewyddadwy lleol
- Mesurau effeithlonrwydd ynni i gefnogi cynaliadwyedd
Y Cynnig
- Ar hyn o bryd, cyfanswm y gyllideb sydd ar gael ar gyfer y gronfa hon yw £350,000.
- Mae grantiau rhwng £1,000 (isafswm) a £25,000 (uchafswm) tuag at gost systemau ynni adnewyddadwy yn ogystal â mesurau effeithlonrwydd ynni
- Bydd pob dyfarniad grant yn seiliedig ar ddim mwy na 80% o gyfanswm y costau cymwys hyd at £25,000.
- Bydd y gronfa yn gweithredu ar sail y cyntaf i'r felin a bydd yn cau ar unwaith y bydd y gyllideb wedi'i hymrwymo'n llawn.
Cymhwysedd
Mae'r gronfa ar gael i asedau cymunedol sydd wedi'u lleoli yn Sir Gaerfyrddin yn unig.
Sefydliadau cymwys
- Grwpiau Gwirfoddol a Chymunedol Cyfansoddedig
- Elusennau Cofrestredig
- Sefydliadau di-elw
- Mentrau Cymdeithasol
- Gall canghennau lleol o sefydliadau trydydd sector cenedlaethol wneud cais gan ddefnyddio Cyfansoddiad y rhiant-gorff.
- Gall Cynghorau Tref a Chymuned wneud cais am brosiectau cymunedol sy'n ychwanegol at gyfrifoldebau statudol arferol a fydd o fudd i'r gymuned.
Sefydliadau anghymwys
- Unigolion preifat
- Busnesau preifat
- Gweithgaredd prosiect wedi'i gyflawni er budd pobl y tu allan i Sir Gaerfyrddin yn unig
Gwariant cymwys
Systemau Pŵer
- Tyrbin gwynt sengl graddfa bychain.
- Paneli ffotofoltäig solar (wedi'u gosod ar y to / wedi'i osod ar y ddaear)
- Batri wedi'i gysylltu â systemau ynni adnewyddadwy
- System storio batri sy'n gysylltiedig â'r grid (lle mae'r tariff gyda chyflenwr ynni adnewyddadwy)
- Trydan dŵr
Systemau Gwresogi
- Pwmp Gwres Ffynhonnell Aer (Aer i ddŵr ac aer i aer)
- Pwmp Gwres Ffynhonnell Ddaear (fertigol, llorweddol, croeslin a rheiddiol)
- Paneli thermol solar ((wedi'u gosod ar y to / wedi'i osod ar y ddaear)
Mesurau Effeithlonrwydd Ynni
- Goleuadau LED os ydynt yn disodli goleuadau ynni-aneffeithlon. Mae hyn yn cynnwys amnewid llifoleuadau ar gyfer clybiau chwaraeon. Sylwch nad ydym yn gallu cefnogi newid colofnau
- Inswleiddio (wal – ceudod a solet, toeau/llofftiau, lloriau a phibellau) angen ystyried defnyddio deunyddiau cynaliadwy
- Pwyntiau gwefru cerbydau trydan
Mae'r mesurau effeithlonrwydd ynni canlynol yn gymwys fel rhan o brosiectau arbed ynni mwy yn unig;
- Gwahardd drafft ffenestri a drws (stribedi brwsh, stribedi hunangludiog, seliau ewyn a rwber)
- Synwyryddion clyfar (ar gyfer goleuo, tymheredd ac iawndal tywydd)
- Systemau rheoli adeiladu
Sut i wneud cais?
- Bydd y gronfa yn gweithredu ar broses dau gam.
- Mae angen i sefydliadau sydd â diddordeb gwblhau mynegiant o ddiddordeb a’i ddychwelyd i RDPSIRGAR@carmarthenshire.gov.uk
- Os ystyrir bod eich cais yn gymwys, fe'ch gwahoddir i gyflwyno cais llawn.
- Bydd cynghorydd ynni annibynnol yn cael ei benodi i gefnogi eich prosiect a darparu arweiniad ar ba systemau arbed ynni fyddai'n cefnogi eich ased orau.
- Bydd angen cyflwyno ceisiadau llawn o fewn 3 mis wedi derbyn gwahoddiad i wneud cais am gymorth.
- Rhaid i bob prosiect fod wedi'i gwblhau'n llawn erbyn diwedd Ionawr 2027.
Cysylltwch â RDPSIRGAR@carmarthenshire.gov.uk am ffurflen mynegiant o ddiddordeb.
