Cronfa Ffyniant Gyffredin y Deyrnas Unedig

Mae Cronfa Ffyniant Gyffredin y DU yn un o bileri canolog agenda Ffyniant Bro Llywodraeth y DU a bydd yn darparu cyllid dros y ddwy flynedd nesaf hyd at fis Mawrth 2025. Mae’r Rhaglen yn gymysgedd o gyllid refeniw a chyfalaf y gellir ei ddefnyddio i gefnogi ystod eang o ymyriadau i feithrin balchder bro a gwella cyfleoedd bywyd.

Nod y Gronfa yw cyflawni hyn drwy dair blaenoriaeth buddsoddi:

1. Cymuned a Lle
2. Cefnogi Busnesau Lleol
3. Pobl a Sgiliau (gan gynnwys rhifedd oedolion)

Mae prosbectws Cronfa Ffyniant Gyffredin y DU yn rhoi trosolwg cynhwysfawr o'r gronfa.

Y Gronfa Ffyniant Gyffredin yn Sir Gaerfyrddin

Bydd y Gronfa Ffyniant Gyffredin yn darparu buddsoddiad ychwanegol o £32m ychwanegol i helpu i gyflawni rhai o amcanion strategol allweddol Sir Gaerfyrddin. Bydd £6.6 miliwn pellach ar gael ar gyfer mentrau rhifedd oedolion trwy’r rhaglen Lluosi.

Bydd y Gronfa yn cael ei defnyddio i ddarparu cyfleoedd newydd i gymunedau lleol, cefnogi datblygiad a thwf busnesau lleol yn ogystal â chefnogi adferiad canol ein trefi.

Cyfleoedd drwy’r Gronfa Ffyniant Gyffredin

Cronfa Cymunedau Cynaliadwy

Sut mae gwneud cais

Cronfa Arloesi Gwledig

Sut mae gwneud cais

Datblygu Lle

Sut mae gwneud cais

Cefnogi busnesau lleol

Sut mae gwneud cais

Gweld sut y bydd cyllid yn cael ei ddarparu yn Sir Gaerfyrddin.

Linciai a dogfennau defnyddiol

• Cronfa Ffyniant Gyffredin y DU: prosbectws
• Diffiniadau o Allbynnau a Chanlyniadau
• Cronfa Ffyniant Gyffredin y DU: gwybodaeth ychwanegol
• Cynllun Buddsoddi Lleol Sir Gaerfyrddin
• Cynllun Buddsoddi Rhanbarthol
• Cynllun Adfer a Chyflawni Economaidd Sir Gaerfyrddin
• Archwilio'r Rhagolygon Arloesi ar gyfer Sir Gaerfyrddin
• Cynllun Cyflawni Economaidd Rhanbarthol ar Gyfer De Orllewin Cymru

Cronfa Arloesi Gwledig

Bwriad Cronfa Arloesi Gwledig Sir Gaerfyrddin yw cael pobl, busnesau a chymunedau lleol sy'n ymwneud â darparu atebion cynaliadwy ac arloesol i fynd i'r afael â rhai o'r heriau economaidd, cymdeithasol ac amgylcheddol sy'n wynebu ardaloedd gwledig.

Mae'r gronfa refeniw hon yn rhoi cyfle i sefydliadau sy'n darparu gwasanaethau neu'n gweithio gyda chymunedau gwledig dreialu ffyrdd newydd o weithio neu syniadau sy'n mynd i'r afael â materion gwledig sy'n cyd-fynd â blaenoriaethau allweddol a nodwyd. 

Dim ond sefydliadau sy'n darparu gwasanaethau mewn wardiau gwledig sy'n gymwys i wneud cais. Gallwch gadarnhau a yw eich ardal yn gymwys ar tudalen Ardaloedd Cymwys.

Gweithgaredd cymwys

• Hwyluso - cymorth i sefydliadau a grwpiau i'w helpu i ddatblygu eu sgiliau a'u harbenigedd eu hunain. 
• Prosiectau Peilot – gweithgareddau ar raddfa fach ac am amser cyfyngedig (heb fod yn fwy na 12 mis) gyda'r nod o brofi cysyniad.
• Ymchwil – costau refeniw ar gyfer cyfuniad o gostau amser staff ac ymgynghoriaeth i ymgymryd â'r ymchwil gefndirol ar gyfer problem neu fater penodol.

Pwy all wneud cais? 

• Grwpiau Cymunedol a Gwirfoddol Cyfansoddiadol.
• Elusennau Cofrestredig.
• Sefydliadau di-elw.
• Mentrau cymdeithasol.
• Gall canghennau lleol o sefydliadau trydydd sector cenedlaethol wneud cais gan ddefnyddio Cyfansoddiad y corff rhiant ond mae'n rhaid iddynt gael eu Cyfrif Banc lleol eu hunain.
• Gall Cynghorau Tref a Chymuned wneud cais am brosiectau cymunedol sy'n ychwanegol at gyfrifoldebau statudol arferol a fydd o fudd i'r gymuned.
• Cyrff Sector Cyhoeddus.
• Sefydliadau addysg.

Beth sydd ar gael? 

• Uchafswm o £45k
• Uchafswm cyfnod cyflawni o 12 mis.

Pecyn Cais

• Ffurflen Gais
• Nodiadau canllaw

• Galwad 1 - Dyddiad Cau: 29/03/2023 - Cyllid ar gael: £250k  AR GAU
• Galwad 2 - Dyddiad Cau: 26/04/2023 - Cyllid ar gael: £250k  AR GAU
• Galwad 3 - Dyddiad Cau: 29/09/2023 - Cyllid ar gael: Dibynnol ar cyfanswm cyllid sydd yn weddill

I drafod eich prosiect arfaethedig, anfonwch e-bost at RDPSirGar@sirgar.gov.uk

Cronfa Cymunedau Cynaliadwy

Cyfanswm y gronfa: £2m

Y grant leiaf: £10k

Y grant mwyaf: £250k

Nod y gronfa:

Nod y Gronfa Cymunedau Cynaliadwy yw darparu'r cymorth angenrheidiol i helpu i gryfhau gwead cymdeithasol cymunedau, gan feithrin balchder bro yn ogystal â sicrhau budd economaidd uniongyrchol a/neu anuniongyrchol.

Bydd y prosiect yn darparu cymorth ariannol trwy gyflawni cynllun grant gwerth £2m a fydd yn cefnogi buddsoddiadau cyfalaf a refeniw. 

Bydd y grant yn canolbwyntio ar y themâu canlynol sydd wedi'u nodi fel blaenoriaeth fel rhan o Gynllun Buddsoddi Strategol y Sir.  

• Trechu Tlodi
• Economi Gylchol
• Llesiant / Hamdden 
• Mynediad at Wasanaethau
• Yr Amgylchedd a Gwyrdd 
• Twristiaeth, Diwylliant / Treftadaeth
• Ymgysylltu Cymunedol

Bydd cyllid cyfalaf a refeniw hyd at uchafswm o £250,000 ar gael.

Prosiectau cymwys

Dyma enghreifftiau o'r math o weithgareddau cymwys y gellir eu hystyried ar gyfer y cyllid:

• Seilwaith cymunedol a chymdogaeth newydd, neu welliannau i seilwaith presennol, gan gynnwys mannau gwyrdd lleol.
• Cymorth ar gyfer gweithgareddau celfyddydol, diwylliannol, treftadaeth a chreadigol lleol.
• Cymorth ar gyfer gwella teithio llesol a phrosiectau seilwaith trafnidiaeth gwyrdd eraill ar raddfa fach.
• Datblygu a hyrwyddo ymgyrchoedd ehangach a phrofiadau gydol y flwyddyn sy'n annog pobl i ymweld â'r ardal leol a'i chrwydro.
• Gwirfoddoli a/neu weithredu cymdeithasol sy'n cael effaith. 
• Cyfleusterau chwaraeon lleol.
• Buddsoddi mewn meithrin gallu a chymorth seilwaith i grwpiau cymunedol.
• Mesurau cymunedol i leihau costau byw gan gynnwys fesurau i wella effeithlonrwydd ynni, a mynd i'r afael â thlodi tanwydd a newid hinsawdd.
• Cyllid i gefnogi astudiaethau dichonoldeb perthnasol.
• Buddsoddi a chymorth i seilwaith digidol ar gyfer cyfleusterau cymunedol lleol.

Sefydliadau Cymwys

• Grwpiau Cymunedol a Gwirfoddol Cyfansoddiadol.
• Elusennau cofrestredig.
• Mudiadau di-elw.
• Mentrau cymdeithasol.
• Gall canghennau lleol o sefydliadau trydydd sector cenedlaethol wneud cais gan ddefnyddio Cyfansoddiad y corff rhiant ond mae'n rhaid iddynt gael eu Cyfrif Banc lleol eu hunain.
• Gall Cynghorau Tref a Chymuned wneud cais am brosiectau cymunedol sy'n ychwanegol at gyfrifoldebau statudol arferol a fydd o fudd i'r gymuned.
• Cyrff Cyhoeddus.

Dyddiadau cau ar gyfer ceisiadau

Cymunedau Cynaliadwy – cyfanswm y gronfa - £2,000,000

Galwad 1af am geisiadau - cyllideb wedi'i dyrannu o £1,000,000

Yn agor 1 Mawrth, 2023 - dyddiad cau ar gyfer ceisiadau - 29 Mawrth, 2023

2il alwad am geisiadau – cyllideb wedi'i dyrannu o £750,000

Yn agor 1 Ebrill, 2023 - dyddiad cau ar gyfer ceisiadau - 26 Ebrill, 2023

3ydd galwad am geisiadau – cyllideb wedi'i dyrannu o £250,000

Yn agor 1 Mai - dyddiad cau ar gyfer ceisiadau - 29 Medi, 2023

Sylwch - mae gan rownd 3 gyllideb gyfyngedig ar gael.

Pecyn Cais

Nodiadau canllaw

Am ceisiadau rhwng £10,000 a £50,000

Ffurflen gais 1a

Am ceisiadau rhwng £50,000 a £250,000

Ffurflen gais 1b

I drafod eich prosiect arfaethedig, anfonwch e-bost at Biwro@sirgar.gov.uk

Cefnogi Busnesau Lleol

Mae'r angor Cefnogi Busnesau Lleol yn cynnwys tair elfen allweddol –

Grantiau cychwyn busnes a thyfu busnes

Fel rhan o'i ymrwymiad parhaus i gefnogi datblygu economaidd a busnesau drwy'r cyfnod heriol hwn, mae Cyngor Sir Caerfyrddin yn cyflwyno Grant Tyfu ac Adfer Busnes Sir Gaerfyrddin sy'n cael ei ariannu gan Lywodraeth y DU drwy'r Gronfa Ffyniant Gyffredin.

Nod yr ymyrraeth grant yw cryfhau ecosystemau entrepreneuraidd lleol, a chefnogi busnesau ym mhob cam o’u datblygiad i ddechrau, cynnal, tyfu ac arloesi, gan gynnwys trwy rwydweithiau lleol.

• Grantiau rhwng £1,000 a £10,000 ar gael.
• Gellir ystyried grantiau o hyd at £50,000 fesul achos ar gyfer ceisiadau sy'n dangos yn glir brosiectau arloesi, Ymchwil a Datblygu a/neu ddiogelu at y dyfodol sy'n gysylltiedig â'r strategaeth arloesi lleol.     
• Bydd pob grant yn seiliedig ar 50% o'r costau cymwys neu uchafswm o £5,000 ar gyfer pob swydd sy'n cael ei chreu, a/neu £5000 ar gyfer pob swydd sy'n cael ei diogelu, pa un bynnag yw'r lleiaf. (Rhaid creu o leiaf un swydd newydd a/neu ddiogelu un swydd cyfwerth ag amser llawn (CALL) er mwyn cael mynediad at y grant.

Gwneud cais am y grant cychwyn busnes

Gwneud cais am y grant tyfu ac adfer busnes

Cronfa Datblygu Eiddo

Mae Cronfa Datblygu Eiddo Masnachol Sir Gaerfyrddin yn gallu rhoi cymorth ariannol i ddatblygwyr tuag at godi adeiladau diwydiannol a masnachol gyda'r prif nod o greu capasiti ar gyfer cyflogaeth yn Sir Gaerfyrddin. Mae'r gronfa yn cael ei hariannu gan Lywodraeth y DU drwy'r Gronfa Ffyniant Gyffredin. Mae hyd at £750,000 ar gael ar gyfer prosiectau cymwys ar gyfradd ymyrryd o hyd at 45%.

Rhoddir blaenoriaeth i geisiadau a fydd yn cynnig manteision pendant i'r economi leol o ran:

• Nifer ac ansawdd y swyddi a grëir/y darperir ar eu cyfer
• Yr arwynebedd llawr a grëir
• Maint y tir a ddatblygir
• Nifer y BACHau y darperir ar eu cyfer
• Effaith y datblygiad ar yr iaith Gymraeg
• Nifer y mentrau sy'n mabwysiadu neu’n gwella strategaethau cydraddoldeb a systemau monitro.

Nod y cyllid yw talu'r bwlch ariannol rhwng y costau adeiladu a gwerth yr eiddo ar y farchnad wedi'i gwblhau. Bwriedir i’r cymhelliad hwn roi hwb i nifer y safleoedd busnes o safon uchel sydd ar gael yn Sir Gaerfyrddin drwy gynnig arian i ddarparu unedau diwydiannol neu swyddfeydd o safon uchel.

Gwneud Cais am y Cronfa Datblygu Eiddo

Cronfa Ynni Adnewyddadwy Busnes 

Fel rhan o'n hymrwymiad parhaus i gefnogi datblygu economaidd a busnesau drwy'r cyfnod heriol hwn, yn ogystal â bod yn garbon sero net erbyn 2030, mae Cyngor Sir Caerfyrddin yn cyflwyno Cronfa Ynni Adnewyddadwy Busnes Sir Gaerfyrddin. Bydd y Gronfa yn gynllun grant trydydd parti, a fydd yn darparu cymorth cyfalaf i fusnesau tuag at brynu systemau ynni adnewyddadwy ar gyfer eu safleoedd busnes.

Nod y gronfa yw helpu busnesau lleol i fod yn gynaliadwy yn ystod y cyfnod heriol hwn, a rhoi cymorth iddynt dyfu a ffynnu a'u helpu ar eu taith tuag at ddod yn garbon sero net. 

• Grantiau rhwng £1,000 (lleiafswm) a £25,000 (uchafswm) ar gael tuag at gost y system ynni adnewyddadwy
• Bydd pob dyfarniad grant yn seiliedig ar ddim mwy na 50% o'r costau cymwys

Gwneud Cais am y Cronfa Ynni Adnewyddadwy Busnes

Datblygu Lle

Cronfa Eiddo Gwag Canol Trefi

Ariennir Cronfa Eiddo Gwag Canol Trefi gan Gronfa Ffyniant Gyffredin Llywodraeth y DU. Bydd y gronfa yn targedu eiddo gwag y tu mewn i ffiniau llinellau coch penodedig yn nhrefi Rhydaman, Caerfyrddin a Llanelli. 

Bydd y cyllid ar gael i berchnogion / lesddeiliaid (prydles 7 mlynedd o leiaf) a bydd yn canolbwyntio ar sicrhau bod eiddo gwag ar y llawr gwaelod yn cael eu defnyddio at ddibenion masnachol unwaith eto. Ni fydd gwaith hapfasnachol yn cael ei gefnogi. 

Yr uchafswm a gaiff ei ddyfarnu fydd £30,000 fesul cais ar gyfradd ymyrryd o 70%. 

Os bydd y cais yn cael ei gyflwyno gan landlord sy'n bwriadu gosod yr eiddo, cyn cyflwyno cais llawn bydd angen i denant cyn gosod / terfynol fod yn ei le.

Gwneud cais am y Cronfa Eiddo Gwag Canol Trefi

Cronfa Ddigwyddiadau

Gan weithio gyda'r Ardaloedd Gwella Busnes a'r Cynghorau Tref yng nghanol ein prif drefi bydd cyllid ar gael i gefnogi digwyddiadau i wella'r hyn sy'n cael ei gynnal eisoes a threialu digwyddiadau newydd yng nghanol y prif drefi, sef Rhydaman, Caerfyrddin a Llanelli. Yr uchafswm a gaiff ei ddyfarnu fydd £4,000 fesul digwyddiad yn seiliedig ar gyfradd ymyrryd o 70%. 

Diben y gronfa yw cynyddu nifer yr ymwelwyr â chanol y trefi a gwella'r canfyddiad o ddigwyddiadau.

Sut mae wneud cais

I drafod eich prosiect arfaethedig a gofyn am ffurflen gais, anfonwch e-bost at Trefi@sirgar.gov.uk

Ariennir y prosiectau hyn yn rhannol gan Lywodraeth y DU trwy Gronfa Ffyniant Gyffredin y DU.

Mae Cronfa Ffyniant Gyffredin y DU yn rhan ganolog o agenda Ffyniant Bro Llywodraeth y DU ac mae'n darparu £2.6 biliwn o gyllid i'w fuddsoddi'n lleol erbyn mis Mawrth 2025. Nod y Gronfa yw gwella balchder bro a gwella cyfleoedd bywyd ledled y DU gan fuddsoddi ym meysydd cymunedau a lle, cefnogi busnesau lleol, a phobl a sgiliau. I gael rhagor o wybodaeth, ewch i Gov.uk.