Canllaw i Dirfeddianwyr ar Hawliau Tramwy Cyhoeddus - Rolau a Chyfrifoldebau
Yn yr adran hon
- 1. Cyflwyniad
- 2. Prif Gyfrifoldebau Tirfeddianwyr
- 3. Pwy sy'n gyfrifol am gamfeydd a gatiau ar hawliau tramwy cyhoeddus?
- 4. Pwy sy'n gyfrifol am bontydd ar hawliau tramwy cyhoeddus?
- 5. Pa fath o ffensys sy'n cael eu caniatáu ger hawl dramwy gyhoeddus?
- 6. Pa mor llydan yw hawl dramwy gyhoeddus?
- 7. Pwy ddylai gynnal a chadw wyneb hawl dramwy gyhoeddus?
- 8. Pwy ddylai gynnal perthi?
- 9. A gaf aredig a thyfu cnydau ar draws hawl dramwy gyhoeddus?
- 10. A gaf newid llwybr hawl dramwy gyhoeddus?
- 11. A gaf ddileu hawl dramwy gyhoeddus o'm tir?
- 12. A allaf herio cywirdeb y Map a'r Datganiad Diffiniol?
- 13. A allaf ddiogelu fy nhir rhag i fwy o hawliau tramwy cyhoeddus gael eu hychwanegu?
- 14. Cysylltwch â ni
1. Cyflwyniad
Mae hawliau tramwy cyhoeddus yn rhan o'r Rhwydwaith Priffyrdd Cyhoeddus ac yn cael eu gwarchod gan y gyfraith. Mae gan dirfeddianwyr a chynghorau sir gyfrifoldeb ar y cyd i sicrhau bod y rhwydwaith hawliau tramwy cyhoeddus yn agored, yn hygyrch, ac yn ddiogel ar gyfer y cyhoedd. Mae'n ddyletswydd ar y Cyngor Sir hefyd i fynnu a diogelu hawl y cyhoedd i ddefnyddio a mwynhau'r rhwydwaith hawliau tramwy cyhoeddus.
Mae pedwar math o hawl dramwy gyhoeddus:
- Llwybr troed - lle mae gan y cyhoedd hawl dramwy ar droed yn unig, gyda chymorth symud lle bo hynny'n briodol.
- Llwybr Ceffylau - lle mae gan y cyhoedd hawl dramwy ar droed, ar geffyl neu ar feic.
- Cilffordd Gyfyngedig - lle mae gan y cyhoedd hawl dramwy ar droed, ar geffyl neu ar feic ac mewn cerbydau nad ydynt yn cael eu gyrru'n fecanyddol e.e. car a cheffyl
- Cilffordd - lle mae gan y cyhoedd hawl dramwy ar droed, ar geffyl, ar feic neu mewn cerbyd a dynnir dan geffyl a cherbyd modur gan gynnwys beiciau modur.
Caniateir cŵn (dan reolaeth agos), cadeiriau gwthio a phramiau ar bob math o hawliau tramwy cyhoeddus; maent yn cael eu hystyried yn ychwanegiadau arferol i ddefnyddiwr hawl dramwy gyhoeddus cyfreithlon.
Mae'r Map a'r Datganiad Diffiniol yn dystiolaeth bendant o fodolaeth hawliau tramwy cyhoeddus. Cedwir y dogfennau hyn yn y Swyddfeydd Mynediad i Gefn Gwlad a gellir eu gweld trwy drefnu apwyntiad.
Mae map digidol o rwydwaith hawliau tramwy cyhoeddus Sir Gaerfyrddin ar gael ar ein gwefan.