Tai amlfeddiannaeth (HMOs)

Caiff tŷ amlfeddiannaeth ei ddiffinio fel eiddo lle y mae tri neu fwy o bobl yn byw ac sy’n ffurfio dwy neu fwy o aelwydydd, er enghraifft:

• Tŷ myfyrwyr sydd â phum ystafell wely
• Fflat un ystafell lle y mae tri pherson unigol yn byw
• Cwpwl a ffrind yn rhannu
• Rhai blociau o fflatiau nad ydynt wedi’u haddasu cyn 1991 gyda rheoliadau adeiladu neu ar ôl 1991 heb reoliadau adeiladu

Nid yw tŷ yn dŷ amlfeddiannaeth o dan yr amodau canlynol:

• Lle y mae dau ffrind yn rhannu
• Lle y mae dau fflat gyda pherson unigol ymhob un
• Lle y mae’r tenantiaid yn uned deuluol

Os ydych yn landlord sy’n gosod Tŷ Amlfeddiannaeth ar rent mae’n rhaid i chi sicrhau bod y rhagofalon cywir o ran tân a diogelwch yn eu lle a bod nifer cywir o amwynderau. Mae gwahanol safonau ynghlwm wrth wahanol sefyllfaoedd. Rydym yn argymell eich bod yn cysylltu â ni i gael rhagor o gyngor os ydych yn ansicr ynghylch diogelu rhag tân neu ynghylch amwynderau cyffredinol yr eiddo yr ydych yn ei osod neu’n bwriadu ei osod.