Adroddiad Blynyddol Arolygiaeth Gofal Cymru

Ym mis Ionawr 2026, dosbarthwyd 301 o holiaduron i ofalwyr CBGC gweithredol, unigolion a gweithwyr cymdeithasol. Caewyd yr arolwg ar 31 Mawrth 2026, gyda chyfraddau ymateb o 23.75%, 4% a 6% yn y drefn honno. Lluniwyd adroddiad cryno i nodi cryfderau a meysydd i’w gwella. Cefnogodd staff y gwaith o gasglu adborth gan ofalwyr Cysylltu Bywydau yn ystod prosesau adolygu. Roedd hyn yn cynnwys hyrwyddo’r defnydd o god QR i alluogi cwblhau ar-lein, ynghyd â darparu cefnogaeth ychwanegol i unigolion ag anghenion penodol. Cynorthwyodd y dull hwn i sicrhau set gyfannol a chynhwysol o ymatebion gan unigolion a leolwyd, gweithwyr cymdeithasol a gofalwyr Cysylltu Bywydau. Lle nodwyd pryderon neu faterion, trefnodd y Rheolwr Busnes neu’r Arweinydd Tîm ymweliad i drafod y materion hyn yn fanwl, gan sicrhau bod unigolion, gofalwyr a gweithwyr proffesiynol yn cael y cyfle i gael eu clywed ac i ddeall y materion yn gynnar, gan atal unrhyw waethygiad pellach neu’r angen am gŵyn ffurfiol.

Heb ei Arolygu - Gwiriadau Mewnol Cadarn

Er na chawsom ein harolygu gan Arolygiaeth Gofal Cymru yn ystod y cyfnod adrodd, rydym yn adolygu'r gofal a'r cymorth rydym yn eu darparu yn rheolaidd. Mae'r adolygiadau hyn yn rhoi sicrwydd i ni fod pobl yn cael gofal diogel sy'n canolbwyntio ar yr unigolyn sy'n diwallu eu hanghenion ac yn cefnogi eu llesiant.

Rydym yn hyderus bod ein gwasanaeth yn cyrraedd y safonau a nodir o dan adran 27(1) o Ddeddf 2016.