Cyswllt cynllunio priffyrdd
Diweddarwyd y dudalen ar: 06/02/2025
Bydd y tîm cyswllt cynllunio priffyrdd yn:
- Cynorthwyo ag ymholiadau cyn cynllunio statudol a gyflwynir drwy'r adran Cynllunio ni.
- Lle bo'n briodol, rhoi cyngor ac argymhellion i'r Awdurdod Cynllunio Lleol fel ymgynghorai statudol ar oblygiadau cynigion datblygu o ran priffyrdd a thrafnidiaeth.
- Lle bo'n briodol, darparu ymatebion i ymgynghoriadau cyn ymgeisio (PAC).
Ni fydd y tîm cynllunio priffyrdd yn gallu cynorthwyo o ran y canlynol:
- Darparu gwasanaeth dylunio
- Gwneud y penderfyniad terfynol ar geisiadau cynllunio, gwneir hyn gan y tîm cynllunio
- Delio â mabwysiadu ffyrdd
- Delio â chwiliadau priffyrdd
- Gweithredu terfyn cyflymder 20mya (Strydoedd Mwy Diogel)
Lluniwyd y Canllaw Dylunio Priffyrdd gyda'r bwriad o nodi ei ddisgwyliadau o ran datblygiadau newydd yn y sir. Mae'n rhoi arweiniad i ddatblygwyr ac ymgeiswyr ar baratoi cynigion trafnidiaeth a darparu seilwaith a gwasanaethau trafnidiaeth i gefnogi datblygiadau newydd. Mae hefyd yn nodi'r gofynion cysylltiedig yn ystod y cynllunio a'r adeiladu.
Mae'r Canllaw Dylunio Priffyrdd yn darparu gwybodaeth gyson ac yn cyflymu'r broses ymgeisio. Fel y nodwyd uchod, ni all y tîm cyswllt cynllunio priffyrdd roi mewnbwn uniongyrchol ynghylch dylunio, felly argymhellir bod ymgeiswyr a/neu'u hasiantau yn cyfeirio at y ddogfen hon ar y cyfle cyntaf i lywio eu cynigion.
Mae'r ddogfen hon i gynorthwyo:
- Datblygwyr
- Ymgeiswyr
- Rhanddeiliaid
Bydd yn eich galluogi i ddeall a chymhwyso pob agwedd ar y canlynol:
- Effeithiau posibl ar briffyrdd
- Dylunio priffyrdd
- Cymhwyso canllawiau polisi lleol a chenedlaethol priodol
Bydd y canllaw dylunio yn rhoi eglurder ynghylch y canlynol:
- Lleiniau gwelededd
- Lleoedd parcio
- Garejis
- Un pwynt mynediad
- Un pwynt mynediad a chilfan
- Mynediad amaethyddol
- Ffurfio mynedfa
- Trofyrddau cerbydau
- Cynllunio ystad breswyl
Anfonwch unrhyw ymholiadau mewn perthynas â chynllun datblygiadau drwy e-bost i HwbCynllunio@sirgar.gov.uk.
Isod, ceir rhai enghreifftiau o'r ystyriaethau y bydd y tîm cyswllt cynllunio priffyrdd yn eu gwneud wrth asesu cynigion datblygu:
- Effaith y cynnig ar ddiogelwch priffyrdd
- Cydymffurfiaeth â'r canllaw dylunio priffyrdd
- Cydymffurfiaeth â safonau a pholisïau lleol a chenedlaethol
- Capasiti'r rhwydwaith priffyrdd ehangach nawr ac yn y dyfodol
- Cydymffurfiaeth â'r Ddeddf Teithio Llesol
- Hygyrchedd y safle gan ddefnyddio pob math o drafnidiaeth
- Parcio ar gyfer cerbydau di-fodur a cherbydau modur
- Mesurau lliniaru mewn perthynas ag unrhyw effeithiau
- Cynlluniau teithio
O ran ymholiadau ynghylch priffyrdd a thrafnidiaeth nad ydynt yn ymwneud â chais cynllunio, ewch i'n tudalennau ynghylch Teithio, Ffyrdd a Pharcio.
Mae’r polisi hwn yn nodi’r disgwyliadau a’r gofynion ar gyfer systemau draenio dŵr ffo sy’n gysylltiedig â datblygiadau newydd sydd wedi’u lleoli o fewn y briffordd ac sydd i’w hyrwyddo i’w mabwysiadu gan Gyngor Sir Caerfyrddin neu sy’n gysylltiedig â systemau draenio priffyrdd presennol.
Mae'r ddogfen hon, sy'n ymwneud â draenio priffyrdd, wedi'i drafftio i ategu'r Canllaw Dylunio Priffyrdd.
Mae'r dull a fabwysiadwyd yn cefnogi egwyddorion dylunio ac adeiladu systemau draenio trefol cynaliadwy.
Bwriedir i'r broses a roddwyd ar waith gan yr Awdurdod i ymdrin â cheisiadau i ollwng dŵr wyneb i'r Draenio Priffyrdd fod yn hollgynhwysol, ond rydym hefyd yn gwerthfawrogi nad yw'r un ddau ddatblygiad yr un fath, gyda rhai yn cynnig mwy o gyfyngiadau nag eraill.
Hefyd, cyn neu wedi’ch cyfeirio at y broses gais SAB, efallai y byddwch am geisio cyngor ynghylch y posibilrwydd o ryddhau o’r fath, heb ffurfioli’r cais yn gyntaf.
Felly, petaech yn dymuno trafod unrhyw gynllun cyn gwneud cais, gellir darparu gwasanaeth cyn ymgeisio am ffi y cytunwyd arni. I drafod hyn ymhellach cysylltwch HighwayDrainConnect@carmarthenshire.gov.uk
Cynllunio
Canllaw Cais Cynllunio
Croeso i'w Hwb cynllunio
Brosiectau Cynllunio Mawr
Ymestyn / newid eich cartref
- Tystysgrif datblygiad cyfreithlon
- Gwasanaeth cyngor cyn ymgeisio
- Caniatâd cynllunio deiliad tŷ
- Eiddo cyfagos / waliau cydrannol
- Ystlumod ac adar sy'n nythu
- Ardaloedd Cadwraeth
- Newidiadau i adeilad rhestredig