Ffioedd Cyrsiau

Ffoniwch 01267 235413, e-bostiwch neu defnyddiwch ein ffurflen ymholiad i gofrestru eich diddordeb, cofrestru neu i wneud ymholiadau pellach. Ar ddyddiad dechrau eich cwrs byddwch yn cwblhau ffurflen gofrestru ac yn gwneud eich taliad. Gall y taliad fod trwy arian parod, siec wedi'i gwneud yn daladwy i 'Gyngor Sir Gaerfyrddin' neu ar-lein (dolen a ddarperir ar gofrestru). Dewch â chopi o'ch ID ffotograffig gyda chi.

Mae gennym ffi gofrestru canolfan o £10 a ffi gofrestru arholiad o £50 (pan fyddwch yn barod), neu £200 y tymor ar gyfer dysgwyr ESOL os nad ydynt yn gymwys ar gyfer ein cyllid gan Lywodraeth Cymru. 

Sgiliau hanfodol neu ddysgwr ESOL 

Rhaid i bob dysgwr gwblhau sgwrs anffurfiol gydag aelod o staff cyn cofrestru. Mae'r sgwrs gyda'n haelodau staff er mwyn i ni allu darganfod y dosbarth gorau i chi o ran lefel a chyflymder. 

Gallwch gofrestru ar unrhyw adeg yn ystod y flwyddyn. Dewch â chopi o'ch ID ffotograffig (pasbort a thrwydded breswyl) gyda chi. 

Rydym yn anelu at ddarparu pob cwrs fel y'i hysbysebwyd. Fodd bynnag, gellir canslo neu newid cyrsiau os yw'r cofrestriadau'n rhy isel, neu os bydd amgylchiadau annisgwyl yn digwydd. 

Gostyngiadau 

Nid oes unrhyw ostyngiadau ar gael ar gyfer cyrsiau a gynigir gan Ddysgu Sir Gâr. 

Bwrsariaeth 

Ar hyn o bryd, nid oes bwrsariaeth ar gael ar gyfer cyrsiau Dysgu Sir Gâr a ariennir gan Lywodraeth Cymru. 

Mae gennym ffi gofrestru canolfan o £10 a ffi gofrestru arholiad o £50 (pan fyddwch yn barod), neu £200 y tymor ar gyfer dysgwyr ESOL os nad ydynt yn gymwys ar gyfer ein cyllid gan Lywodraeth Cymru. 

Ad-daliadau 

Mae Dysgu Sir Gaerfyrddin yn cadw'r hawl i ganslo unrhyw gwrs/dosbarth oherwydd nad oes digon o ddysgwyr wedi cofrestru, neu am unrhyw resymau gweithredol eraill. Mewn achosion o'r fath bydd ffioedd dysgu ac, os yw'n briodol, ffioedd cofrestru yn cael eu had-dalu'n awtomatig i'r rhai sydd wedi cofrestru. 

Mae gan ddysgwyr sy'n cofrestru'n gynnar ac sy'n dymuno tynnu'n ôl cyn dechrau'r cwrs/dosbarth hawl i ad-daliad ar yr amod bod y cais yn cael ei dderbyn yn ysgrifenedig o leiaf 10 diwrnod gwaith cyn y dyddiad dechrau. 

Unwaith y bydd y cwrs wedi dechrau, ni fydd ad-daliadau fel arfer yn cael eu rhoi i ddysgwyr sy'n tynnu'n ôl. 

Rhaid gwneud ceisiadau am ad-daliadau sy'n ymwneud ag amgylchiadau personol yn ysgrifenedig, i'r Rheolwr Dysgu Cymunedol gan nodi'r rheswm am y cais yn glir a chynhyrchu copi o'r dderbynneb wreiddiol.