Gwneud cais am le rhan-amser mewn meithrinfa (3 oed)

Diweddarwyd y dudalen ar: 16/11/2022

Gwybodaeth bwysig: Mae'r dudalen hon ar gyfer ceisiadau am le rhan-amser mewn meithrinfa (3 oed) yn unig. I wneud cais am le rhan-amser mewn meithrinfa yn un o'n hysgolion 3-11, darllenwch y wybodaeth ganlynol cyn dechrau ar eich cais. I wneud cais am le amser llawn mewn ysgol gynradd (4 oed), ewch nôl a chlicio ar y dudalen 'Gwneud cais am le amser llawn mewn ysgol gynradd'.

Os ydych yn gwneud cais am le rhan-amser i'ch plentyn mewn meithrinfa yn un o'n hysgolion a hoffech iddo/iddi aros yn yr ysgol honno ar gyfer ei (h)addysg gynradd amser llawn, mae dal yn RHAID i chi gwblhau cais am le amser llawn mewn ysgol gynradd ar gyfer yr ysgol honno. Rhaid i chi gwblhau cais am le rhan-amser mewn meithrinfa A chais am le amser llawn mewn ysgol gynradd i sicrhau bod eich plentyn yn cael cynnig lle yn y feithrinfa a'r ysgol gynradd. Fodd bynnag, mae’n bwysig nodi nad yw’r ffaith fod eich plentyn yn cael ei dderbyn yn dair oed yn gwarantu y cynigir lle iddo/iddi yn yr ysgol pan fydd yn bedair oed.

Gallwch wneud cais i'ch plentyn fynychu meithrinfa o 3 oed (y tymor ar ôl eu trydydd pen-blwydd) yn rhan-amser, yn un o'n hysgolion 3-11 cofrestredig. Bydd eich plentyn yn mynychu'r ysgol yn y bore neu'r prynhawn am ddau dymor. Mae gan yr Awdurdod Lleol un ysgol feithrin yn Rhydaman ac mae 40 o'n hysgolion cynradd yn cynnig lleoedd meithrin rhan-amser ar gyfer plant 3 blwydd oed. I gael gwybod pa rai o'n hysgolion sy'n cynnig darpariaeth feithrin ran-amser i blant 3 oed, ewch i'r dudalen dod o hyd i ysgol.

Dim ond ar ôl i chi wneud cais a chael cadarnhad gennym fod eich plentyn wedi'i dderbyn y gall eich plentyn ddechrau yn yr ysgol.

Mae'n well gan rai rhieni anfon eu plentyn i feithrinfa ddydd breifat. Os byddwch yn anfon eich plentyn i feithrinfa ddydd breifat gofrestredig rydych yn gymwys i gael 10 awr o addysg feithrin am ddim. Rydym yn argymell eich bod yn siarad ag ysgolion a meithrinfeydd preifat i nodi pa ddarpariaeth sydd orau i chi a'ch plentyn.

Pryd i wneud cais

Darpariaeth	Ganwyd rhwng	Dyddiad dechrau'r ysgol	Dyddiad cau ar gyfer cyflwyno caes	Dyddiad hysbysu
Addysg feithrin ran-amser (3 oed)	1 Medi 2019 i 31 Awst 2020	Ionawr, Ebrill, Medi 2023	31 Gorffenaf 2022	Hydref 2022

Ceisiadau Hwyr

Os ydych wedi methu'r dyddiad cau, gallwch wneud cais hwyr o hyd, ond gall effeithio ar eich siawns o gael lle.

Darpariaeth	Ganwyd rhwng	Dyddiad dechrau'r ysgol	Dyddiad cau ar gyfer cyflwyno cais	Dyddiad hysbysu
Addysg feithrin ran-amser (3 oed)	1 Medi 2018 to 31 Awst 2019	Ionawr, Ebrill, Medi 2022	31 Gorffenaf 2021	Hydref 2021

Sut mae gwneud cais

Dim ond ceisiadau ar gyfer ysgolion Sir Gaerfyrddin rydyn ni’n eu derbyn a dim ond ar-lein y gallwch wneud cais. Bydd angen i chi ddarparu'r wybodaeth ganlynol:

Enw a chyfeiriad y rhiant/gwarcheidwad *
E-bost y rhiant/gwarcheidwad **
Enw’r plentyn, ei gyfeiriad a’i ddyddiad geni
Eich dewis ysgol – gallwch ddewis hyd at dair ysgol, mewn trefn blaenoriaeth

* Rhaid i unrhyw un â chyfrifoldeb rhiant gytuno â’r cais hwn cyn ichi ei gyflwyno.
** Os nad oes gennych gyfeiriad e-bost ni allwch wneud cais ar-lein. Ewch i’ch ysgol leol a byddan nhw’n eich helpu gyda’ch cais.

Beth sy’n digwydd nesaf?

Byddwch yn cael cydnabyddiaeth drwy e-bost gyda chopi .pdf o’ch cais. Bydd unrhyw ohebiaeth am eich cais yn cael ei hanfon drwy e-bost neu trwy lythyr. Os oedd eich cais o fewn y terfyn amser cewch eich hysbysu ym mis Hydref y flwyddyn cyn i’ch plentyn gychwyn e.e. Tymor yn cychwyn yn 2022 cewch eich hysbysu ym mis Hydref 2021.

Os oedd eich cais yn hwyr mae gennych lai o siawns o gael lle ac ni allwn warantu y bydd eich plentyn yn cychwyn ar ddechrau’r tymor. Byddwn yn eich hysbysu cyn gynted â phosib ond mae’r broses ymgeisio yn cymryd hyd at wyth wythnos.

Os cynigir lle ichi rhaid ichi gadarnhau eich bod yn derbyn y lle a gynigiwyd o fewn 14 diwrnod. Os na wnewch chi hynny efallai y caiff y lle ei gymryd oddi arnoch. Unwaith yr ydych wedi derbyn lle eich plentyn, rhaid ichi gysylltu â’r ysgol i gytuno ar ddyddiad cychwyn.

Os gwrthodir lle meithrin i'ch plentyn ym mhob un o’r ysgolion rydych wedi’u dewis, nid oes hawl i apelio ac mi fydd yn rhaid i chi ein hysbysu yn ysgrifenedig os ydych am i enw'ch plentyn gael ei gadw ar restr aros tan 30 Medi ac, os daw lle ar gael, byddwn yn rhoi gwybod i chi. Gallwch wneud cais hwyr am ysgolion eraill.

Gwneud cais am le rhan-amser mewn meithrinfa (3 oed)

Addysg ac Ysgolion

Addewid Hawliau Plant

Mwy ynghylch Addysg ac Ysgolion

Gwneud cais am le rhan-amser mewn meithrinfa (3 oed)

Darpariaeth

Ganwyd rhwng

Dyddiad dechrau'r ysgol

Dyddiad cau ar gyfer cyflwyno caes

Dyddiad hysbysu

Addysg feithrin ran-amser (3 oed)

1 Medi 2019 i 31 Awst 2020

Ionawr, Ebrill, Medi 2023

31 Gorffenaf 2022

Hydref 2022

Darpariaeth

Ganwyd rhwng

Dyddiad dechrau'r ysgol

Dyddiad cau ar gyfer cyflwyno cais

Dyddiad hysbysu

Addysg feithrin ran-amser (3 oed)

1 Medi 2018 to 31 Awst 2019

Ionawr, Ebrill, Medi 2022

31 Gorffenaf 2021

Hydref 2021

Gwasanaeth Gwybodaeth i Deuluoedd Sir Gaerfyrddin

Cysylltwch â ni