Cymhwystra ar gyfer cludiant am ddim i'r ysgol

Os nad oes unrhyw lwybr cerdded i'r ysgol. Caiff y llwybr cerdded rhwng y cyfeiriad cartref a'r ysgol ei asesu yn unol â chanllawiau 'Mesur Teithio gan Ddysgwyr (Cymru)' ar asesu risg llwybrau cerdded i'r ysgol.

Gellir gwneud trefniadau cludiant unigol lle bo cyflwr meddygol dysgwyr naill ai'n eu hatal rhag defnyddio cludiant arferol neu lle bo'r cyflwr yn eu hatal rhag cerdded ar hyd y 'pellter statudol' penodedig. I gefnogi pob cais am gymorth ar sail feddygol, bydd yn rhaid cael tystysgrif feddygol neu ddatganiad wedi'i lofnodi gan ymarferydd meddygol sy'n nodi'n glir na all y dysgwr gerdded y 'pellter statudol' penodedig i'r ysgol. Bydd pob datganiad yn cael ei adolygu ar ôl cyfnod penodol, yn dibynnu ar y cyflwr dan sylw, ac yn ôl yr hyn a gytunir â'r rhiant/gwarcheidwad wrth ddyfarnu'r cymorth am y tro cyntaf.

Bydd yn rhaid i'r rhain fodloni'r meini prawf cymhwystra. Fodd bynnag, gellir darparu cludiant hefyd i ddysgwyr nad ydynt yn bodloni'r meini prawf hyn ond lle manylir bod angen cludiant yn rhan o Ddatganiad o Anghenion Dysgu Ychwanegol a gyhoeddir gan yr Awdurdod, neu lle bo’r dysgwr yn destun gweithdrefn asesu statudol, oherwydd anawsterau dysgu, sy'n peri i'r Awdurdod Lleol ystyried bod cludiant yn 'angenrheidiol'.

Darperir cymorth os bydd dysgwr yn newid preswylfa yn ystod ei flynyddoedd TGAU (ar ôl gwyliau hanner tymor mis Hydref y flwyddyn gyntaf o astudio TGAU – blwyddyn 10) ar yr amod bod y dysgwr yn bodloni'r meini prawf ar gyfer oedran a phellter yn y breswylfa newydd a'i fod, cyn newid preswylfa, yn mynd i'r ysgol agosaf neu'r ysgol a ddynodwyd gan yr awdurdod lleol. Dim ond tan ddiwedd blwyddyn 11 y byddai cludiant yn cael ei gynnig, ar y cerbyd agosaf sydd ar gael ac o'r man casglu agosaf sydd ar gael. 

Fel arfer, darperir cludiant os bydd rhieni'n dewis anfon dysgwyr i ysgol wirfoddol a gynorthwyir ar sail grefyddol, ac ar yr amod bod y dysgwr yn bodloni'r meini prawf o ran oedran a'r pellter cludo byrraf, ac nad yw'n preswylio ymhellach nag 8 milltir o'r ysgol. Mae trefniadau ychwanegol yn berthnasol i Ysgol Sant Ioan Llwyd, Llanelli – Cysylltwch â ni am ragor o wybodaeth - E-bost - TeithioDysgwyr@sirgar.gov.uk 

Gallai sefyllfa deuluol y dysgwr olygu ei fod yn gymwys i gael cludiant. Os oes gan deulu'r dysgwr fwy nag un cartref rhiant a bod o leiaf un o'r cartrefi hynny yn Sir Gaerfyrddin, efallai y byddwch yn gymwys i gael pàs teithio i'r ysgol. Dyma'r hyn y mae angen ichi ei wybod: 

• Rhaid i ddysgwyr fynd i'r ysgol sydd yn eu dalgylch neu'r ysgol addas agosaf i'w prif gartref, neu i'r ysgol y cytunir sydd yn fwyaf addas i'r dysgwr.
• I wirio a yw'r dysgwr yn gymwys i gael cludiant ysgol am ddim, e-bost - TeithioDysgwyr@sirgar.gov.uk