Newyddion diweddaraf
Rhagor o wybodaeth, y newyddion a'r wybodaeth ddiweddaraf ar Tyisha.
Mae timau Trawsnewid Tyisha a Chymoni eich Cymuned Cyngor Sir Caerfyrddin wedi lansio cynllun peilot sy'n darparu peiriannau bagiau baw cŵn ar draws Tyisha.
Mae'r peiriannau wedi'u lleoli ledled y ward i helpu'r rhai sy'n anghofio bagiau wrth fynd â'u cŵn am dro ac i gadw Tyisha yn glir o faw cŵn. Bydd y fenter hon yn helpu i wella'r amgylchedd ac i atal baw annymunol rhag mynd ar eich esgid.
Bydd y peiriannau'n cael eu monitro'n wythnosol, ond cysylltwch â thîm Tyisha os byddwch yn sylwi ar unrhyw broblemau.
Yn ddiweddar, roedd Wardeiniaid Cymunedol a Thîm Gorfodi Materion Amgylcheddol Cyngor Sir Caerfyrddin wedi cymryd rhan mewn ymarfer ar y cyd oedd yn canolbwyntio ar waredu gwastraff busnes yn gywir yn ardal Llanelli.
O ganlyniad, cyflwynwyd un hysbysiad cosb benodedig a phedwar hysbysiad adran 46 o dan Ddeddf Diogelu'r Amgylchedd 1990 am droseddau gan gynnwys sbwriel a'r ffordd y mae busnesau'n rhoi eu gwastraff wrth ymyl y ffordd i'w gasglu.
Mae rhaglen o weithio mewn partneriaeth rhwng Cyngor Sir Caerfyrddin, Heddlu Dyfed-Powys a Gwasanaeth Tân Canolbarth a Gorllewin Cymru wedi'i sefydlu i helpu i leihau troseddau ac ymddygiad gwrthgymdeithasol ledled Tyisha.
Mae hyn yn cynnwys teithiau cerdded, boreau coffi a Chymhorthfa Plismona yn Home Bargains, ac mae pob un ohonynt yn rhoi cyfle i breswylwyr fynegi eu pryderon am droseddau ac ymddygiad gwrthgymdeithasol yn yr ardal.
Ymunwch â grŵp newydd sydd â'r nod o wella ein mannau gwyrdd a rhoi cyfleoedd i wirfoddolwyr cymunedol gymryd rhan mewn gweithgareddau sy'n gwella'r amgylchedd.
Chwiliwch am 'Llanelli Green Spaces Network' ar Facebook neu cysylltwch â Paolo drwy ffonio 07956592806 i gael rhagor o wybodaeth.
Mae Gorchymyn Diogelu Mannau Agored Cyhoeddus newydd wedi'i gyflwyno yn ddiweddar gan Gyngor Sir Caerfyrddin i helpu i fynd i'r afael â throseddau cysylltiedig â chyffuriau ac alcohol yng nghanol tref Llanelli.
Mae'r Gorchymyn Diogelu Mannau Agored Cyhoeddus yn ddiweddariad o'r gorchymyn blaenorol ac yn rhoi'r pŵer i'r Heddlu ofyn i unigolyn stopio yfed alcohol yn ogystal â chaniatáu i Swyddogion atafaelu alcohol ac eitemau sy'n ymwneud â chyffuriau.
Yn dilyn llwyddiant y gorchymyn blaenorol, mae'r gorchymyn newydd wedi'i roi ar waith i helpu i gefnogi preswylwyr ac i wella ansawdd eu bywydau yn dilyn ymgynghori ag aelodau'r cyhoedd a rhanddeiliaid. Mae'r gorchymyn newydd yn rhoi pwerau ychwanegol i'r Heddlu atafaelu eitemau sy'n ymwneud â chyffuriau yn ogystal ag ehangu'r ardal y mae'n ei chwmpasu.
Gall methu â chydymffurfio arwain at arestiad a dirwy o hyd at £1,000.
Nid yw'r Gorchymyn yn berthnasol i fannau cyhoeddus lle mae gwerthu ac yfed alcohol yn cael ei awdurdodi o dan ddeddfwriaeth arall, megis clybiau a thafarndai.
Bydd y Gorchymyn Gwarchod Mannau Cyhoeddus yn parhau ar waith am dair blynedd a bydd yn cael ei adolygu'n rheolaidd.
I gael rhagor o wybodaeth am y Gorchymyn, edrychwch ar wefan y Cyngor.
Aeth Wardeiniaid Cymunedol Tyisha gyda Swyddogion o Heddlu Dyfed-Powys i gynnal gwarant gyffuriau mewn eiddo yn Nhyisha. Cymerwyd camau gweithredu perthnasol yn erbyn yr unigolyn. Roedd yr heddlu wedi ymdrin â'r unigolyn a chymerwyd y camau perthnasol. Gwaith ar y cyd fel hyn yw dim ond un o'r pethau y mae'r heddlu a thîm Tyisha yn ei wneud i helpu i wneud ein cymuned yn fwy diogel.
Os ydych yn ymwybodol o unrhyw weithgarwch yn ymwneud â chyffuriau yn eich ardal chi, ffoniwch 101.
Daeth preswylwyr, ysgolion a grwpiau cymunedol o Dyisha at ei gilydd i gymryd rhan mewn gorymdaith lusernau Nadoligaidd ym mis Rhagfyr.
Bu tîm Trawsnewid Tyisha y Cyngor a People Speak Up yn helpu disgyblion o Ysgol Pen Rhos ac Ysgol Bigyn, yn ogystal â'r grŵp cymdeithasol i bobl dros 50 oed yn y Ffwrnes Fach, i greu llusernau a oedd wedi cael eu cario yn ystod yr orymdaith.
Gan ddechrau yn y Ffwrnes Fach, aeth yr orymdaith trwy Barc Stryd Ann, Maes y Gors, Heol yr Orsaf a thrwy ganol y dref.
Roedd hetiau hyfryd wedi'u gwau ar hyd llwybr yr orymdaith, a grëwyd yn hael gan y grŵp lleol 'Hearts & Crafts' yn Nhyisha, sydd wedi'i leoli yn Neuadd Paddock Street.
Parhaodd y dathliadau yn dilyn yr orymdaith, gyda charolau Nadolig yn cael eu canu gan ddisgyblion o Ysgol Bigyn ac Ysgol Pen Rhos, yn ogystal â chôr cymunedol People Sing Up.
Gyda diolch i Gyngor Tref Llanelli, Heddlu Dyfed-Powys, Partneriaeth Gymunedol Llanelli, Hearts & Crafts, Ysgol Bigyn, Ysgol Pen Rhos ac i bawb a ddaeth i gefnogi'r orymdaith ar y diwrnod.
Mae disgwyl i 36 o gamerâu Teledu Cylch Cyfyng gael eu gosod ar draws y ward mewn ardaloedd allweddol gan gynnwys Tŷ Stafford, Clos Sant Paul ac mewn mannau gwyrdd yng Nghlos Sant Paul a pharc Stryd Ann yn dilyn ymgynghori â'r preswylwyr.
Nod y Teledu Cylch Cyfyng yw gwella diogelwch cymunedol a rhoi gwybod am ddigwyddiadau yn y safleoedd allweddol hyn.
Prosiect Merched Coedcae yn nodi Wythnos Ymwybyddiaeth Iechyd Meddwl
Mae aelodau o Brosiect Merched Coedcae yn Llanelli wedi nodi Wythnos Ymwybyddiaeth Iechyd Meddwl drwy greu murlun celf graffiti yn yr ardal.
Gan weithio gyda'r artist lleol Steve Jenkins o JenkArts, ysbrydolwyd y grŵp gan themâu twf, cyfeillgarwch, rhyddid a helpu eraill a ddeilliodd o gerdd a ysgrifennwyd gan yr aelodau.
Grŵp o ddisgyblion o Ysgol Coedcae yn Llanelli yw Prosiect Merched Coedcae sy'n cydweithio i gefnogi ei gilydd i fynd i'r afael â phroblemau iechyd meddwl.
Crëwyd y murlun gyda chymorth Cyngor Sir Caerfyrddin a chyllid gan People Speak Up.
Cafodd un o drigolion Clos Sant Paul hysbysiad cosb benodedig o £400 am dipio'n anghyfreithlon nifer o fagiau ailgylchu glas halogedig a phram yn yr ardal.
Mae modd rhoi gwybod am dipio anghyfreithlon ar wefan y Cyngor.
Mae'r Grŵp Gweithredu Cymunedau Mwy Diogel yn agored i breswylwyr wardiau Tyisha a Glanymôr i ddarganfod beth sy'n digwydd yn eu cymuned a chael dweud eu dweud ar faterion diogelwch cymunedol.
Cynhelir grwpiau ar y trydydd dydd Iau bob mis am 2pm yn Neuadd Sant Barnabas, Stryd Llewellyn, Llanelli SA15 1BD.
Mae disgyblion o Ysgol Pen Rhos ac Ysgol Gynradd Bigyn wedi gweithio gyda'r Cyngor i lanhau ardal Tyisha.
Mae sesiynau codi sbwriel wedi cael eu cynnal ar draws ardal Tyisha gyda chymorth disgyblion ysgolion lleol a gafodd sioc wrth weld gweithredoedd anghyfrifol nifer sy'n dewis taflu sbwriel yn yr ardal, yn enwedig nifer y gorchuddion wyneb a ddaethpwyd o hyd iddynt wedi'u taflu.
Diolch i ddisgyblion o'r ddwy ysgol sy'n helpu i gadw Sir Gaerfyrddin yn lân.
Mae tri chynllun Gwarchod Cymdogaeth newydd wedi'u cyflwyno'n ddiweddar i ardaloedd yn Nhyisha gyda chymorth Cyngor Sir Caerfyrddin.
Mae'r cynlluniau Gwarchod Cymdogaeth bellach yn chwilio am wirfoddolwyr er mwyn helpu i sicrhau eu llwyddiant drwy helpu i gynyddu teimladau o ddiogelwch cymunedol a lleihau achosion o droseddu.
I gael rhagor o wybodaeth am ymuno â'r Cynllun Gwarchod Cymdogaeth neu am gyngor ar sut i sefydlu Cynllun yn eich ardal, anfonwch e-bost i: tyisha@sirgar.gov.uk.
Mae gweithio mewn partneriaeth wedi galluogi nifer o brosiectau diogelwch cymunedol yn ardal Tyisha i wneud cynnydd.
Mae hyn yn cynnwys unedau teledu cylch cyfyng newydd sy’n cwmpasu ardaloedd allweddol ledled Tyisha, yn ogystal â gosod systemau diweddaredig i roi mynediad drwy ffob drws mewn tai cymunedol sy’n eiddo i’r Cyngor i sicrhau diogelwch y trigolion.
Mae cam 3 y rhaglen ffensio yng Nghlos Sant Paul bellach wedi’i gwblhau hefyd. Mae hyn eisoes wedi cael effaith gadarnhaol ar leihau troseddau ac ymddygiad gwrthgymdeithasol yn yr ardal.
Mae cyfarfodydd rheolaidd rhwng y tîm Trawsnewid Tyisha a Thîm Plismona Bro Llanelli wedi galluogi’r ddau dîm i nodi’n gyflym ardaloedd problemus o ran troseddau ac ymddygiad gwrthgymdeithasol.
Mae digwyddiadau Cwrdd â’r Stryd hefyd wedi rhoi cyfle i’r ddau dîm gwrdd â thrigolion lleol, casglu gwybodaeth a nodi ardaloedd problemus posibl o ran cyuriau
ac alcohol. Cynhaliwyd digwyddiadau diweddar yn Ger y Llan, Ffordd yr Orsaf, Ffordd Lakefield a Llys y Morwr.
Am fwy o wybodaeth am y prosiectau, cysylltwch â thîm Tyisha.
Mae pobl ifanc o grwpiau cymunedol yn Nhyisha wedi creu gwaith celf lliwgar ar y byrddau arddangos o amgylch Clos Sant Paul.
Mae Tîm 14 Ymddiriedolaeth y Tywysog a People Speak Up, sef prosiect Merched Coedcae, wedi creu darnau o waith celf sy’n codi calon yn seiliedig ar themâu sy’n bwysig iddyn nhw.
Cafodd y bobl ifanc o People Speak Up eu hysbrydoli gan gerdd a grëwyd gan y grŵp, ac mae rhan ohoni hefyd yn ymddangos yn y gwaith celf.
Mae’r gwaith celf a grëwyd gan Dîm 14 Ymddiriedolaeth y Tywysog yn seiliedig ar eu dehongliad o’r themâu canlynol: ‘cariad’, ‘Cymru am byth’, ‘ymdrechu’, ‘arweinydd’ a ‘chefnogaeth’.
Bu’r ddau grŵp cymunedol yn gweithio gyda’r artist grati, Steve Jenks, a’u helpodd i ddod â’u syniadau yn fyw.
Mae Cyngor Sir Caerfyrddin yn cymryd y cam cyffrous nesaf yn ei gynlluniau uchelgeisiol i drawsnewid ardal Tyisha yn Llanelli drwy chwilio am bartner i ailddatblygu sawl safle yn yr ardal.
Rydym nawr am ddechrau’r broses dendro swyddogol i ddod o hyd i bartner i’n helpu i wireddu’r cynlluniau ar gyfer y safl eoedd. Byddant yn cynnwys tai sy’n bodloni anghenion y gymuned, yn ogystal â chyfl eusterau i bawb eu mwynhau.
Mae pedwar safle allweddol sy’n rhan o’r cynllun, sy’n cynnwys tir gwag ac adeiladau adfeiliedig.
Dyma’r safleoedd allweddol:
- Tir gwag ar hen safle y Pedwar Tŷ (Maes-y-Gors)
- Hen Ysgol Maesllyn
- Hen Ysgol Copperworks
- Clos Sant Paul
