Gofal cymdeithasol

Diweddarwyd y dudalen ar: 23/08/2023

Pobl yn Gyntaf Sir Gaerfyrddin

Mae Pobl yn Gyntaf Sir Gaerfyrddin yn elusen annibynnol yn Sir Gaerfyrddin sy'n hyrwyddo eiriolaeth, ac yn darparu cymorth a hyfforddiant i oedolion sydd ag anableddau dysgu.

Maent yn cynnal nifer o grwpiau cymorth gan gyfoedion i gyfoedion, gan ymdrin â phynciau megis Eiriolaeth gan Gyfoedion, Byw'n Annibynnol, Materion yn ymwneud ag Arian, Iechyd, Lles a Choginio. Maent hefyd yn cynnal Grwpiau Cerdded a Siarad.

Er mwyn defnyddio'r gwasanaeth, mae'n rhaid ichi fod yn:

oedolyn gydag Anabledd Dysgu
byw yn Sir Gaerfyrddin ar hyn o bryd

Cyfeiriad E-bost: info@carmarthenshirepeoplefirst.co.uk

Rhif Ffôn: 01267 234635

Y Tîm Cymorth Cynnar

Mae'r Tîm Cymorth Cynnar yn rhoi cymorth i blant/pobl ifanc ag anableddau/awtistiaeth a'u teuluoedd. Rydym yn cynnig gwasanaeth ymyrraeth gynnar yn y tymor byr, a'n nod yw cynorthwyo plant/pobl ifanc a'u teuluoedd i oresgyn heriau a chyflawni eu potensial.

Pwy maent yn helpu

Pobl sy'n byw yn Sir Gaerfyrddin
Rhaid i chi fod rhwng 0 a 25 oed
Rhiant/gofalwr rhywun sydd rhwng 0 a 25 oed
Plant/pobl ifanc ag anableddau/awtistiaeth (wedi cael diagnosis neu heb gael diagnosis) a'u teuluoedd

Beth maent yn gallu ei gynnig

Cynllun cymorth y byddwn yn ei ddatblygu gyda'n gilydd ac yn ei adolygu yn ôl yr angen
Cymorth pwrpasol o ran anghenion synhwyraidd, cydnerthedd, dulliau ymarferol o reoli ymddygiad a gorbryder.
Gallwn eich helpu i gamu ymlaen i gyflogaeth, addysg neu hyfforddiant
Gallwn eich helpu chi a'ch teulu i nodi gweithgareddau, cymorth a gwasanaethau perthnasol yn y gymuned a fydd yn eich galluogi i gyflawni eich nodau.
Gallwn eich helpu i ddeall mwy am eich anabledd/awtistiaeth.

Mae’r Tîm Camau Bach yn rhan o'r Tîm Cymorth Cynnar ac mae'n gallu cynnig cymorth yn y tymor byr i rieni sydd â phlentyn anabl rhwng 0 ac 16 oed.

Gall hyn gynnwys cymorth gyda chyfathrebu, cysgu, gallu dal dŵr, ymddygiad, deiet, chwarae, datblygiad plant a chymorth i frodyr a chwiorydd. Maent yn cynnig:

Cymorth yn y cartref.
Cymorth Cyn-ysgol
Gweithdai Anableddau.
Cymorth grŵp i rai rhwng 0 ac 16 oed; megis boreau coffi, Gweithdai Rheoli Ymddygiad Cadarnhaol a grwpiau cymorth i blant ac ati.

Y Gwasanaeth Gwybodaeth i Deuluoedd

Anabledd - Gwasanaeth Gwybodaeth i Deuluoedd Sir Gaerfyrddin

Rhif Ffôn – 01267 246673

Cyfeiriad e-bost: disabilityreferrals@sirgar.gov.uk

Tîm Anableddau 0-25

Anabledd ac Awtistiaeth