Camddefnyddio cyffuriau / alcohol

Diweddarwyd y dudalen ar: 25/07/2024

Mae defnyddio sylweddau yn broblem gymhleth sy'n cael ei dylanwadu gan nifer o ffactorau nad ydynt bob amser yn weladwy i bobl.

Os yw alcohol neu gyffuriau eraill neu ymddygiad niweidiol arall fel gamblo neu ymddygiadau caethiwus yn effeithio arnoch chi neu aelod o'ch teulu.

Gall y Tîm Defnyddio Sylweddau ac Adfer eich helpu a'ch cefnogi os ydych:

yn breswylydd parhaol yn Sir Gaerfyrddin
wedi'ch cofrestru'n ddigartref yn Sir Gaerfyrddin
yn unigolyn dros 18 oed, sy'n poeni am ddefnydd alcohol a chyffuriau eraill
yn darparu rôl ofalu i rywun sy'n defnyddio sylweddau i lefelau problemus.

Gallwn gynnig asesiad o'ch anghenion a gweithio gyda chi gan ystyried eich sefyllfa a'r hyn sy'n bwysig i chi.

Byddwn yn eich helpu i ddefnyddio eich cryfderau eich hun i ddatrys problemau a hyrwyddo annibyniaeth.

Weithiau rydym yn gweithio gydag asiantaethau partneriaeth eraill i helpu i gael y gefnogaeth sydd ei hangen arnoch.

Sut i gael cefnogaeth

I gael gafael ar gymorth cysylltwch â ni drwy ffonio 01554 744343. (Llun-Gwe 1pm-4pm)

Y tu allan i'r oriau hyn, gallwch gysylltu â Llesiant Delta ar 0300 333 2222 neu Linell Gymorth Cymru ar Gyffuriau ac Alcohol drwy ffonio 0808 808 2234.

Sut ydw i'n cael cymorth i rywun sydd o dan 18 oed ac sy'n defnyddio alcohol a/neu gyffuriau eraill?

Choices yw'r Pwynt Cyswllt ar gyfer pobl ifanc sy'n 18 oed neu'n iau a'r bobl sy'n poeni amdanynt.Gallwch gysylltu â nhw drwy ffonio 01554 755779 neu fel arall gallwch fynd i'r wefan.

Â phwy allaf i gysylltu os ydw i o dan 18 oed ac yn poeni am aelod o'r teulu sy'n defnyddio alcohol a chyffuriau eraill?

Mae Tîm Gofalwyr Ifanc Sir Gaerfyrddin yn cefnogi pobl ifanc sy'n cael eu heffeithio gan ddefnydd o sylweddau yn y teulu. Nid oes rhaid i chi fod â rôl ofalu uniongyrchol i gael mynediad at y gwasanaeth hwn, gan y gall defnydd gan rieni gael effaith mewn sawl ffordd. I wneud atgyfeiriad i'r tîm hwn, ffoniwch 01554 742630, anfonwch neges destun at 07812 475470 neu e-bostiwch gwasanaethgofalwyrifanc@sirgar.gov.uk

Os nad ydych am wneud atgyfeiriad a chael asesiad, mae amrywiaeth o sefydliadau o hyd a all eich helpu. Dolen gyswllt isod.

Gofal Cymdeithasol ac Iechyd

Cynllun y Bathodyn Glas

Amser gyda'n gilydd

Mwy ynghylch Gofal Cymdeithasol ac Iechyd

Barod

Gwasanaeth Camddefnyddio Sylweddau i oedolion yn Sir Gaerfyrddin, Ceredigion a Sir Benfro. Mae Barod yn gweithio gyda Thimau Cymunedol Cyffuriau ac Alcohol yr NHS ar gyfer anghenion presgripsiwn a Thimau Camddefnyddio Sylweddau sy'n weithwyr cymdeithasol sy'n darparu cefnogaeth hanfodol i bobl fregus.