Gwneud cais am le rhan-amser mewn meithrinfa (3 oed)

Os ydych wedi colli'r dyddiad cau ar gyfer cyflwyno cais, gallwch wneud cais hwyr o hyd, ond bydd ceisiadau ar ôl y dyddiad cyflwyno llythyron cynnig llefydd yn cael eu prosesu bob mis. Gall gwneud cais yn hwyr effeithio ar eich siawns o gael lle.

Gwnewch gais ar-lein am le rhan-amser mewn ysgol neu gwnewch gais yn uniongyrchol i'r lleoliad nas cynhelir. 

*  Rhaid i unrhyw un â chyfrifoldeb rhiant gytuno â’r cais hwn cyn ichi ei gyflwyno.
** Os nad oes gennych gyfeiriad e-bost, ni allwch wneud cais. Ewch i'ch ysgol leol a bydd y staff yn eich cynorthwyo â'ch cais ar-lein.

Ar ôl inni gael eich cais, byddwch yn cael cydnabyddiaeth o hynny drwy neges e-bost gyda rhif cyfeirnod unigryw ar gyfer eich cais a chopi .pdf o'ch cais. Anfonir yr holl ohebiaeth ynglŷn â'ch cais drwy e-bost. Os oedd eich cais ar amser, byddwch yn cael gwybod ym mis Hydref y flwyddyn flaenorol e.e. Mae'r tymor yn dechrau yn 2025 a byddwch yn cael gwybod ym mis Hydref 2024.

Os oedd eich cais yn hwyr mae gennych lai o siawns o gael lle ac ni allwn warantu y bydd eich plentyn yn cychwyn ar ddechrau’r tymor. Byddwn yn eich hysbysu cyn gynted â phosib ond mae’r broses ymgeisio yn cymryd hyd at wyth wythnos.

Os cynigir lle ichi, rhaid ichi gadarnhau eich bod yn derbyn y lle erbyn y dyddiad a nodir yn y neges e-bost/llythyr. Os na wnewch chi hynny efallai y caiff y lle ei gymryd oddi arnoch. Unwaith yr ydych wedi derbyn lle eich plentyn, rhaid ichi gysylltu â’r ysgol i gytuno ar ddyddiad cychwyn.

Os gwrthodir lle meithrin i'ch plentyn ym mhob un o’r ysgolion rydych wedi’u dewis, nid oes hawl i apelio a bydd angen ichi ein hysbysu yn ysgrifenedig os ydych yn dymuno i enw eich plentyn gael ei gadw ar restr aros tan 30 Medi ac, os daw lle ar gael, byddwn yn rhoi gwybod ichi. Gallwch wneud cais hwyr am ysgolion eraill neu leoliadau nas cynhelir sy'n cynnig Addysg Blynyddoedd Cynnar.