Derbyn i Ysgolion 2023-2024- Gwybodaeth i Rieni

Yn yr adran hon

Argraffwch y dudalen hon

Faint Fydd Oed Plant yn Dechrau'r Ysgol?

Y Blynyddoedd Cynnar ‐ Darpariaeth i blant 3 oed

Beth yw'r Blynyddoedd Cynnar?

Mae Addysg y Blynyddoedd Cynnar yn ddarpariaeth anstatudol sydd ar gael i blant 3 oed a bydd yn rhaid gwneud cais am le mewn ysgol h.y. ar gyfer categorïau (i) â (ii) isod, i'r Awdurdod Derbyn erbyn y dyddiad cau - Gweler yr Amserlen ar gyfer Cyflwyno Cais.

Ble mae addysg ran amser i'w chael?

Mae hawl gan bob plentyn 3 blwydd oed gael lleoliad am ddim am 10 awr yr wythnos mewn sefydliad cofrestredig trwy’r Grŵp Hawliau Bore Oes o'r tymor yn dilyn ei drydydd pen-blwydd. Mae'r Awdurdod yn caniatáu i ddarparwyr nas cynhelir ddefnyddio adeiladau ysgolion lle bynnag y bo hynny'n ymarferol.

Mae sawl math o ddarpariaeth:

(i)Ysgol Feithrin - Ysgol Feithrin Rhydaman yw'r unig ysgol feithrin yn y Sir.
(ii)Dosbarthiadau Meithrin/Blynyddoedd Cynnar mewn Ysgolion Babanod neu Gynradd (Ysgolion 3-11 yn unig).
(iii)Darpariaeth gan y sector nas cynhelir sy’n bartneriaid yn y Grŵp Hawl Bore-Oes, megis Blynyddoedd Cynnar Cymru, mudiadau fel Cymdeithas Darparwyr Cyn-ysgol Cymru (WPPA), Mudiad Meithrin a darparwyr preifat. Gallwch ddod i wybod mwy o dan yr adran Gwasanaeth Gwybodaeth i Deuluoedd Sir Gaerfyrddin yn y llyfryn hwn.

Pryd y gall plentyn ddechrau addysg ran-amser?

Fel rheol, derbynnir plant i ddarpariaeth blynyddoedd cynnar mewn ysgolion lle mae'r ddarpariaeth honno ar gael yn rhan-amser ar ddechrau'r tymor yn dilyn eu trydydd pen-blwydd.

3ydd Pen-blwydd y Plentyn  Y Tymor Derbyn
1 Medi - 31 Rhagfyr

Tymor y Gwanwyn
1 Ionawr - 31 Mawrth

Tymor yr Haf
1 Ebrill - 31 Awst

Tymor yr Hydref
Nid oes gan rieni hawl i apelio os na chynigir lle i’w plentyn mewn lleoliad blynyddoedd cynnar o'u dewis.

Ni fydd gan blentyn y cynigir lle rhan-amser iddo/iddi mewn ysgol, hawl awtomatig i barhau i dderbyn addysg amser llawn. Mae'n rhaid cyflwyno cais ffurfiol i'r Awdurdod Derbyn cywir - gweler yr amserlen derbyn.

Os bydd mwy o geisiadau na llefydd ar gael, yna bydd y Cyngor yn blaenoriaethu ceisiadau yn unol â’i meini prawf gor-alw a nodir yn y ddogfen hon.

 

Addysg Amser Llawn ‐ Plant 4 a 5 oed

Lle nad oes darpariaeth blynyddoedd cynnar mewn lleoliad a gynhelir, wedi i gais gael ei gymeradwyo, mae plant yn cael eu derbyn yn llawn amser ar yr adegau canlynol:

4ydd Pen-blwydd y Plentyn Y Tymor Derbyn
1 Medi - 31 Rhagfyr

Tymor yr Hydref
1 Ionawr - 31 Mawrth

Tymor y Gwanwyn
1 Ebrill - 31 Awst

Tymor yr Haf
Dylid cyflwyno ceisiadau i'r Awdurdod Derbyn erbyn y dyddiad cau - gweler yr amserlen cyflwyno ceisiadau derbyn. Gall rhieni ohirio dyddiad derbyn plentyn i'r ysgol tan ddechrau'r tymor sy'n dilyn pumed pen-blwydd y plentyn.

Yn ôl y gyfraith rhaid i rieni drefnu bod eu plant yn cael addysg llawn amser ar ddechrau’r tymhorau canlynol:

5ed Pen-blwydd y Plentyn Mae'n rhaid, yn ôl y gyfraith, i'r plentyn ddechrau ysgol
1 Medi - 31 Rhagfyr

Tymor y Gwanwyn
1 Ionawr - 31 Mawrth

Tymor yr Haf
1 Ebrill - 31 Awst

Tymor yr Hydref
Ni fydd ceisiadau sy'n dod i law ar ôl y dyddiad cau ar gyfer cyflwyno ceisiadau yn cael eu hystyried nes bod y ceisiadau sydd wedi dod i law cyn y dyddiad cau wedi cael llefydd.