Cyngor Ymgynghorol Sefydlog Sir Gaerfyrddin ar Grefydd, Gwerthoedd a Moeseg (SACRVE)

Gyda chefndir fel athrawes ysgol uwchradd, ar ôl dysgu yn Llundain, Merthyr Tudful ac Abertawe, rwyf bellach yn gweithio fel ymgynghorydd ar gyfer Crefydd, Gwerthoedd a Moeseg (RVE), gan gefnogi ysgolion ar draws Sir Gaerfyrddin, Sir Benfro ac Abertawe. Rwyf hefyd yn gwasanaethu fel ymgynghorydd RVE i'r tri chorff SACRVE ledled y rhanbarth, gan weithio gydag awdurdodau lleol, ysgolion ac ymarferwyr i gefnogi darpariaeth RVE cryf a chynhwysol.

Rwy'n credu bod RVE o ansawdd uchel yn rhan hanfodol o hawl addysgol pob dysgwr ac yn chwarae rhan bwysig wrth gefnogi plant a phobl ifanc i ddod yn ddinasyddion moesegol a gwybodus. Fy ngweledigaeth ar gyfer RVE yw ei fod yn galluogi dysgwyr i feddwl yn feirniadol, ymgysylltu'n barchus â byd-olwg crefyddol ac anghrefyddol amrywiol, ac archwilio cwestiynau moesegol ac athronyddol sy'n eu helpu i wneud synnwyr o'r byd. Credaf fod gan SACRVE rôl ganolog wrth gefnogi ysgolion, hyrwyddo tegwch a sicrhau bod RVE yn adlewyrchu uchelgeisiau'r Cwricwlwm i Gymru.

Yn dilyn gyrfa ym maes llywodraeth leol dros gyfnod o 30 mlynedd, rwyf bellach yn gweithio fel ymgynghorydd llawrydd, gan gefnogi'r gwaith o wella gwasanaethau cyhoeddus ledled Cymru. Cefais fy ethol yn Gynghorydd Sir yn 2022. Fel rhan o'm rôl, mae'n fraint i mi fod yn rhan o SACRE/SACRVE Sir Gaerfyrddin a bod yn Gadeirydd arno. Fy swydd i yw sicrhau bod y Pwyllgor yn ymgymryd â'i fusnes yn effeithiol, yn goruchwylio'r gwaith o weithredu ei gynllun cyflawni ac yn sicrhau bod gan bob aelod o'r Pwyllgor lais cyfartal.

Mae'r SACRE/ SACRVE yn hanfodol wrth oruchwylio'r gwaith o gyflwyno Crefydd, Gwerthoedd a Moeseg ledled Sir Gaerfyrddin, cefnogi athrawon, ei hyrwyddo fel pwnc o ddewis, a hyrwyddo gweithredoedd addoli dyddiol mewn ysgolion. Mae'n chwarae rhan hanfodol wrth sicrhau bod RVE yn parhau i fod yn bwnc gwerthfawr sydd ag adnoddau priodol i fyfyrwyr Sir Gaerfyrddin, ac rwy'n falch o fod yn rhan o wneud i hyn ddigwydd.

Fel athro ysgol uwchradd yn Sir Gaerfyrddin, mae gennyf dros 30 mlynedd o brofiad o addysgu Crefydd, Gwerthoedd a Moeseg (RVE) ar draws pob lefel, gan gynnwys paratoi dysgwyr ar gyfer arholiadau TGAU a Safon Uwch. Fel cynrychiolydd athrawon ar y Cyngor Ymgynghorol Sefydlog ar Grefydd, Gwerthoedd a Moeseg (SACRVE), rwy'n dod â golwg gyfredol o'r ystafell ddosbarth a dealltwriaeth ymarferol o'r heriau sy'n wynebu ysgolion. Rwyf wedi ymrwymo i hyrwyddo RVE ymgysylltiol, cynhwysol sy'n cefnogi pob dysgwr.

Rwy'n credu bod RVE yn rhan hanfodol o'r Cwricwlwm i Gymru, gan helpu pobl ifanc i ddod yn ddinasyddion moesegol a gwybodus. Mae'n galluogi dysgwyr i feddwl yn feirniadol, ymgysylltu â byd-olwg crefyddol ac anghrefyddol amrywiol, ac archwilio cwestiynau moesol ac athronyddol pwysig. Trwy fy rôl ar SACRVE, rwy'n ceisio cefnogi ysgolion i gyflawni'r weledigaeth hon a sicrhau darpariaeth deg o ansawdd uchel i bawb.

Ar ôl gweithio yn y proffesiwn cyfreithiol fel Cyfreithiwr, ar ôl fy ymddeoliad yn 2009, hyfforddais fel Gweinydd Dyneiddiol. Er fy mod bellach wedi ymddeol o'r rôl honno hefyd, rwy'n cadw fy nghysylltiad â Dyneiddwyr Cymru, yn enwedig yn fy ngwaith fel Cynrychiolydd Dyneiddiol ar SACRVE Sir Gaerfyrddin.

Rwyf wedi bod yn ffodus i rannu profiadau bywyd gyda phobl o ystod eang o gredoau, crefyddol ac anghrefyddol, sy'n fy ngalluogi i ddod â gwybodaeth helaeth i'r SACRVE. Credaf ei bod yn bwysig i athrawon a disgyblion Sir Gaerfyrddin ddeall ystod o systemau cred yn y gobaith y bydd dealltwriaeth o'r fath yn arwain at fwy o oddefgarwch.

Ar ôl gyrfa ddeugain mlynedd o hyd fel athro AG, uwch-ddarlithydd, Cyfarwyddwr Cwrs AG Uwchradd TAR a Swyddog Pwnc TGAU Astudiaethau Crefyddol ym Mwrdd Arholi CBAC, rwyf bellach yn gwasanaethu ar SACRE/SACRVE Sir Gaerfyrddin fel aelod cyfetholedig.

Rwy'n credu bod Crefydd, Gwerthoedd a Moeseg yn rhan hanfodol o hawl addysgol, eang. Mae RVE yn hyrwyddo meddwl yn feirniadol, dadl wybodus, dealltwriaeth o systemau cred, ystyriaeth feddylgar o gwestiynau bywyd yn y pen draw ac ymwybyddiaeth o ddigwyddiadau'r byd. Rwy'n falch o'r gwaith a wnawn fel SACRE/SACRVE i hyrwyddo'r pwnc a chefnogi athrawon a dysgwyr RVE Sir Gaerfyrddin.

Rwy'n Swyddog Cymorth Gweithredol yn yr Adran Addysg a Hamdden yng Nghyngor Sir Caerfyrddin ac rwyf wedi gwasanaethu'n falch fel Clerc i SACRE Sir Gaerfyrddin ers 2024. Gyda 26 mlynedd o wasanaeth, rwy'n dod â chyfoeth o brofiad i'm rôl ac yn gwerthfawrogi'n fawr y cyfleoedd y mae'n eu darparu.

Wedi fy lleoli yng Nghaerfyrddin, rwy'n cefnogi'r gwaith o sicrhau bod cyfarfodydd a phrosesau yn cael eu cynnal yn hwylus. Rwy'n angerddol am yr iaith Gymraeg, yn gweithio fel mentor Cymraeg ac yn hyrwyddo Cymraeg yn fy ngwaith bob dydd. Y tu allan i'r gwaith, mae gen i gariad gydol oes at gerddoriaeth a chanu ac rwy'n organyddes yng Nghapel Elim, Ffynnon-ddrain, lle rwy'n ymfalchïo'n fawr mewn cynorthwyo ein Gweinidog drwy gymryd rhan weithredol mewn gwasanaethau dydd Sul a gwasanaethau eraill..