Cynllun Gwasanaeth dros y Gaeaf a Thywydd Garw Priffyrdd
Yn yr adran hon
- Trosolwg - Tywydd Garw
- Gwybodaeth am y Tywydd
- Rheoli Adnoddau
- Digwyddiadau Storm
- Llifogydd
- Gwyntoedd Cryfion
- Gwres Eithafol
- Cynllun Gwasanaeth dros y Gaeaf
- Rheoli Gwasanaethau dros y Gaeaf
Rheoli Gwasanaethau dros y Gaeaf
Cyfrifoldeb y Pennaeth Seilwaith Amgylcheddol yw cyfeiriad cyffredinol y Gweithrediadau Gwasanaethau Dros y Gaeaf, a dirprwyir y dyletswyddau i swyddogion awdurdodedig.
| Teitl y Swydd | Rôl Rheoli Ddirprwyedig |
|---|---|
| Rheolwr Gwasanaethau Priffyrdd a Thrafnidiaeth | Cyfrifoldeb Cyffredinol am Wasanaethau dros y Gaeaf |
| Rheolwr y Gwasanaethau Priffyrdd | Gweithrediadau Gwasanaeth dros y Gaeaf |
| Rheolwr Asedau Priffyrdd | Cynllunio a Rheoli Systemau |
| Swyddogion ar Ddyletswydd - Priffyrdd (x9 - Rota) | Monitro a gwneud penderfyniadau dyddiol ynghylch camau gweithredol dros y gaeaf |
| Goruchwylwyr Gwasanaeth dros y Gaeaf (x18 - Rota) | Goruchwylio gweithrediadau graeanu |
Mae'r Cyngor Sir hefyd yn darparu gwasanaeth i Lywodraeth Cymru wrth drin Cefnffyrdd dethol. Bydd manylion y gwaith graeanu ar ran yr Asiantaeth Cefnffyrdd yn cael eu dosbarthu drwy e-bost i'r Swyddogion sirol ar Ddyletswydd bob dydd. Mae'r Swyddogion ar Ddyletswydd fel arfer yn rhoi manylion y camau graeanu ar gyfer cefnffyrdd a ffyrdd y sir ar 'Fwrdd Penderfyniadau' y system reoli cyn 14.00 bob dydd. Llunnir cofnod o'r camau gweithredu dyddiol ac fe'i hanfonir drwy e-bost at sefydliadau allweddol gan gynnwys y Gwasanaethau Brys, awdurdodau cyfagos a Llywodraeth Cymru. Bydd staff yn yr ystafell reoli yn monitro'r camau gweithredu a gofnodir yn ddyddiol er mwyn sicrhau bod y partïon priodol wedi cael y wybodaeth.
Dyma'r lefelau gweithredu ar gyfer gwasanaeth dros y gaeaf:
| Lefel | Disgrifiad o'r cam gweithredu |
|---|---|
| 0 | Dim camau gweithredu - Gyrrwr wedi'u rhyddhau. |
| 1 | Adolygiad i ddod - Gyrwyr ar rota ac yn aros am gyfarwyddiadau pellach - bydd rhagolygon y tywydd yn cael eu monitro gan Swyddog ar Ddyletswydd - mae'n bosibl y bydd angen ymgymryd â gwaith graeanu. |
| 2 | Patrôl - bydd gyrwyr yn mynd â'u lorïau graeanu allan i roi halen ar ffyrdd penodol yn ôl yr amodau e.e. lle mae iâ ar y ffordd. |
| 3 | Bydd gyrwyr yn mynd â'u lorïau graeanu allan i ragwasgaru swm penodedig o halen ar y ffyrdd rhestredig ar eu hyd, fel rheol cyn i'r iâ a ragwelir ddechrau ffurfio. |
| 4 | Rhagwasgaru gydag aradr - Gwasgaru halen ar y ffyrdd i ddygymod ag eira, a chyfuno hynny â'r aradr eira os oes angen. |
Yn achos digwyddiad tywydd garw mawr, mae'n bosibl y bydd protocolau Cynlluniau Argyfwng Cynghorau Sir yn cael eu gweithredu.
