Adolygiad o'r Dreth Gyngor
Diweddarwyd y dudalen ar: 01/09/2025
Rydym yn adolygu holl ostyngiadau person sengl y Dreth Gyngor i wneud yn siŵr eu bod yn gywir ac i atal unrhyw dwyllo.
Yn y sir, ar hyn o bryd mae tua 40,000 o dalwyr y Dreth Gyngor yn derbyn gostyngiad person sengl o 25%. Rydym yn defnyddio gwiriadau data clyfar i gymharu cofnodion a chadarnhau bod pob gostyngiad yn ddilys.
Os yw rhywun yn cael gostyngiad na ddylai ei gael, byddwn yn ei ddileu ac efallai y byddwn yn ôl-ddyddio'r bil i pan ddechreuodd y gostyngiad. Mewn rhai achosion, gallwn roi dirwy neu hyd yn oed gymryd camau cyfreithiol yn erbyn pobl sydd wedi hawlio'r gostyngiad yn anonest.
Rwyf wedi derbyn llythyr ynghylch adolygiad am y gostyngiad person sengl
Os ydych chi'n derbyn llythyr yn gofyn am eich gostyngiad person sengl, dywedwch wrthym am eich sefyllfa byw bresennol fel y gallwn ddiweddaru ein cofnodion.
Y ffordd gyflymaf a hawsaf o wneud hyn yw ar-lein. Bydd angen eich:
- Rhif PIN unigryw
- Cyfeirnod Cyfrif y Dreth Gyngor
- Côd Post
Gallwch ddod o hyd i'r manylion hyn yn y llythyr neu'r e-bost a anfonwyd atoch.
