Pob dydd mae 8 miliwn o ddarnau unigol o blastig yn mynd i gefnforoedd y byd. Mae'r rhan fwyaf o'r sbwriel ar y traethau yn y DU y mae modd ei olrhain yn dod wrth y cyhoedd. Yn Sir Gaerfyrddin rydym wedi ymrwymo i gadw ein traethau'n lân a diogelu'r amgylchedd morol.
Mwy ynghylch Ailgylchu, Biniau a Sbwriel
Rydym yn ffodus i gael sawl traeth hardd, ond gall sbwriel fod yn beryglus, boed yn farbeciw twym ar y tywod neu'n ddeunydd pacio plastig y gallai nofwyr fynd yn sownd ynddo.
Dim ond 15% o sbwriel y moroedd yw'r sbwriel a welwn ar ein traethau. Mae 15% arall yn nofio yn y dŵr ei hun ac mae cymaint â 70% yn gorwedd ar wely'r môr gan lygru'r moroedd.
Cymerwch ran mewn #2FunudTraethGlân ar draethau ledled Sir Gâr. Mae byrddau ar draethau Pentywyn, Llansteffan, Pen-bre a Doc y Gogledd. Gallwch ddod â hen fagiau plastig i’r mannau hyn i'w defnyddio mewn ymgyrch glanhau traethau yn y dyfodol.
Os cewch eich gweld yn gwneud #2FunudTraethGlân gallech ennill pecyn gwobrau di-blastig! Bydd staff y Cyngor yn monitro lleoliadau #2FunudTraethGlân drwy gydol yr haf.
