Newyddion a Digwyddiadau
Mae Archifau Sir Gaerfyrddin yn falch o fod wedi cymryd rhan yn y prosiect ‘Antur yn yr Archifdy’ diweddar a gefnogwyd gan Gyngor Archifau a Chofnodion Cymru!
Yn ddiweddar rydym wedi cwblhau prosiect cyffrous a ariannwyd gan grant a oedd yn caniatáu i ni ymgysylltu â staff a phlant Uned Anghenion Arbennig Myrddin (UAAM), Caerfyrddin. Bwriad y fenter oedd galluogi’r disgyblion i ddysgu mwy am hanes Caerfyrddin tra’n cael llawer o hwyl yn yr archifau!
Datblygwyd a chyflwynwyd ‘Antur yn yr Archifdy’ gan Seren Stacey a Teena Gould, dau artist lleol, gyda chymorth staff yr archifau. Er mwyn darparu ar gyfer amrywiaeth o arddulliau dysgu, cyflwynodd yr artistiaid amrywiaeth o brosesau celf i'r plant er mwyn darganfod eu hoffterau a'u diddordebau. Er enghraifft, cynigiwyd dewislen o ddulliau gan gynnwys ffotograffiaeth heb gamera, collage, clai, cymysgu lliwiau paent, a phrint. Unwaith y dewiswyd y prosesau a ffefrir, cefnogwyd y dysgwyr i adeiladu ar y sgiliau newydd hyn ac arbrofi gyda chyfryngau. Yna defnyddiwyd y setiau sgiliau newydd hyn yn dda i lunio darn creadigol terfynol mewn cerameg gwydrog.
I ddathlu cwblhau’r prosiect yn llwyddiannus, cynhaliwyd digwyddiad lansio arbennig yn yr archifau lle dadorchuddiwyd gwaith celf y plant yn swyddogol gan Ceri Lilley, pennaeth Uned Anghenion Arbennig Myrddin. Mae’r darnau gwych hyn o gelf bellach yn cael eu harddangos yn barhaol yn Ystafell Chwilio’r Archifau a dylent roi ymdeimlad gwirioneddol o falchder a chyflawniad i’r plant, eu rhieni, a phawb sy’n ymwneud â’r prosiect.
Cefnogwyd y prosiect gan grant o £2,717.82 a dderbyniwyd gan Gyngor Archifau a Chofnodion Cymru (CACC) a Llywodraeth Cymru.
- Lleoliad:
