Enwi a rhifo strydoedd

Mae angen y gwasanaeth Enwi a Rhifo Stryd os:

Ydych wedi adeiladu eiddo newydd
Ydych wedi newid eiddo fel ysgubor i fod yn annedd, neu un eiddo yn fflatiau.
Ydych yn dymuno ail-enwi eich eiddo
Ydych yn dymuno ychwanegu enw i eiddo sydd â rhif ar hyn o bryd
Ydych wedi adeiladu datblygiad newydd o fwy nag un annedd. Gall hyn gynnwys enwi unrhyw ffyrdd o fewn y datblygiad
Ydych yn dymuno newid gweddlun datblygiadau newydd sydd eisoes wedi mynd drwy’r broses enwi a rhifo
Yw preswylwyr y dymuno ail-enwi stryd bresennol
Ydych angen cadarnhad o gyfeiriad

Fe’ch cynghorir yn gryf i wneud unrhyw gais am Enwi a Rhifo Strydoedd ar gyfer eiddo newydd cyn gynted ag sy’n bosibl yn y broses ddatblygu. Bydd hyn yn rhwystro unrhyw ohiriad wrth gael gwasanaethau ar gyfer yr eiddo.

Er mwyn sicrhau bod y broses yn mynd rhagddi mor effeithlon â phosibl, gofynnir i'r datblygwr ddarparu'r wybodaeth ganlynol:

1. Ffurflen gais wedi'i llenwi, ei llofnodi a'i dyddio
2. Cynllun Lleoliad yn dangos yr eiddo
3. Ffi gywir fel y nodir ar raddfa'r taliadau, ni fydd manylion yn cael eu cadarnhau nes bydd y ffi wedi'i derbyn

Mae'r ffurflenni cais, fersiynau pdf y gellir eu newid, ar gael i'w lawrlwytho. Anfonwch eich cais wedi'i gwblhau at: snn@sirgar.gov.uk

Gwybodaeth Talu

I brosesu eich cais, rhaid cyflwyno taliad gyda’ch cais. Ni fydd ceisiadau heb daliad yn cael eu dilysu, ac ni fydd y broses yn dechrau.

Wrth Dalu, Cofiwch Gynnwys:

Pwrpas y taliad - Cadarnhewch ei fod ar gyfer cais Enwi a Rhifo Strydoedd.
Manylion y cais - Rhowch y rhif cyfeirnod neu, os nad oes gennych un eto, eich enw a lleoliad y cais.
Ffi gywir - Sicrhewch eich bod yn talu’r swm a restrir yn y graddfa ffioedd.

Sut i Dalu

Taliadau BACS – Anfonwch neges e-bost at snn@sirgar.gov.uk i gael rhagor o fanylion a sefydlu taliad BACS.

Dros y Ffôn – Os hoffech siarad ag aelod o staff o'r tîm arianwyr, ffoniwch 01267 228686 yn ystod oriau swyddfa, Dydd Llun i Ddydd Gwener, 9 AM i 5 PM.

Yn Bersonol – Gallwch dalu mewn arian parod, cerdyn credyd/debyd, neu siec yn eich Canolfan Gwasanaethau Cwsmeriaid agosaf yn Rhydaman, Caerfyrddin neu Llanelli.

Pan gymeradwyir datblygiad newydd, mae'r Cyngor yn creu cyfeiriadau sy'n endidau 'dros dro'. Rhennir manylion y datblygiad arfaethedig â'r Post Brenhinol a fydd wedyn yn 'cadw a chofnodi' y cyfeiriadau ar ei gronfa ddata cyfeiriadau eiddo 'heb eu hadeiladu hyd yn hyn'. Er mwyn atal post rhag cael ei anfon at breswylfeydd/adeiladau nad ydynt yn bod, ni ddechreuir defnyddio'r cyfeiriadau hyd nes bydd deiliaid ynddynt neu hyd nes y bydd y preswylfeydd/adeiladau bron â chael eu cwblhau ac felly'n gallu derbyn gwasanaethau post.

Wrth i bob eiddo nesáu at gael ei gwblhau, bydd yn ofynnol i'r datblygwr hysbysu'r tîm Enwi a Rhifo Strydoedd ynghylch hynny a gwneud cais am ddechrau defnyddio'r cyfeiriad. Pan hysbysir ynghylch hyn, rhoddir cadarnhad i'r holl wasanaethau mewnol a phartneriaid allanol, gan gynnwys y gwasanaethau brys.

Hysbysir y Post Brenhinol er mwyn sicrhau bod y cofnodion priodol yn cael eu symud o'i gronfa ddata 'heb eu hadeiladu hyd yn hyn' i'w Ffeil Cyfeiriad Côd Post (PAF) gan olygu bod y manylion ar gael at ddefnydd cyffredinol a defnydd cyfeirio ledled y Deyrnas Unedig o fewn 24-48 awr, er gall yr ychwanegiad/cywiriad hwn gymryd sawl mis i gyrraedd defnyddwyr data'r Ffeil Cyfeiriad Côd Post. 

Bydd hyn yn digwydd wrth i gwmnïau allanol ddiweddaru eu cronfeydd data drwy ddefnyddio'r Cynnyrch Rheoli Cyfeiriadau diweddaraf, nad oes gan y Post Brenhinol unrhyw awdurdodaeth drostynt.

• British Gas
• BT    
• Cyngor Tref/Cymuned
• Treth y Cyngor
• Pencadlys Heddlu Dyfed-Powys
• Cofrestru Etholiadol
• Y Gofrestrfa Tir
• Awdurdod Tân Canolbarth a Gorllewin Cymru
• Yr Arolwg Ordnans
• Y Post Brenhinol
• Gwasanaeth Ambiwlans Cymru
• Ymddiriedolaeth GIG (Rhanbarth y Canolbarth a'r Gorllewin) 
• Dŵr Cymru
• Western Power Distribution