Rôl y rhieni

Mae gan rieni rôl bwysig i'w chwarae wrth gefnogi polisi'r ysgol ar wahardd y defnydd o ffonau symudol. Rydym yn eich annog i atgyfnerthu a thrafod y polisi gartref fel y bo'n briodol, gan gynnwys y peryglon sy'n gysylltiedig â defnyddio ffôn symudol a manteision amgylchedd heb ffôn symudol. 

Mae eich cefnogaeth yn hanfodol i lwyddiant y polisi hwn.

Gofynnwn yn garedig i chi:

• Beidio â chysylltu'n uniongyrchol â'ch plentyn yn ystod oriau ysgol. Ffoniwch swyddfa'r ysgol os oes angen.
• Siarad â'ch plentyn am bwysigrwydd defnyddio'r ffôn yn ddiogel ac yn barchus.
• Annog arferion digidol da gartref, fel treulio amser fel teulu heb fod ar sgrin.

Mae nifer o astudiaethau yn dangos cysylltiad rhwng treulio gormod o amser ar sgrin a: 

• Gorbryder a chwsg gwael
• Dirywiad mewn perfformiad academaidd
• Oedi mewn datblygiad cymdeithasol ac emosiynol

Mae'r polisi hwn wedi'i fwriadu i fynd i'r afael â'r pryderon hynny a chefnogi iechyd, diogelwch a llwyddiant pob disgybl. 

Beth sydd ddim yn cael ei ganiatáu? 

Blynyddoedd 7–11:

• Rhaid diffodd ffonau a'u rhoi o'r golwg, o'r adeg pan fyddant yn cyrraedd tan amser mynd adref.
• Dim defnyddio ffonau yn ystod amser egwyl, amser cinio, nac mewn unrhyw wers, gan gynnwys addysg gorfforol ac arholiadau.
• Caiff clustffonau a dyfeisiau Bluetooth eu gwahardd hefyd.
• Ni chaiff disgyblion ddefnyddio ffonau i gysylltu â rhieni yn ystod y dydd.

Watshys Clyfar (Smartwatches):

• Ni chaniateir dyfeisiau gyda 4G neu gamerâu ar safle'r ysgol.
• Rhaid datgysylltu Bluetooth ar ddyfeisiau olrhain ffitrwydd cyn mynd i mewn i'r ysgol.

Blynyddoedd 12–13:

• Cânt ddefnyddio ffonau yn ardal y Chweched Dosbarth yn unig.
• Ym mhob ardal arall mae'r un rheolau'n berthnasol ag ar gyfer yr ysgol iau.