Canllaw i Dirfeddianwyr ar Hawliau Tramwy Cyhoeddus - Rolau a Chyfrifoldebau
Yn yr adran hon
- 1. Cyflwyniad
- 2. Prif Gyfrifoldebau Tirfeddianwyr
- 3. Pwy sy'n gyfrifol am gamfeydd a gatiau ar hawliau tramwy cyhoeddus?
- 4. Pwy sy'n gyfrifol am bontydd ar hawliau tramwy cyhoeddus?
- 5. Pa fath o ffensys sy'n cael eu caniatáu ger hawl dramwy gyhoeddus?
- 6. Pa mor llydan yw hawl dramwy gyhoeddus?
- 7. Pwy ddylai gynnal a chadw wyneb hawl dramwy gyhoeddus?
- 8. Pwy ddylai gynnal perthi?
- 9. A gaf aredig a thyfu cnydau ar draws hawl dramwy gyhoeddus?
- 10. A gaf newid llwybr hawl dramwy gyhoeddus?
- 11. A gaf ddileu hawl dramwy gyhoeddus o'm tir?
- 12. A allaf herio cywirdeb y Map a'r Datganiad Diffiniol?
- 13. A allaf ddiogelu fy nhir rhag i fwy o hawliau tramwy cyhoeddus gael eu hychwanegu?
- 14. Cysylltwch â ni
2. Prif Gyfrifoldebau Tirfeddianwyr
Gall tirfeddianwyr ddisgwyl y bydd ymwelwyr yn trin eu tir gyda pharch ac yn dilyn y Côd Cefn Gwlad
Mae disgwyliadau ar y tirfeddiannwr hefyd.
Os oes hawl dramwy gyhoeddus yn croesi eich tir, fel tirfeddiannwr neu denant mae gennych ddyletswydd gyfreithiol i sicrhau bod modd i'r cyhoedd gael mynediad iddi. Mae hyn yn golygu bod yr hawl dramwy gyhoeddus:
- yn rhydd o rwystrau megis gatiau dan glo, perthi, ffensys trydan, coed yn tyfu dros y llwybr, cnydau (heblaw am borfa) neu ymddygiad bygythiol sy'n atal y cyhoedd rhag cael mynediad i hawliau tramwy cyhoeddus
- yn rhydd o arwyddion camarweiniol neu fygythiol a allai atal y cyhoedd rhag defnyddio'r hawl dramwy gyhoeddus.
- celfi llwybr wedi'u rheoli'n dda megis camfeydd a gatiau sy'n addas ar gyfer y math o hawliau tramwy cyhoeddus, yn hawdd ac yn ddiogel i'w defnyddio, ac wedi'u cynnal a'u cadw'n briodol.
- dim teirw buchesi godro dros ddeg mis oed yn cael eu cadw ar dir y mae hawl dramwy gyhoeddus yn ei groesi (mae bridiau godro cydnabyddedig yn cynnwys: Ayrshire, Jersey, Dairy Shorthorn, Kerry, Friesian Prydeinig, Holstein Prydeinig a Guernsey)*
- bridiau teirw cyfreithlon yn cael eu cadw ar dir y mae hawl dramwy gyhoeddus yn ei groesi dim ond os ydynt gyda gwartheg neu heffrod*
- yn rhydd o unrhyw anifeiliaid peryglus neu ymosodol a allai atal y cyhoedd rhag defnyddio'r hawl dramwy gyhoeddus a/neu fod yn beryglus.
Bydd hawliau tramwy cyhoeddus ag arwyddbyst clir, sy'n cael eu cynnal a'u cadw'n dda, yn atal y cyhoedd rhag mynd ar goll, gan sicrhau eu bod yn cadw at y llwybr cywir ac i ffwrdd o ardaloedd nad ydynt yn cael eu rheoli ar gyfer mynediad cyhoeddus.
*Gallwch weld Canllawiau'r Awdurdod Gweithredol Iechyd a Diogelwch ynghylch rheoli da byw yn ddiogel a mynediad cyhoeddus yma Gwartheg a mynediad cyhoeddus yng Nghymru a Lloegr
