Gosod eich eiddo

Mae cyfrifoldebau arnoch fel landlord, gan gynnwys:

• Sicrhau bod yr eiddo yr ydych yn ei osod ar rent yn lle diogel ac iach i bobl fyw ynddo
• Sicrhau bod yr holl offer nwy a thrydan yr ydych yn eu darparu wedi’u gosod yn ddiogel a’u bod yn cael eu harchwilio’n rheolaidd
• Cydymffurfio â rheoliadau ynghylch diogelu rhag tân
• Darparu Tystysgrif Perfformiad Ynni ar gyfer yr eiddo
• Diogelu blaendal eich tenant mewn cynllun a gymeradwyir gan y llywodraeth 

Rydym yn defnyddio’r System Mesur Iechyd a Diogelwch ar gyfer Tai er mwyn sicrhau bod cartrefi’n lleoedd diogel i bobl fyw ynddynt. Mae hyn yn cynnwys archwilio eich eiddo am beryglon posibl – er enghraifft, syrthio ar risiau anwastad neu beryglus.

Os ydych yn berchen ar eiddo ac yn ei osod ar rent efallai y byddwn yn penderfynu cynnal archwiliad o dan y System Mesur Iechyd a Diogelwch ar gyfer Tai oherwydd:

• Mae eich tenantiaid wedi gofyn am archwiliad
• Rydym wedi cynnal arolwg o eiddo lleol ac yn amau y gallai eich eiddo fod yn beryglus

Byddwn yn archwilio 29 o faterion iechyd a diogelwch ac yn sgorio’r peryglon. Bydd swyddogion yn cymryd camau er mwyn mynd i’r afael â diffygion a pheryglon sylweddol a gallent gymryd camau i fynd i’r afael â pheryglon sy’n llai o risg.

Yn y dyfodol, ni fydd modd i chi geisio meddiannu eich eiddo er mwyn cynnal gwaith atgyweirio os ydym eisoes wedi cymryd camau yn eich erbyn i fynd i’r afael â’r problemau hyn ar eich rhan. Mewn sefyllfa o’r fath, byddwn yn ceisio cydweithio â chi er mwyn cynnal tenantiaeth y bobl sy’n byw yn eich eiddo.