Gwneud cais am le rhan-amser mewn meithrinfa (3 oed)

Diweddarwyd y dudalen ar: 23/04/2024

Mynediad i Addysg Rhan-amser 3 oed

Mae gan blant hawl i dderbyn hyd at 10/12.5 awr o addysg yng Nghymru gan ddechrau'r tymor ar ôl pen-blwydd y plentyn yn 3 oed. Gellir cael mynediad at oriau addysg mewn lleoliadau gofal plant cymeradwy neu o fewn ysgolion 3-11 oed.

Mae lleoliadau addysg cymeradwy yn cynnig hyd at 10 awr o addysg mewn lleoliadau cymeradwy, er enghraifft:

Cylch Meithrin
Meithrinfeydd Dydd Preifat Cofrestredig

Addysg - Gwasanaeth Gwybodaeth i Deuluoedd Sir Gaerfyrddin (llyw.cymru)

Mae 42 o'r 94 o ysgolion cynradd Sir Gaerfyrddin (3-11 oed yn unig) naill ai'n cynnig 10 neu 12.5 awr o addysg ran-amser.

Yn ogystal ag oriau addysg rhan-amser, gall rhieni cymwys sy'n gweithio plant 3 i 4 oed fod â hawl i gael mynediad at hyd at 20 awr o ofal plant wedi'i ariannu drwy'r Cynnig Gofal Plant i Gymru.

Cynnig Gofal Plant i Gymru - Gwasanaeth Gwybodaeth i Deuluoedd Sir Gaerfyrddin (llyw.cymru)

Cysylltwch â'r Gwasanaeth Gwybodaeth i Deuluoedd am ragor o wybodaeth neu dilynwch y dolenni Addysg - Gwasanaeth Gwybodaeth i Deuluoedd Sir Gaerfyrddin (llyw.cymru). Cysylltwch â'ch ysgol leol a'ch darparwr gofal plant i gael rhagor o wybodaeth.

Gallwch wneud cais am le meithrin rhan-amser mewn ysgol 3-11 oed trwy'r dudalen hon yn unig. Ni fydd plant sy'n cael lle meithrin rhan-amser yn gallu parhau i addysg llawn amser a rhaid iddynt wneud cais ar wahân. Dyrannu neu bresenoldeb mewn lle rhan-amser mewn ysgol. Nid yw'n cael ei ystyried yn llawn amser.

Dim ond ar ôl i chi wneud cais a chael cadarnhad gennym ni fod eich plentyn wedi cael ei dderbyn, a all eich plentyn ddechrau yn yr ysgol.

Gwybodaeth bwysig: Plant a aned cyn 1 Medi 2021

Gall plant a aned cyn 1 Medi 2021 gael hyd at 2 dymor o addysg mewn ysgol 3-11 oed.

Plant a anwyd ar neu ar ôl 1 Medi 2021

Bydd gan blant a anwyd ar neu ar ôl 1 Medi 2021 hawl i hyd at 3 thymor o addysg ran-amser mewn ysgolion 3-11 oed o 1 Medi 2025, ac sy'n gymwys i ddechrau ysgol llawn amser yn y tymor yn dilyn eu pen-blwydd yn 4 oed – rhaid gwneud cais ar wahân ar gyfer lle ysgol llawn amser.

Am fwy o wybodaeth am y newid i ddyddiadau dechrau addysg llawn amser cliciwch yma! (dolen i dudalen amser llawn Cynradd)

Pryd i wneud cais

Gwybodaeth bwysig: Plant a aned cyn 1 Medi 2021

Gall plant a aned cyn 1 Medi 2021 gael hyd at 2 dymor o addysg mewn ysgol 3-11 oed.

Plant a anwyd ar neu ar ôl 1 Medi 2021

Am fwy o wybodaeth am y newid i ddyddiadau dechrau addysg llawn amser cliciwch yma! (dolen i dudalen amser llawn Cynradd)

Ceisiadau Hwyr

Os ydych wedi methu'r dyddiad cau, gallwch wneud cais hwyr o hyd, ond gall effeithio ar eich siawns o gael lle.

Darpariaeth	Ganwyd rhwng	Dyddiad dechrau'r ysgol	Dyddiad cau ar gyfer cyflwyno cais	Dyddiad hysbysu
Addysg feithrin ran-amser (3 oed)	1 Medi 2020 to 31 Awst 2021	Ionawr, Ebrill, Medi 2024	31 Gorffenaf 2023	Hydref 2023

Sut mae gwneud cais

Dim ond ceisiadau ar gyfer ysgolion Sir Gaerfyrddin rydyn ni’n eu derbyn a dim ond ar-lein y gallwch wneud cais. Bydd angen i chi ddarparu'r wybodaeth ganlynol:

Enw a chyfeiriad y rhiant/gwarcheidwad *
E-bost y rhiant/gwarcheidwad **
Enw’r plentyn, ei gyfeiriad a’i ddyddiad geni
Eich dewis ysgol – gallwch ddewis hyd at dair ysgol, mewn trefn blaenoriaeth

* Rhaid i unrhyw un â chyfrifoldeb rhiant gytuno â’r cais hwn cyn ichi ei gyflwyno.
** Os nad oes gennych gyfeiriad e-bost ni allwch wneud cais ar-lein. Ewch i’ch ysgol leol a byddan nhw’n eich helpu gyda’ch cais.

Beth sy’n digwydd nesaf?

Byddwch yn cael cydnabyddiaeth drwy e-bost gyda chopi .pdf o’ch cais. Bydd unrhyw ohebiaeth am eich cais yn cael ei hanfon drwy e-bost neu trwy lythyr. Os oedd eich cais o fewn y terfyn amser cewch eich hysbysu ym mis Hydref y flwyddyn cyn i’ch plentyn gychwyn e.e. Tymor yn cychwyn yn 2024 cewch eich hysbysu ym mis Hydref 2023.

Os oedd eich cais yn hwyr mae gennych lai o siawns o gael lle ac ni allwn warantu y bydd eich plentyn yn cychwyn ar ddechrau’r tymor. Byddwn yn eich hysbysu cyn gynted â phosib ond mae’r broses ymgeisio yn cymryd hyd at wyth wythnos.

Os cynigir lle ichi rhaid ichi gadarnhau eich bod yn derbyn y lle a gynigiwyd o fewn 14 diwrnod. Os na wnewch chi hynny efallai y caiff y lle ei gymryd oddi arnoch. Unwaith yr ydych wedi derbyn lle eich plentyn, rhaid ichi gysylltu â’r ysgol i gytuno ar ddyddiad cychwyn.

Os gwrthodir lle meithrin i'ch plentyn ym mhob un o’r ysgolion rydych wedi’u dewis, nid oes hawl i apelio ac mi fydd yn rhaid i chi ein hysbysu yn ysgrifenedig os ydych am i enw'ch plentyn gael ei gadw ar restr aros tan 30 Medi ac, os daw lle ar gael, byddwn yn rhoi gwybod i chi. Gallwch wneud cais hwyr am ysgolion eraill.

Gwneud cais am le rhan-amser mewn meithrinfa (3 oed)