Hysbysiadau Cyhoeddus

Gorchymyn Sir Gaerfyrddin (Ac Eithrio Caerfyrddin, Llanelli A Rhydaman) (Cyfyngu Arbrofol Ar Aros A Mannau Parcio Ar Y Stryd) 2025

Cyfeirnod y Ffeil: HMD/HTTR-1916

HYSBYSIR trwy hyn fod Cyngor Sir Caerfyrddin (y cyfeirir ato o hyn ymlaen fel "y Cyngor"), ar yr 16eg o Fehefin 2025, wedi gwneud Gorchymyn o dan Adrannau 9 a 10 o, a pharagraff 27 o Atodlen 9 i, Ddeddf Rheoleiddio Traffig Ffyrdd 1984 (fel y'i diwygiwyd).

Effaith y Gorchymyn hwn yw:

1. Addasu ‘Gorchymyn Cydgrynhoi Sir Gaerfyrddin (Sir Gaerfyrddin ac eithrio Caerfyrddin, Llanelli a Rhydaman) (Cyfyngu ar Aros a Mannau Parcio ar y Stryd) 2004’ (“y Gorchymyn Cydgrynhoi”), sy’n darparu ar gyfer cymryd camau gorfodi sifil mewn perthynas â thorri’r gwaharddiadau a'r cyfyngiadau ar aros, drwy osod y cynlluniau rhif cyfatebol sydd ynghlwm wrth y Gorchymyn Arbrofol uchod yn lle'r cynlluniau sydd ynghlwm wrth y Gorchymyn Cydgrynhoi sy'n dynodi Ardaloedd BE175, BJ108, BU213, BU214, BW121, CH215, CI215, CM210, CM211, CN211, CP218, CV209, CW209 ac EK79, a'r cynlluniau hynny fydd drechaf yn ystod cyfnod y Gorchymyn Arbrofol.

Canlyniad yr addasiad yw:

(a) Gwahardd aros ar unrhyw adeg ar yr ochrau ffyrdd a/neu'r darnau ffyrdd a ddisgrifir yn fyr yng ngholofn 2 o Atodlen 1 i'r Hysbysiad hwn ond yn fwy penodol, ar y cynlluniau sy'n cynnwys y rhifau cyfeirnod unigryw a bennir yng ngholofn 3 o'r Atodlen ddywededig ar gyfer pob ardal a ddisgrifir yng ngholofn 1, y dylid darllen y cynlluniau dywededig ar y cyd â'r Gorchymyn ac sy'n ffurfio rhan o'r un peth;

(b) Gwahardd aros, llwytho a dadlwytho ar unrhyw adeg ar yr ochrau ffyrdd a ddisgrifir yn fyr yng ngholofn 2 o Atodlen 2 i'r Hysbysiad hwn ond yn fwy penodol, ar y cynlluniau sy'n cynnwys y rhifau cyfeirnod unigryw a bennir yng ngholofn 3 o'r Atodlen ddywededig ar gyfer yr ardal a ddisgrifir yng
ngholofn 1, y dylid darllen y cynlluniau dywededig ar y cyd â'r Gorchymyn ac sy'n ffurfio rhan o'r un peth;

(c) Gwahardd aros, llwytho a dadlwytho o ddydd Llun i ddydd Gwener rhwng 8.00am a 4.00pm ar yr ochr ffordd a ddisgrifir yn fyr yng ngholofn 2 o Atodlen 3 i'r Hysbysiad hwn ond yn fwy penodol, ar y cynllun sy'n cynnwys y rhif cyfeirnod unigryw a bennir yng ngholofn 3 o'r Atodlen ddywededig ar gyfer yr ardal a ddisgrifir yng ngholofn 1, y dylid darllen y cynllun dywededig ar y cyd â'r Gorchymyn ac sy'n ffurfio rhan o'r un peth; a

(d) Chyfyngu aros i hyd at 20 munud rhwng 8.00am a 8.00pm bob dydd, heb ddychwelyd cyn pen 20 munud, ar yr ochr ffordd a ddisgrifir yn fyr yng ngholofn 2 o Atodlen 4 i'r Hysbysiad hwn ond yn fwy penodol, ar y cynllun sy'n cynnwys y rhif cyfeirnod unigryw a bennir yng ngholofn 3 o'r Atodlen ddywededig ar gyfer yr ardal a ddisgrifir yng ngholofn 1, y dylid darllen y cynllun dywededig ar y cyd â'r Gorchymyn ac sy'n ffurfio rhan o'r un peth,

gan gymryd lle’r gwaharddiadau a’r cyfyngiadau presennol (os oes rhai) sydd yn effeithio ar y darnau a'r ochrau ffyrdd a ddangosir ar y cynlluniau sy'n cynnwys y rhifau cyfeirnod unigryw a bennir yng ngholofn 3 o bob un o'r Atodlenni y cyfeirir atynt uchod.

2. Dirymu:

(a) Y Gorchymyn Cydgrynhoi;

(b) Gorchymyn Cydgrynhoi Sir Gaerfyrddin (ac eithrio Caerfyrddin, Llanelli a Rhydaman) (Cyfyngu ar Aros a Mannau Parcio ar y Stryd) (Amrywiad Rhif 3) 2008;

(c) Gorchymyn Cydgrynhoi Sir Gaerfyrddin (Sir Gaerfyrddin ac eithrio Caerfyrddin, Llanelli a Rhydaman) (Cyfyngu ar Aros a Mannau Parcio ar y Stryd) (Amrywiad Rhif 12) 2012;

(d) Gorchymyn Cydgrynhoi Sir Gaerfyrddin (ac eithrio Caerfyrddin, Llanelli a Rhydaman) (Cyfyngu ar Aros a Mannau Parcio ar y Stryd) (Amrywiad Rhif 33) 2018;

(e) Gorchymyn Cydgrynhoi Sir Gaerfyrddin (ac eithrio Caerfyrddin, Llanelli a Rhydaman) (Cyfyngu ar Aros a Mannau Parcio ar y Stryd) (Amrywiad Rhif 38) 2021; a

(f) Gorchymyn Cydgrynhoi Sir Gaerfyrddin (ac eithrio Caerfyrddin, Llanelli a Rhydaman) (Cyfyngu ar Aros a Mannau Parcio ar y Stryd) (Amrywiad Rhif 41) 2024,

i'r graddau y maent yn ymwneud â'r cyfyngiadau a ddisgrifir yn fyr yn Atodlenni 5 a 6 i'r Hysbysiad hwn neu'n ymwneud â'r darnau neu'r ochrau ffyrdd y cyfeirir atynt yn fwy penodol yn Atodlenni 1 i 4 ac sy'n ddarostyngedig i'r darpariaethau a gynhwysir neu y cyfeirir atynt ym mharagraffau 1(a) i 1(d) uchod.

Bydd darpariaethau’r eithriadau arferol a gynhwysir yn y Gorchymyn Cydgrynhoi yn berthnasol i'r ffyrdd y cyfeirir atynt ym mharagraffau 1(a) i 1(d) uchod. Mae’r rhain yn cynnwys hawl teithwyr i esgyn i gerbyd neu ddisgyn ohono, llwytho a dadlwytho nwyddau, cyflawni gwaith adeiladu a gwaith arall, cyflawni dyletswyddau neu bwerau statudol a galluogi cerbyd i gael petrol, olew, dŵr neu aer o unrhyw garej sydd ger y cyfryw ddarnau o'r ffyrdd y mae'r Gorchymyn yn effeithio arnynt.

Yn ogystal, mae'r Gorchymyn yn cynnwys y consesiynau parcio arferol ar gyfer pobl anabl yn unol â'r Cynllun Bathodynnau Glas.

Bydd y Gorchymyn yn dod i rym ar y 27ain o Fehefin 2025 a gellir cael golwg ar y Gorchymyn ynghyd â'r cynlluniau sy'n dangos y darnau ffyrdd a/neu'r ochrau ffyrdd yr effeithir arnynt a datganiad o resymau'r Cyngor dros wneud Gorchymyn Arbrofol a'r gorchmynion sy'n cael eu dirymu, yn Hwb Gwasanaethau Cwsmeriaid Cyngor Sir Caerfyrddin yn:

▪ Uned 22 Rhodfa'r Santes Catrin, Caerfyrddin SA31 1GA,
▪ 41 Stryd y Cei, Rhydaman, SA18 3BS, a
▪ 36 Stryd Stepney, Llanelli SA15 3TR

yn ystod yr oriau swyddfa arferol.

Mae'r dogfennau hefyd:

▪ i'w gweld ar wefan y Cyngor drwy fynd i https://www.sirgar.llyw.cymru/ cartref/cyngor-a-democratiaeth/hysbysiadau-cyhoeddus  ;neu
▪ ar gael am ddim drwy ysgrifennu at Adain Rheoli Traffig y Cyngor yn Adeilad 2, Parc Myrddin, Waun Dew, Caerfyrddin, SA31 1HQ, neu drwy e-bostio ENTrafficManagement@sirgar.gov.uk .

Ar ôl cyfnod o chwe (6) mis, bydd y Cyngor yn ystyried a fydd darpariaethau'r Gorchymyn Arbrofol yn parhau mewn grym am gyfnod amhenodol ai peidio.

Os ydych am wrthwynebu gwneud Gorchymyn parhaol yn unol â thelerau'r Gorchymyn Arbrofol, gofynnir i chi gyflwyno eich rhesymau dros wrthwynebu yn ysgrifenedig i Steven Murphy, Pennaeth y Gyfraith, Llywodraethu a Gwasanaethau Sifil yn Neuadd y Sir, Caerfyrddin SA31 1JP erbyn yr 16eg o Ragfyr 2025.

Gall unrhyw un sy'n dymuno cwestiynu dilysrwydd y Gorchymyn hwn neu unrhyw ddarpariaeth a gynhwysir ynddo:

(a) am nad yw o fewn y pwerau a roddwyd gan y Ddeddf; neu
(b) am na chydymffurfiwyd ag unrhyw ofyniad yn y Ddeddf, neu unrhyw offeryn a wnaed oddi tani, mewn perthynas â'r Gorchymyn,
wneud cais i'r Uchel Lys at y diben hwn o fewn chwe (6) wythnos i'r dyddiad y gwnaed y Gorchymyn.

Lawrlwythiadau

Gorchymyn

Datganiad Rhesymau

Atodlen

Gorchmynion Blaenorol

Mapiau

Gwybodaeth Cyswllt

Llinell Uniongyrchol: 01267 224066

E-bost: HeMDavies@sirgar.gov.uk 

Wendy Walters, Prif Weithredwr, Neuadd y Sir, Caerfyrddin

• Math o hysbysiad: Parcio
• Lleoliad: Sir Gaerfyrddin