Economi Gylchol

Mae newid hinsawdd, llygredd, diraddiad amgylcheddol a lleihad mewn adnoddau i gyd yn ganlyniadau i'r ffaith ein bod wedi mabwysiadu economi linol yn yr hirdymor lle mae deunyddiau crai yn cael eu cloddio, eu defnyddio a'u gwaredu. 

Mae economi gylchol yn gweithio i ddileu gwastraff a sicrhau bod eitemau'n cael eu defnyddio am gyfnod hirach.  Yn Sir Gaerfyrddin rydyn ni'n cefnogi'r broses o symud i economi gylchol drwy gyflwyno a chefnogi prosiectau sy'n ceisio lleihau'r gwastraff a gynhyrchir yn y lle cyntaf, drwy ddulliau fel lleihau (defnydd), ail-ddefnyddio, atgyweirio ac atgynhyrchu, gan ymestyn oes cynnyrch/adnoddau a lleihau'r angen am waredu.

Gallwch chi gael rhagor o wybodaeth a gweld astudiaethau achos sy'n dangos yr egwyddorion hyn ar waith ar wefan Sefydliad Ellen Macarthur.

Isod mae yna enghreifftiau o brosiectau economi gylchol yn Sir Gaerfyrddin.  Mae llawer o'r prosiectau hyn wedi'u galluogi gan y Gronfa Cymunedau Cynaliadwy ac maen nhw ar draws ardaloedd y Deg Tref.