Dillad a Helmed Beicio Modur

Diweddarwyd y dudalen ar: 05/03/2024

Prynwch y dillad cywir cyn gyrru eich beic modur.

Bydd angen y canlynol arnoch:

  • Helmed gymeradwy sy'n ffitio'n ddiogel. Os ydych yn meddwl bod yr helmed yn ddiffygiol, newidiwch hi. Gall helmed wen neu liwgar iawn eich helpu i fod yn weledig.
  • Dillad da - ac mae hynny'n golygu siaced, trowseri ac esgidiau. Mae'r rhai gorau wedi'u marcio â CE a gallant eich amddiffyn rhag cael anaf os ydych yn disgyn. Dylent fod yn fflwroleuol yn ystod y dydd ac yn adlewyrchol yn ystod y nos.
  • Bydd y dillad sy'n eich amddiffyn yn briodol rhag y tywydd nid yn unig yn gwneud i chi deimlo'n fwy cyfforddus, byddant hefyd yn eich galluogi i hoelio mwy o sylw ar eich gyrru.

Gwnewch yn siŵr nad yw eich fisor yn frwnt neu wedi'i grafu a chofiwch beidio â gwisgo goglau neu fisor arlliwedig yn ystod y nos.

Er bod yr holl helmedau beiciau modur sydd ar werth yn y DU yn gorfod bodloni'r gofynion cyfreithiol lleiaf, mae profion wedi dangos bod gwahaniaeth sylweddol ym mherfformiad diogelwch yr helmedau beiciau modur sydd ar gael.

Er mwyn ceisio mynd i'r afael â hyn, cafodd y ‘Rhaglen Asesu a Sgrinio Helmedau Diogelwch’ (SHARP) ei sefydlu yn 2007 gan yr Adran Drafnidiaeth er mwyn galluogi gyrwyr beiciau modur i ddewis helmed yn haws sy'n diwallu eu hanghenion.

Bydd SHARP yn rhoi i ddefnyddwyr asesiad annibynnol o berfformiad diogelwch yr helmedau sy'n cael eu gwerthu yn y DU. Mae'r Sgôr SHARP yn adlewyrchu perfformiad pob model helmed yn dilyn cyfres o brofion manwl yn labordy SHARP a bydd yr helmedau yn cael sgôr rhwng 1-5 o sêr.

Mae gwefan SHARP yn rhoi cyngor a gwybodaeth i yrwyr beiciau modur hefyd ynghylch dewis helmed ac yn cynnwys arddangosiadau ynghylch sut mae'r profion SHARP yn cael eu gwneud a sut i wneud yn siŵr fod helmed yn ffitio'n briodol.

Mae ymchwil SHARP wedi dangos y gellid achub hyd at 50 o fywydau gyrwyr beiciau modur bob blwyddyn pe byddai pawb yn gwisgo helmed sy'n sgorio'n uchel yn system brofi SHARP. 

ewch i Wefan SHARP

Teithio, Ffyrdd a Pharcio

Ymgeisio am...

Mynediad ar gyfer cerdded a beicio (Teithio Llesol)

Gwasanaethau bws

Rhannu ceir

Tocyn teithio consesiwn

Ceir Cefn Gwlad

Gwefru Cerbyd Trydan

Graeanu

Beicio modur

Parcio

Pont pwyso cyhoeddus

Rhoi gwybod am anifail sydd wedi marw ar y ffordd

Rhoi gwybod am broblemau ar y ffyrdd

Rhoi gwybod am gerbyd wedi'i adael

Diogelwch ffyrdd

Gorchmynion rheoleiddio traffig

Teithio ar y trên

Torri ymylon priffyrdd

Gwneud Cais am Chwiliad Priffyrdd

Gwaith ar y ffyrdd

Bws Bach y Wlad

Mwy ynghylch Teithio, Ffyrdd a Pharcio