Pentre Awel
Prosiect gwerth miliynau o bunnoedd sy'n dwyn ynghyd fusnes, ymchwil, addysg, gofal iechyd cymunedol a chyfleusterau hamdden modern mewn un lleoliad gwych ar hyd arfordir Llanelli
Pentre Awel yw'r datblygiad cyntaf o'i gwmpas a'i faint yng Nghymru a fydd yn cynnig darpariaeth o'r radd flaenaf ym maes ymchwil meddygol a gofal iechyd gan gefnogi ac annog pobl i fyw bywydau egnïol ac iach.
Yn ogystal â gwella iechyd a llesiant, bydd y prosiect yn creu dros 1,800 o swyddi a chyfleoedd hyfforddi/prentisiaethau, a disgwylir iddo roi hwb o £467 miliwn i'r economi leol dros y 15 mlynedd nesaf.
Ar safle 83 erw yn y Llynnoedd Delta, bydd y prosiect dan arweiniad y Cyngor yn cael ei ddatblygu fesul cam ar draws pedwar parth. Mae'n cynnwys:
Parth 1 - dyddiad cwblhau'n llawn ar gyfer haf 2024:
Canolfan hamdden
Bydd Pentre Awel yn darparu canolfan hamdden newydd o'r radd flaenaf, a fydd yn cynnwys:
- Pwll nofio wyth lôn 25 metr a phwll dysgwyr sy'n cynnig nofio lôn traddodiadol a dosbarthiadau dysgu nofio, yn ogystal â gweithgareddau hwyliog gyda sleidiau dŵr, offer gwynt a chyrsiau rhwystrau dŵr i bobl o bob oed a gallu
- Neuadd chwaraeon wyth cwrt yn darparu cyfleusterau o'r radd flaenaf ar gyfer amrywiaeth o chwaraeon dan do, gan gynnwys cyrtiau pêl-rwyd o safon cystadlu
- Campfa arloesol
- Stiwdios dawnsio, chwilbedlo ac amlbwrpas
- Pwll hydrotherapi wedi'i ariannu gan roddion elusennol ac sydd ar gael i'w defnyddio gan gleifion y GIG
Addysg, ymchwil a datblygu busnes
Bydd yr ymchwil a'r gwaith datblygu yn helpu i wella dealltwriaeth o'r hyn y mae'n ei olygu i fyw'n dda. Bydd Pentre Awel yn gartref i dimau o wyddonwyr a busnesau newydd, busnesau sydd wedi'u hen sefydlu a phobl sy'n newydd i'r maes. Byddant i gyd yn gweithio mewn partneriaeth â phrifysgolion a cholegau a'r bwrdd iechyd i wella bywyd.
Bydd canolfan darpariaeth glinigol ac ymchwil yn galluogi Bwrdd Iechyd Prifysgol Hywel Dda i ehangu ei ddarpariaeth ymchwil a pheirianneg feddygol drwy ganolbwyntio ar dreialon clinigol ar lefel gymunedol, sy'n gysylltiedig â chyfleusterau ar y safle; ac yn darparu gofal amlddisgyblaethol yn nes at adref ar gyfer ystod eang o wasanaethau sy'n canolbwyntio ar y gymuned.
Bydd canolfan addysg a hyfforddiant yn canolbwyntio ar hyfforddiant iechyd a gofal, gyda chyrsiau'n amrywio o lefel mynediad i ôl-raddedig, gan roi myfyrwyr mewn lleoliad clinigol a chanolbwyntio ar feysydd lle mae prinder sgiliau.
Parth 2
Datblygiad tai cymdeithasol a fforddiadwy
Bydd datblygiad cyffrous o 35 o dai cymdeithasol a fforddiadwy yn cael ei ddatblygu ym mharth 2 y prosiect. Bydd y tai hyn yng ngogledd-ddwyrain Pentre Awel.
Llety byw â chymorth
Bydd cyfleusterau byw â chymorth yn cynnwys amrywiaeth o opsiynau tai ar gyfer preswylwyr o bob oed y mae angen cymorth ychwanegol arnynt. Nod y llety hwn yw cefnogi annibyniaeth drwy ddefnyddio'r technolegau byw â chymorth diweddaraf gan gwmnïau ymchwil a datblygu arbenigol ar y safle.
Bydd cyfleusterau gofal integredig ac adsefydlu corfforol yn galluogi'r gwaith o brofi a threialu technolegau gwyddor bywyd sydd â'r nod o wella byw'n annibynnol a byw â chymorth.
Parth 3
Pentref byw â chymorth
Bydd oddeutu 144 o fflatiau a thai byw â chymorth i'w gwerthu a'u rhentu yn cael eu creu i hyrwyddo byw'n annibynnol ymhlith preswylwyr.
Gofod ehangu busnes
Bydd hyd at 10,000m² o ofod ehangu busnes yn cael ei ddarparu ar gyfer sgilgynhyrchu.
Parth 4
Gwesty
Bydd gwesty ar hyd arfordir trawiadol yn darparu llety gyda hyd at 140 o ystafelloedd gwely yn ogystal ag amrywiaeth o gyfleusterau i hyrwyddo llesiant ymwelwyr. Cynhaliwyd Ymgynghoriad Cyn Ymgeisio yn gynharach eleni, gyda'r bwriad o gyflwyno cais cynllunio amlinellol.
Datblygiad tai
Bydd datblygiad tai marchnad agored 35 uned i'r de o'r datblygiad gyda golygfeydd trawiadol o'r arfordir.
Bydd y cyfan o fewn y dirwedd naturiol, o amgylch llyn dŵr croyw ac o fewn pellter cerdded i Barc Arfordirol y Mileniwm. Bydd Pentre Awel yn cynnwys mannau cyhoeddus awyr agored wedi'u tirlunio ar gyfer hamdden, gyda llwybrau cerdded a beicio a golygfeydd arfordirol trawiadol.
Cynllunio
Sicrhawyd caniatâd cynllunio amlinellol ar gyfer y safle ym mis Awst 2019 (Cyfeirnod Cynllunio: S/36948). Cynhaliwyd amrywiaeth o arolygon ac asesiadau amgylcheddol i gefnogi'r cais cynllunio ac maent ar gael ar y porth cynllunio. Cymeradwywyd cynllunio ar gyfer materion a gadwyd yn ôl gan gynnwys mynediad, ymddangosiad, tirlunio, cynllun a graddfa ar gyfer Parth Un ym mis Mehefin 2022.
Dylunio, pensaernïaeth a chynaliadwyedd
Mae gwaith dylunio manwl wedi'i wneud ar Barth 1, a fydd yn dwyn ynghyd addysg, busnes, ymchwil, hamdden ac iechyd mewn un adeilad. Bydd y cyfleusterau hyn yn cael eu huno mewn cynllun 'stryd', a gysylltir gan atriwm canolog a fydd yn cynnwys derbynfa, caffi ac amwynderau cyhoeddus eraill. Y stryd fydd calon gymunedol y pentref a bydd ganddi lawer o fannau arddangos tuag at mannau bach a fydd yn galluogi pobl i fwynhau'r golygfeydd gwych o'r llyn ac i'r gorllewin tuag at aber Afon Llwchwr a Bae Caerfyrddin.
Mae'r dyluniadau'n arddangos uchelgais y Cyngor i greu datblygiad sy'n cael ei arwain gan y dirwedd, sy'n gysylltiedig â chymunedau ac amwynderau lleol ac sy'n gynaliadwy. Bydd cyfleusterau Parth 1 yn gwneud y defnydd gorau posibl o olau dydd ac awyru naturiol lle bo hynny'n bosibl, ac yn 'dod â'r tu allan i mewn' i hyrwyddo llesiant corfforol a meddyliol da. Yn ogystal, mae toeau gwyrdd/brown a phaneli ffotofoltäig yn rhan bwysig o strategaeth ynni ar draws y safle ac yn adlewyrchu dyheadau'r Cyngor mewn perthynas â charbon sero-net.
Dull partneriaeth
Mae Pentre Awel yn cael ei ddarparu gan Gyngor Sir Caerfyrddin mewn partneriaeth â Bwrdd Iechyd Prifysgol Hywel Dda, Prifysgolion a Cholegau gan gynnwys Prifysgol Caerdydd, Coleg Sir Gâr, Prifysgol Cymru y Drindod Dewi Sant a Phrifysgol Abertawe.
Mae'n cael ei ariannu'n rhannol gan Fargen Ddinesig Bae Abertawe (£40 miliwn).
Pentre Awel yw'r datblygiad cyntaf o'i gwmpas a'i faint yng Nghymru a fydd yn cynnig darpariaeth o'r radd flaenaf ym maes ymchwil meddygol a gofal iechyd gan gefnogi ac annog pobl i fyw bywydau egnïol ac iach.
Yn ogystal â gwella iechyd a llesiant, bydd y prosiect yn creu dros 1,800 o swyddi a chyfleoedd hyfforddi/prentisiaethau, a disgwylir iddo roi hwb o £467 miliwn i'r economi leol dros y 15 mlynedd nesaf.
Ar safle 83 erw yn y Llynnoedd Delta, bydd y prosiect dan arweiniad y Cyngor yn cael ei ddatblygu fesul cam ar draws pedwar parth. Mae'n cynnwys:
Parth 1 - dyddiad cwblhau'n llawn ar gyfer haf 2024:
Canolfan hamdden
Bydd Pentre Awel yn darparu canolfan hamdden newydd o'r radd flaenaf, a fydd yn cynnwys:
- Pwll nofio wyth lôn 25 metr a phwll dysgwyr sy'n cynnig nofio lôn traddodiadol a dosbarthiadau dysgu nofio, yn ogystal â gweithgareddau hwyliog gyda sleidiau dŵr, offer gwynt a chyrsiau rhwystrau dŵr i bobl o bob oed a gallu
- Neuadd chwaraeon wyth cwrt yn darparu cyfleusterau o'r radd flaenaf ar gyfer amrywiaeth o chwaraeon dan do, gan gynnwys cyrtiau pêl-rwyd o safon cystadlu
- Campfa arloesol
- Stiwdios dawnsio, chwilbedlo ac amlbwrpas
- Pwll hydrotherapi wedi'i ariannu gan roddion elusennol ac sydd ar gael i'w defnyddio gan gleifion y GIG
Addysg, ymchwil a datblygu busnes
Bydd yr ymchwil a'r gwaith datblygu yn helpu i wella dealltwriaeth o'r hyn y mae'n ei olygu i fyw'n dda. Bydd Pentre Awel yn gartref i dimau o wyddonwyr a busnesau newydd, busnesau sydd wedi'u hen sefydlu a phobl sy'n newydd i'r maes. Byddant i gyd yn gweithio mewn partneriaeth â phrifysgolion a cholegau a'r bwrdd iechyd i wella bywyd.
Bydd canolfan darpariaeth glinigol ac ymchwil yn galluogi Bwrdd Iechyd Prifysgol Hywel Dda i ehangu ei ddarpariaeth ymchwil a pheirianneg feddygol drwy ganolbwyntio ar dreialon clinigol ar lefel gymunedol, sy'n gysylltiedig â chyfleusterau ar y safle; ac yn darparu gofal amlddisgyblaethol yn nes at adref ar gyfer ystod eang o wasanaethau sy'n canolbwyntio ar y gymuned.
Bydd canolfan addysg a hyfforddiant yn canolbwyntio ar hyfforddiant iechyd a gofal, gyda chyrsiau'n amrywio o lefel mynediad i ôl-raddedig, gan roi myfyrwyr mewn lleoliad clinigol a chanolbwyntio ar feysydd lle mae prinder sgiliau.
Parth 2
Datblygiad tai cymdeithasol a fforddiadwy
Bydd datblygiad cyffrous o 35 o dai cymdeithasol a fforddiadwy yn cael ei ddatblygu ym mharth 2 y prosiect. Bydd y tai hyn yng ngogledd-ddwyrain Pentre Awel.
Llety byw â chymorth
Bydd cyfleusterau byw â chymorth yn cynnwys amrywiaeth o opsiynau tai ar gyfer preswylwyr o bob oed y mae angen cymorth ychwanegol arnynt. Nod y llety hwn yw cefnogi annibyniaeth drwy ddefnyddio'r technolegau byw â chymorth diweddaraf gan gwmnïau ymchwil a datblygu arbenigol ar y safle.
Bydd cyfleusterau gofal integredig ac adsefydlu corfforol yn galluogi'r gwaith o brofi a threialu technolegau gwyddor bywyd sydd â'r nod o wella byw'n annibynnol a byw â chymorth.
Parth 3
Pentref byw â chymorth
Bydd oddeutu 144 o fflatiau a thai byw â chymorth i'w gwerthu a'u rhentu yn cael eu creu i hyrwyddo byw'n annibynnol ymhlith preswylwyr.
Gofod ehangu busnes
Bydd hyd at 10,000m² o ofod ehangu busnes yn cael ei ddarparu ar gyfer sgilgynhyrchu.
Parth 4
Gwesty
Bydd gwesty ar hyd arfordir trawiadol yn darparu llety gyda hyd at 140 o ystafelloedd gwely yn ogystal ag amrywiaeth o gyfleusterau i hyrwyddo llesiant ymwelwyr. Cynhaliwyd Ymgynghoriad Cyn Ymgeisio yn gynharach eleni, gyda'r bwriad o gyflwyno cais cynllunio amlinellol.
Datblygiad tai
Bydd datblygiad tai marchnad agored 35 uned i'r de o'r datblygiad gyda golygfeydd trawiadol o'r arfordir.
Bydd y cyfan o fewn y dirwedd naturiol, o amgylch llyn dŵr croyw ac o fewn pellter cerdded i Barc Arfordirol y Mileniwm. Bydd Pentre Awel yn cynnwys mannau cyhoeddus awyr agored wedi'u tirlunio ar gyfer hamdden, gyda llwybrau cerdded a beicio a golygfeydd arfordirol trawiadol.
Cynllunio
Sicrhawyd caniatâd cynllunio amlinellol ar gyfer y safle ym mis Awst 2019 (Cyfeirnod Cynllunio: S/36948). Cynhaliwyd amrywiaeth o arolygon ac asesiadau amgylcheddol i gefnogi'r cais cynllunio ac maent ar gael ar y porth cynllunio. Cymeradwywyd cynllunio ar gyfer materion a gadwyd yn ôl gan gynnwys mynediad, ymddangosiad, tirlunio, cynllun a graddfa ar gyfer Parth Un ym mis Mehefin 2022.
Dylunio, pensaernïaeth a chynaliadwyedd
Mae gwaith dylunio manwl wedi'i wneud ar Barth 1, a fydd yn dwyn ynghyd addysg, busnes, ymchwil, hamdden ac iechyd mewn un adeilad. Bydd y cyfleusterau hyn yn cael eu huno mewn cynllun 'stryd', a gysylltir gan atriwm canolog a fydd yn cynnwys derbynfa, caffi ac amwynderau cyhoeddus eraill. Y stryd fydd calon gymunedol y pentref a bydd ganddi lawer o fannau arddangos tuag at mannau bach a fydd yn galluogi pobl i fwynhau'r golygfeydd gwych o'r llyn ac i'r gorllewin tuag at aber Afon Llwchwr a Bae Caerfyrddin.
Mae'r dyluniadau'n arddangos uchelgais y Cyngor i greu datblygiad sy'n cael ei arwain gan y dirwedd, sy'n gysylltiedig â chymunedau ac amwynderau lleol ac sy'n gynaliadwy. Bydd cyfleusterau Parth 1 yn gwneud y defnydd gorau posibl o olau dydd ac awyru naturiol lle bo hynny'n bosibl, ac yn 'dod â'r tu allan i mewn' i hyrwyddo llesiant corfforol a meddyliol da. Yn ogystal, mae toeau gwyrdd/brown a phaneli ffotofoltäig yn rhan bwysig o strategaeth ynni ar draws y safle ac yn adlewyrchu dyheadau'r Cyngor mewn perthynas â charbon sero-net.
Dull partneriaeth
Mae Pentre Awel yn cael ei ddarparu gan Gyngor Sir Caerfyrddin mewn partneriaeth â Bwrdd Iechyd Prifysgol Hywel Dda, Prifysgolion a Cholegau gan gynnwys Prifysgol Caerdydd, Coleg Sir Gâr, Prifysgol Cymru y Drindod Dewi Sant a Phrifysgol Abertawe.
Mae'n cael ei ariannu'n rhannol gan Fargen Ddinesig Bae Abertawe (£40 miliwn).
Contractwr wedi’i benodi ar gyfer Parth Un
Rydym wedi penodi Bouygues UK i ddylunio ac adeiladu Parth Un yn dilyn proses dendro helaeth drwy gyfrwng Fframwaith Contractwyr Rhanbarthol De-orllewin Cymru.
Mae'r contract yn rhoi ffocws allweddol ar werth cymdeithasol i sicrhau y bydd pobl leol a busnesau yn elwa ar y manteision o'r cynllun uchelgeisiol. Bydd hyn yn golygu cyfleoedd cyflogaeth a hyfforddiant i bobl leol, gan gynnwys swyddi ar gyfer pobl sy'n dechrau ar eu gyrfaoedd, prentisiaethau, lleoliadau gwaith a chymorth cyflogaeth ehangach. Bydd cymorth hefyd yn cael ei dargedu ar gefnogi'r rheiny sy'n ddi-waith yn y tymor hir neu heb fod yn weithgar yn economaidd, a mentrau wedi'u teilwra mewn cymunedau ac ysgolion lleol i ysbrydoli pobl i anelu am yrfaoedd perthnasol.
Mae Bouygues UK yn arweinydd byd-eang gyda phortffolio helaeth o gynlluniau gwerth miliynau o bunnau lle mae arloesedd wedi cael ei ddefnyddio ar gyfer ystod o ddatblygiadau o'r radd flaenaf ym maes gofal iechyd ac addysg, a datblygiadau masnachol a phreswyl, gan gynnwys Campws Arloesedd Caerdydd gwerth £120miliwn a gwblhawyd yn ddiweddar.
Ymgymerir â gwaith dylunio pellach ynghyd â pharatoi a chyflwyno gwybodaeth gynllunio fanwl a gwaith paratoi ar y safle.
Gwaith ar y safle ar y gweill
Mae gwaith clirio a gwaith ymchwilio tir wedi dechrau ar safle Llynnoedd Delta i helpu i ddatblygu gwaith dylunio manwl ac i ganiatáu i'r prif waith adeiladu ddechrau ar Barth Un yn ddiweddarach eleni.
Bydd coed aeddfed a llwyni yn cael eu gwaredu, a bydd unrhyw blanhigion goresgynnol yn cael eu chwistrellu gyda thriniaeth chwynladdwyr addas.
Bydd yr holl waith clirio yn cael ei wneud o dan friff gwylio ecolegydd oherwydd y tymor nythu adar sydd ar fin ddechrau.
Bydd gwaith ymchwilio ar y safle yn cael ei wneud yn bennaf i'r de o'r llyn a bydd yn cynnwys tyllau turio a phyllau arbrofol.
Ar ôl i'r gwaith gael ei gwblhau, bydd ffensys atal ymlusgiaid yn cael eu codi, a bydd unrhyw ymlusgiaid yn cael eu hadleoli.
Bydd arolygon ystlumod, dyfrgwn a llygod dŵr pellach yn cael eu cynnal wrth ymyl wal y doc er mwyn clirio ail gam y llystyfiant wrth aros am ganlyniadau'r arolwg.
Bydd y gwaith hwn yn sicrhau bod y safle'n cael ei glirio o unrhyw ymlusgiaid a llystyfiant o fewn ôl troed yr adeilad yn barod i'r prif waith contract ddechrau.
I gael rhagor o wybodaeth, cysylltwch â:
Nina Williams, Ymgynghorydd Gwerth Cymdeithasol
E-bost: nina.williams@bouygues-uk.com
Neges Destun/Ffôn: 07503468780
Contractwr wedi’i benodi ar gyfer Parth Un
Rydym wedi penodi Bouygues UK i ddylunio ac adeiladu Parth Un yn dilyn proses dendro helaeth drwy gyfrwng Fframwaith Contractwyr Rhanbarthol De-orllewin Cymru.
Mae'r contract yn rhoi ffocws allweddol ar werth cymdeithasol i sicrhau y bydd pobl leol a busnesau yn elwa ar y manteision o'r cynllun uchelgeisiol. Bydd hyn yn golygu cyfleoedd cyflogaeth a hyfforddiant i bobl leol, gan gynnwys swyddi ar gyfer pobl sy'n dechrau ar eu gyrfaoedd, prentisiaethau, lleoliadau gwaith a chymorth cyflogaeth ehangach. Bydd cymorth hefyd yn cael ei dargedu ar gefnogi'r rheiny sy'n ddi-waith yn y tymor hir neu heb fod yn weithgar yn economaidd, a mentrau wedi'u teilwra mewn cymunedau ac ysgolion lleol i ysbrydoli pobl i anelu am yrfaoedd perthnasol.
Mae Bouygues UK yn arweinydd byd-eang gyda phortffolio helaeth o gynlluniau gwerth miliynau o bunnau lle mae arloesedd wedi cael ei ddefnyddio ar gyfer ystod o ddatblygiadau o'r radd flaenaf ym maes gofal iechyd ac addysg, a datblygiadau masnachol a phreswyl, gan gynnwys Campws Arloesedd Caerdydd gwerth £120miliwn a gwblhawyd yn ddiweddar.
Ymgymerir â gwaith dylunio pellach ynghyd â pharatoi a chyflwyno gwybodaeth gynllunio fanwl a gwaith paratoi ar y safle.
Gwaith ar y safle ar y gweill
Mae gwaith clirio a gwaith ymchwilio tir wedi dechrau ar safle Llynnoedd Delta i helpu i ddatblygu gwaith dylunio manwl ac i ganiatáu i'r prif waith adeiladu ddechrau ar Barth Un yn ddiweddarach eleni.
Bydd coed aeddfed a llwyni yn cael eu gwaredu, a bydd unrhyw blanhigion goresgynnol yn cael eu chwistrellu gyda thriniaeth chwynladdwyr addas.
Bydd yr holl waith clirio yn cael ei wneud o dan friff gwylio ecolegydd oherwydd y tymor nythu adar sydd ar fin ddechrau.
Bydd gwaith ymchwilio ar y safle yn cael ei wneud yn bennaf i'r de o'r llyn a bydd yn cynnwys tyllau turio a phyllau arbrofol.
Ar ôl i'r gwaith gael ei gwblhau, bydd ffensys atal ymlusgiaid yn cael eu codi, a bydd unrhyw ymlusgiaid yn cael eu hadleoli.
Bydd arolygon ystlumod, dyfrgwn a llygod dŵr pellach yn cael eu cynnal wrth ymyl wal y doc er mwyn clirio ail gam y llystyfiant wrth aros am ganlyniadau'r arolwg.
Bydd y gwaith hwn yn sicrhau bod y safle'n cael ei glirio o unrhyw ymlusgiaid a llystyfiant o fewn ôl troed yr adeilad yn barod i'r prif waith contract ddechrau.
I gael rhagor o wybodaeth, cysylltwch â:
Nina Williams, Ymgynghorydd Gwerth Cymdeithasol
E-bost: nina.williams@bouygues-uk.com
Neges Destun/Ffôn: 07503468780
