Yn yr adran hon
- Rhageiriau
- Ein gweledigaeth ar gyfer Sir Gaerfyrddin
- Beth yw Strategaeth Ddigidol?
- Sut y gwneir cynlluniau: Cysoni Lleol, Rhanbarthol a Chenedlaethol
- Deddf Llesiant Cenedlaethau’r Dyfodol (Cymru) 2015
- Amcanion Llesiant Sir Gaerfyrddin
- Nodau Llesiant Cymru
- Ymgysylltu a Chynnwys
- Partneriaethau a Chydweithio
- Llywodraethu: Ein Rhaglen Drawsnewid
Ein gweledigaeth ar gyfer Sir Gaerfyrddin
Sir Gaerfyrddin sydd wedi'i galluogi'n ddigidol
Blaenoriaethau Allweddol:
- Gwasanaethau Digidol
- Pobl a Sgiliau
- Data a Gwneud Penderfyniadau
- Technoleg ac Arloesi
- Cymunedau Digidol a'r Economi
Yn 2023 cafwyd:
1,698,200
Defnyddwyr Unigryw
6,396,300
Ymweliadau â Thudalennau
4,028,700
Ymweliadau / Sesiynau
â gwefan y cyngor
Er mwyn gwireddu’r weledigaeth feiddgar hon, rhaid inni:
Dylunio a darparu'n effeithlon wybodaeth a gwasanaethau trafodiadol modern a dwyieithog ar-lein mewn modd cynhwysol sy'n canolbwyntio ar y defnyddiwr, gan feithrin cyfranogiad trigolion a busnesau, a newid a gwella gwasanaethau traddodiadol i wella effeithlonrwydd a hygyrchedd.
Blaenoriaethu ein pobl drwy fuddsoddi yn eu sgiliau a’u gallu digidol, gan ddangos ymrwymiad i werthfawrogi, cydnabod a buddsoddi yn y talentau a'r sgiliau angenrheidiol sy'n gyson â nodau'r strategaeth hon, gan wneud y gorau o'n gweithlu drwy feithrin arferion gwaith modern.
Coladu, dadansoddi a thynnu gwerth o ddata er mwyn gwneud penderfyniadau strategol ar sail tystiolaeth a dylunio gwasanaethau, gan fabwysiadu dull data-ganolog o wella'r ddealltwriaeth o anghenion trigolion a busnesau a gwella effeithiolrwydd gwasanaethau.
Buddsoddi mewn seilwaith a systemau arloesol, cydnerth ac ystwyth sy'n weithredol yn hyrwyddo effeithlonrwydd, cydweithio â phartneriaid, yn blaenoriaethu dull sy'n canolbwyntio ar y dinesydd, yn sicrhau seibergadernid cryf, ac sy'n croesawu technolegau cwmwl, deallusrwydd artiffisial, awtomeiddio, a thechnolegau datblygol eraill.
Hyrwyddo, hwyluso, dylanwadu, cefnogi a buddsoddi yng nghysylltiad ffeibr a symudol ein Sir, yng ngallu digidol ein busnesau a'n cymunedau, ac yn sgiliau a chynhwysiant digidol ein trigolion a'n busnesau, yn rhan o'n portffolio adfywio a datblygu economaidd sylweddol.
Mae newidiadau digidol wedi prysuro yn y blynyddoedd diwethaf gan gynnig inni ystod o arfau newydd ar gyfer datrys problemau hen a newydd. Yn ei hanfod, mae gan y digidol y potensial i roi cyfle inni wella’n profiad o’r byd: o gyfoethogi bywydau pobl, cryfhau ein gwasanaethau cyhoeddus a gwaith y llywodraeth, yn ogystal â helpu busnesau i addasu i’r dyfodol.
Ffynhonnell: Strategaeth Ddigidol i Gymru - Llywodraeth Cymru
