Hysbysiadau Cyhoeddus

Gorchymyn Cydgyfnerthu Sir Gaerfyrddin (Caerfyrddin) (Cyfyngu Ar Aros A Mannau Parcio Ar Y Stryd) (Amrywiad Rhif 23) 2025

HYSBYSIR drwy hyn fod Cyngor Sir Caerfyrddin, ar yr 28ain dydd o Ebrill 2025, 
wedi gwneud Gorchymyn o dan Adrannau 1(1), 2(1) i 2(3), 4(2), 32, 35 a 124 o 
Ddeddf Rheoleiddio Traffig Ffyrdd 1984 (fel y'i diwygiwyd) a pharagraff 27 o Atodlen 
9 iddi.

Effaith y Gorchymyn fydd:

1. Diwygio ‘Gorchymyn Cydgyfnerthu Sir Gaerfyrddin (Caerfyrddin) (Cyfyngiadau 
Aros a Mannau Parcio ar y Stryd) 2004’ ("y Gorchymyn Cydgyfnerthu"), sydd yn 
darparu ar gyfer cymryd camau gorfodi sifil mewn perthynas â thorri’r 
gwaharddiadau a'r cyfyngiadau ar aros, drwy ddisodli'r cynlluniau i ddynodi 
Ardaloedd BP136, BR136, BR137, BR138, BS136, BS137, BU132 a BU134 
atodwyd iddo, gyda chynlluniau â rhifau cyfatebol ynghlwm wrth y Gorchymyn a 
nodwyd uchod, a’r cynlluniau hyn fydd drechaf yn ystod cyfnod y Gorchymyn 
hwn.

Canlyniad y diwygio fydd:

(a) Gwahardd aros ar unrhyw adeg ar yr ochrau ffordd a/neu'r darnau ffordd a 
ddisgrifir yn fyr yng ngholofn 2 o Atodlen 1 i'r Hysbysiad hwn ond yn fwy 
penodol, ar y cynlluniau sy'n cynnwys y rhifau cyfeirnod unigryw a bennir yng 
ngholofn 3 o'r Atodlen ddywededig ar gyfer pob ardal a ddisgrifir yng ngholofn 
1, y dylid darllen y cynlluniau dywededig ar y cyd â'r Gorchymyn ac sy'n ffurfio 
rhan o'r un peth; 

(b) Cyfyngu ar yr amser aros i 30 munud, gan wahardd dychwelyd o fewn 30 
munud, o ddydd Llun i ddydd Sadwrn rhwng 9.00 a.m. a 6.00 p.m. ar ochrau'r 
ffordd a/neu'r darnau ffordd a ddisgrifir yn fyr yng ngholofn 2 o Atodlen 2 i'r 
Hysbysiad hwn ond yn fwy penodol, ar y cynllun sy'n cynnwys y rhif cyfeirnod 
unigryw a bennir yng ngholofn 3 o'r Atodlen ddywededig ar gyfer yr ardal a 
ddisgrifir yng ngholofn 1 ohoni, y dylid darllen y cynllun dywededig ar y cyd 
â'r Gorchymyn ac sy'n ffurfio rhan o'r un peth; a

(c) Gwahardd aros (ac eithrio ar gyfer Llwytho yn Unig) ar ddydd Llun i ddydd 
Sadwrn rhwng 8.00 a.m. a 6.00 p.m. ar ochr y ffordd a ddisgrifir yn fyr yng 
ngholofn 2 o Atodlen 3 i'r Hysbysiad hwn ond yn fwy penodol, a ddangosir ar 
y cynlluniau sydd â'r rhifau cyfeirnod unigryw a bennir yng ngholofn 3 o'r 
Atodlen ddywededig ar gyfer yr ardal a ddisgrifir yng ngholofn 1 ohoni, y dylid 
darllen y cynlluniau dywededig ar y cyd â'r Gorchymyn ac sy'n ffurfio rhan o'r 
un peth,

a bydd yn disodli'r gwaharddiadau a'r cyfyngiadau presennol (os oes rhai) sydd yn 
effeithio ar y rhannau o'r ffordd a ddangosir ar y cynlluniau sydd â'r rhif cyfeirnod 
unigryw a bennir yng ngholofn 3 o bob un o'r Atodlenni y cyfeirir atynt uchod.

2. Dirymu:
(a) Gorchymyn Cydgyfnerthu Sir Gaerfyrddin (Caerfyrddin) (Cyfyngu ar Aros a 
Mannau Parcio ar y Stryd) 2004; a
(b) Gorchymyn Cydgyfnerthu Sir Gaerfyrddin (Caerfyrddin) (Cyfyngu ar Aros a 
Mannau Parcio ar y Stryd) (Amrywiad Rhif 2) 2004,
i'r graddau y mae'r un peth yn ymwneud â'r cyfyngiadau a ddisgrifir yn fyr yn 
Atodlenni 4, 5, 6 a 7 i'r Hysbysiad hwn ac yn fwy penodol ar y cynlluniau sydd â'r 
rhifau cyfeirnod unigryw a bennir yng ngholofn 3 o'r Atodlenni dywededig.

Bydd darpariaethau’r eithriadau arferol sydd yn y Gorchymyn Cydgyfnerthu yn 
weithredol mewn perthynas â'r ffyrdd y cyfeirir atynt ym mharagraffau 1 (a), (b) a (c) 
uchod. Mae’r rhain yn cynnwys hawl teithwyr i esgyn i gerbyd neu ddisgyn ohono, 
llwytho a dadlwytho nwyddau, cyflawni gwaith adeiladu a gwaith arall, cyflawni 
dyletswyddau neu bwerau statudol a galluogi cerbyd i gael petrol, olew, dŵr neu aer 
o unrhyw garej sydd ger y cyfryw ddarnau o'r ffordd y mae'r cyfyngiad yn effeithio 
arnynt.

Yn ogystal, mae'r Gorchymyn Cydgyfnerthu yn cynnwys y consesiynau parcio arferol 
ar gyfer pobl anabl yn unol â'r Cynllun Bathodynnau Glas.

Bydd y Gorchymyn yn dod i rym ar y 9fed dydd o Fai 2025 a gall gais am gopi o’r 
Gorchymyn, ynghyd â chynlluniau yn nodi’r darnau ffyrdd yr effeithir arno, gael ei 
wneud drwy gysylltu ag Adran Priffyrdd Cyngor Sir Caerfyrddin yn ystod oriau 
swyddfa arferol.

Gall unrhyw un sy’n dymuno cwestiynu dilysrwydd y Gorchymyn hwn, neu unrhyw
ddarpariaeth a gynhwysir ynddo, ar y sail:
a) nad yw o fewn y pwerau a roddwyd gan y Ddeddf; neu
b) na chydymffurfiwyd ag unrhyw ofyniad yn y Ddeddf, neu unrhyw offeryn a wnaed oddi tani, mewn perthynas â’r Gorchymyn,

wneud cais i’r Uchel Lys at y diben hwn o fewn chwe (6) wythnos o’r dyddiad y gwnaed y Gorchymyn.

Lawrlwythiadau

Gorchymyn 2025

Gorchymyn 2004

Mapiau

Atodlen

BP136

BR136

BR137

BR138

BS136

BS137

BU134

Llinell Uniongyrcho: 01267 224066

E-bost: HeMDavies@sirgar.gov.uk

Wendy Walters, Prif Weithredwr, Neuadd y Sir, Caerfyrddin

• Math o hysbysiad: Parcio
• Lleoliad: Caerfyrddin