Fersiwn drafft o'r polisi codi tâl am wasanaethau gofal cymdeithasol
Yn yr adran hon
- Rheoli Eiddo a Chyllid
- Eiriolaeth
- Taliadau Gohiriedig
- Anfonebu am Daliadau
- Methu Taliadau a Dyled
- Amddifadu o Asedau
- Costau Ychwanegol (CY) am Dderbyniadau Parhaol/Dros Dro i Gartref Gofal
- Costau Ychwanegol (CY) am Dderbyniadau Seibiannol/Byrdymor i Gartref Gofal
- Cymhwyso'r Rheolau i Achosion Unigol
- Adolygiadau a Dulliau Apelio
- Atodiad 1 - Amrywiadau/Addasiadau i Daliadau am Wasanaethau sy'n Deestun Asesiad Ariannol
- Atodiad 2 - Rheolau Gweithredol ar Gyfer Dechrau a Therfynu Pecynnau Gofal a Chymorth
Adolygiadau a Dulliau Apelio
29. Adolygiadau a Dulliau Apelio
Bydd Sir Gaerfyrddin bob amser yn ymdrechu i gynnal asesiad ariannol mewn ffordd gywir a phroffesiynol. Bydd rhai asesiadau ariannol yn ymddangos yn gymhleth, a bydd hyn bob amser yn arwain at ymholiadau ac, mewn rhai achosion, adolygiadau ffurfiol.
Pan fo person ag anghenion gofal a chymorth o'r farn fod canlyniad asesiad ariannol yn anghywir am unrhyw reswm, bydd yn gallu cysylltu â'r awdurdod dros y ffôn, drwy e-bost neu’n ysgrifenedig.
Pan ddaw ymholiad i law, bydd yr aelod staff sy'n gyfrifol am yr achos fel arfer yn edrych ar yr ymholiad hwnnw. Os na chaiff y mater ei ddatrys fel bo'r person ag anghenion gofal a chymorth yn fodlon, bydd swyddog arall o fewn y tîm yn adolygu'r ymholiad a'r ymateb cychwynnol.
Os bydd y mater yn dal heb ei ddatrys, bydd gan y person ag anghenion gofal a chymorth yr hawl i wneud cais am adolygiad ffurfiol, ond dim ond lle bo sail ei gais yn cydymffurfio â gofynion y ddeddfwriaeth.
Pan ofynnir am adolygiad ffurfiol, bydd Sir Gaerfyrddin yn cynnal yr adolygiad yn unol â´r ddeddfwriaeth.
Mae gan bob person ag anghenion gofal a chymorth yr hawl i ddefnyddio gweithdrefn gwyno'r awdurdod os ydynt yn anfodlon ar ein gwasanaethau neu ar y ffordd yr ymdriniwyd â nhw. Ni fydd gofyn am adolygiad yn atal person rhag canlyn y weithdrefn gwyno.