Datgloi Nifer o Ganlyniadau Drwy Fwyd
Mae Strategaeth Fwyd Sir Gaerfyrddin yn canolbwyntio ar ganlyniadau, gan ddefnyddio bwyd fel lifer ar gyfer twf economaidd, gwytnwch a llesiant. Drwy gryfhau cadwyni cyflenwi lleol, cefnogi cynhyrchwyr a buddsoddi mewn seilwaith cynaliadwy, mae'n darparu manteision mesuradwy i swyddi, sgiliau a chyfoeth cymunedol.
Mae'r camau hyn yn cyd-fynd â'n Nodau Llesiant ar gyfer Sir Gaerfyrddin ffyniannus, gwydn a chydlynol, ac yn hyrwyddo gweithredu Deddf Llesiant Cenedlaethau'r Dyfodol(Cymru) 2015 gan gynnwys Cymru Ffyniannus, Cymru Wydn a Chymru sy'n Gyfrifol yn Fyd-eang.
Mae'r strategaeth hefyd yn gyrru canlyniadau amgylcheddol a chymdeithasol - gan hyrwyddo cynhyrchu carbon isel, adfer bioamrywiaeth a lleihau gwastraff bwyd, wrth fynd i'r afael ag anghydraddoldebau iechyd drwy well mynediad at fwyd lleol, maethlon. Mae'n cefnogi Cymru Iachach a Chymru Fwy Cyfartal, gan wneud bwyd yn offeryn ymarferol ar gyfer cyflawni newid ataliol hirdymor ar draws llesiant yr economi, yr amgylchedd a'r gymuned.
Canlyniadau Amgylcheddol
Ôl troed carbon ac amgylcheddol is
Llai o efaith/ôl-troed byd-eang yn sgil nwyddau sy’n dod i mewn
Lleihau'r risg o newid yn yr hinsawdd drwy addasu
Gwell cadwraeth ac adfywio adnoddau naturiol
Canlyniadau Economaidd
Llwybrau mwy sefydledig i yrfaoedd ac entrepreneuriaeth y sector bwyd
Mwy o yrfaoedd a thwf busnes mewn sectorau bwyd cysylltiedig
Mwy o bobl yn cael eu cadw mewn gyrfaoedd mewn cymunedau gwledig a threfol
Mwy o fuddsoddiad trwy gylchrediad economaidd, mwy o gyfoeth wedi'i ymgoffori mewn cymunedau
Canlyniadau Cymdeithasol ac Iechyd
Gwell canlyniadau iechyd a lleihad yn y risg o glefyd sy'n gysylltiedig â diet
Llai o bobl sydd mewn perygl o ansicrwydd bwyd
Dull mwy targedig o wella gwytnwch cymunedol trwy bartneriaethau ffurfiol
Gwell cydnabyddiaeth ddiwylliannol ac integreiddio Cymdeithasol cymunedau
Mwy o gynrychiolaeth gymunedol ac ecwiti cymdeithasol ar draws y system fwyd
