Hysbysiadau Cyhoeddus

Gorchymyn Sir Gaerfyrddin (Caerfyrddin) Ardal Barcio Arbenning (Mannau Parcio I Breswylwyr) (Amrywiad Rhif 7) 2025

Cyfeirnod y Ffeil: HMD/HTTR-1784

HYSBYSIR drwy hyn fod Cyngor Sir Caerfyddin, ar yr 28ain dydd o Ebrill 2025, 
wedi gwneud Gorchymyn dan Adrannau 45, 46, 49, 53 a 124 o, a Rhan IV o 
Atodlen 9 i, Ddeddf Rheoleiddio Traffig Ffyrdd 1984 (fel y’i diwygiwyd), Deddf Rheoli 
Traffig 2004 a’r holl bwerau galluogi eraill. 

Effaith y Gorchymyn fydd:

1. Addasu ‘Gorchymyn Sir Gaerfyrddin (Caerfyrddin) Ardal Barcio Arbennig 
(Mannau Parcio i Breswylwyr) 2004’ (“y Gorchymyn Cydgrynhoi”) trwy greu 
parthau parcio ychwanegol fel y nodir ar y cynlluniau sydd ynghlwm wrth y 
Gorchymyn, yn dynodi Ardaloedd BS136 a BS137 lle bydd mannau parcio i 
breswylwyr yn cael eu darparu rhwng 8.00 A.M. a 6.00 P.M. bob dydd ac 
eithrio dydd Sul, ar y ffordd a nodir ar y cynlluniau dywededig ac a ddisgrifir 
yn fwy penodol yn Atodlen 1 i’r Hysbysiad hwn.

Yn ystod y dyddiau a’r oriau dywededig, bydd y Gorchymyn yn gwahardd 
unrhyw barcio ar y ffordd ar wahân i gerbydau sy’n arddangos hawlen 
barcio ddilys a gyflwynwyd gan Gyngor Sir Caerfyrddin. Gall preswylwyr sy’n 
byw yn y parthau parcio wneud cais am hawlen.

Canlyniad yr addasiad yw cyfyngu’r aros i breswylwyr yn unig, Dydd Llun i 
Ddydd Sadwrn rhwng 8.00 A.M. a 6.00 P.M. ar y ffordd a ddisgrifir yn fyr 
yng ngholofn 2 o Atodlen 1 i’r Hysbysiad hwn ond yn fwy penodol, ar y 
cynlluniau sy’n cynnwys y rhifau cyfeirnod unigryw a bennir yng ngholofn 3 
o’r Atodlen ddywededig ar gyfer yr ardal a ddisgrifir yng ngholofn 1, y dylid 
darllen y cynlluniau dywededig ar y cyd â’r Gorchymyn ac sy’n ffurfio rhan 
o’r un peth.

2. Bydd y paragraff canlynol yn cael ei gyfnewid am baragraff (i) o Erthygl 8 o’r 
Gorchymyn Cyngrynhoi:

(i) Y tâl am roi hawlen barcio i breswylwyr gan y Cyngor, a fydd yn ddilys 
am ddeuddeg mis, fydd £40.00.

3. Bydd y paragraff canlynol yn cael ei gyfnewid am baragraff (ii) o Erthygl 8 o’r 
Gorchymyn Cydgrynhoi:

(ii) Codir tâl o £40.00 am roi hawlen barcio i ymwelwyr gan y Cyngor i 
breswylydd.

4. Bydd y paragraff canlynol yn cael ei gyfnewid am baragraff (iv) o Erthygl 8 o’r 
Gorchymyn Cydgrynhoi:

(iv) Am bob hawlen barcio newydd y bydd ei hangen yn lle hawlen a 
gollwyd, a dreuliwyd neu a ddifrodwyd, codir tâl o £40.00 ar 
breswylwyr a £50.00 ar fusnesau. Bydd y cyfryw hawlenni yn ddilys 
am ddeuddeg mis o’r dyddiad cyflwyno. Codir £40.00 am ddarparu 
hawlen newydd i ymwelwyr cyn pen deuddeg mis o’r dyddiad 
cyflwyno.

5. Dirymu ‘Gorchymyn Sir Gaerfyrddin (Caerfyrddin) Ardal Barcio Arbennig 
(Llefydd Parcio i Breswylwyr) (Amrywiad Rhif 2) 2011’ i’r graddau y mae’n 
ymwneud â’r ffordd a ddisgrifir yn fyr yng ngholofn 2 o Atodlen 2 i’r 
Hysbysiad hwn ond yn fwy penodol, ar y cynllun sy’n cynnwys y rhif 
cyfeirnod unigryw a bennir yng ngholofn 3 o’r Atodlen ddywededig ar gyfer yr 
ardal a ddisgrifir yng ngholofn 1, y dylid darllen y cynllun dywededig ar y 
cyd â’r Gorchymyn ac sy’n ffurfio rhan o’r un peth.

Dehonglir a bernir bod y parthau parcio a'r ffyrdd y cyfeirir atynt yn rhan o'r 
Gorchymyn Cydgrynhoi a byddant yn ddarostyngedig i'r telerau a'r amodau sydd 
ynddo, sy'n cynnwys esemptiadau i deithwyr esgyn i gerbyd neu ddisgyn ohono, 
ynghyd â llwytho a dadlwytho nwyddau, cyflawni gwaith adeiladu a gwaith arall, a 
chyflawni pwerau neu ddyletswyddau statudol. Hefyd, mae'n cynnwys esemptiadau 
ar gyfer cerbyd pobl anabl sy'n arddangos disg parcio yn y modd a ragnodir gan 
Reoliadau Gorchmynion Traffig Awdurdodau Lleol (Esemptiadau ar gyfer Personau Anabl) (Cymru) 2000, ac ar gyfer beiciau modur.

Bydd y Gorchymyn yn dod i rym ar y 9fed dydd o Fai 2025 a gall gais am gopi o’r 
Gorchymyn, ynghyd â chynlluniau yn nodi’r darnau ffyrdd yr effeithir arno, gael ei 
wneud drwy gysylltu ag Adran Priffyrdd Cyngor Sir Caerfyrddin yn ystod oriau 
swyddfa arferol.

Gall unrhyw un sy’n dymuno cwestiynu dilysrwydd y Gorchymyn hwn, neu unrhyw
ddarpariaeth a gynhwysir ynddo, ar y sail:
a) nad yw o fewn y pwerau a roddwyd gan y Ddeddf; neu
b) na chydymffurfiwyd ag unrhyw ofyniad yn y Ddeddf, neu unrhyw offeryn a 
wnaed oddi tani, mewn perthynas â’r Gorchymyn,
wneud cais i’r Uchel Lys at y diben hwn o fewn chwe (6) wythnos o’r dyddiad y
gwnaed y Gorchymyn.

Lawrlwythiadau

Atodlen

BR136

BS136

BS137

2025 Gorchymyn

2011 Gorchymyn

2004 Gorchymyn

2004 Map 1

2004 Map 2

2004 Map 3

2004 Map 4

Gwybodaeth Cyswllt

E-bost: HeMDavies@sirgar.gov.uk 

Llinell Uniongyrchol: 01267 224066

Wendy Walters, Prif Weithredwr, Neuadd y Sir, Caerfyrddin

• Math o hysbysiad: Parcio i breswylwyr
• Lleoliad: Caerfyrddin