Trawsnewid Trefi

4. Yr hyn y gallwch ddefnyddio'r grant ar ei gyfer

Os caiff eich mynegiant o ddiddordeb ei gymeradwyo a gofynnir i chi gyflwyno cais llawn gallwch wneud cais am gyllid i dalu costau sy'n cynnwys:

Gwelliannau i eiddo masnachol

Gall gwaith allanol i'r adeilad gynnwys gwaith yr ystyrir ei fod yn angenrheidiol ar gyfer uniondeb strwythurol yr eiddo. Gallai'r eitemau gynnwys: 

  • Blaen siopau;
  • Arwyddion dwyieithog;
  • Ffenestri a drysau;
  • Goleuadau allanol;
  • Toeau a simneiau;
  • Cafnau a pheipiau dŵr glaw;
  • Rendro, glanhau cerrig ac atgyweirio, ail-bwyntio; a 
  • Gwaith strwythurol.

Gall gwaith mewnol i'r adeilad gynnwys yr holl waith, yn waith gweladwy neu strwythurol, sy'n angenrheidiol er mwyn cwblhau'r prosiect i ofynion Rheoliadau Adeiladu. Gallai hyn gynnwys:

  • Ffenestri a drysau;
  • Gwneud gwelliannau o ran mynediad;
  • Waliau, nenfydau, goleuadau;
  • Mesurau effeithlonrwydd ynni pan gânt eu cynnwys fel rhan o'r cynllun cyffredinol;
  • Cyfleustodau a gwasanaethau, gan gynnwys gwresogi;
  • Cyfleusterau llesiant (e.e. cyfleusterau ystafell ymolchi a glanhau hanfodol yn unig); a
  • Gwaith strwythurol

Gwelliannau i flaen siopau

Gallwch wneud cais am gyllid ar gyfer gwelliannau allanol i flaen siopau lle nad oes angen gwaith addasu neu ailddatblygu mewnol.

Seilwaith Gwyrdd

  • Waliau Gwyrdd
  • Toeau Gwyrdd
  • Gerddi Glaw
  • Parciau 'Poced'

Ni fydd y cyllid hwn yn cyfrannu at gostau cynnal a chadw parhaus yn y blynyddoedd ariannol i ddod.

Creu ardaloedd masnachu awyr agored yng nghanol trefi

Darparu seddi awyr agored, blychau plannu blodau, gorchuddion, mannau gweini a chanopïau wrth adeiladau.

Trefi digidol - Seilwaith digidol

Darparu eitemau cyfalaf i gefnogi rhwydweithiau dadansoddi Wi-Fi a LoraWan.

Datblygu mannau cyhoeddus yng nghanol y dref

Gallwch wneud cais am arian i gwblhau gwelliannau i amgylchfyd cyhoeddus ar raddfa fach lle maent yn cyd-fynd â gweithgarwch adfywio yng nghanol trefi. Bydd angen i ni weld effaith gymdeithasol ac economaidd amlwg gan gynnwys:

  • Symud neu ostwng cyrbau ar gyfer mynediad a gadael.
  • Ehangu palmentydd i ddarparu mannau eistedd yn yr awyr agored ac ardaloedd amwynder.
  • Blychau plannu blodau a sgriniau parhaol.

Marchnadoedd canol tref

  • Darparu cyflenwadau trydan parhaol i alluogi marchnadoedd i fasnachu.
  • Caffael stondinau a llwyfannau masnachu.

Bydd y grant hwn ar agor ar gyfer ceisiadau tan 20 Ebrill 2022. Gwnewch nodyn o’r dudalen hon a dilynwch ni ar Twitter a Facebook i gael y diweddaraf.