Hysbysiadau Cyhoeddus

Cyfeirnod y Ffeil: HMD/HTTR-1990

HYSBYSIR drwy hyn fod Cyngor Sir Caerfyrddin (y cyfeirir ato fel “y Cyngor” o hyn ymlaen), ar y 23ain o Ragfyr 2025, wedi gwneud Gorchymyn Arbrofol o dan Adrannau 9 a 10 o Ddeddf Rheoleiddio Traffig Ffyrdd 1984 (fel y'i diwygiwyd) a Deddf Rheoli Traffig 2004.

Effaith y Gorchymyn fydd gwahardd unrhyw gerbyd rhag stopio neu aros yn llonydd rhwng 8.00 a.m. a 5.00 p.m. unrhyw ddydd heblaw dydd Sadwrn a dydd Sul ar hyd y darnau ac ochrau ffyrdd a ddisgrifir yn fyr yng ngholofn 2 o'r Atodlen i’r Hysbysiad hwn ac yn agos neu'n gyfagos i'r ysgolion a nodir yn yr un golofn, ond a ddangosir yn fwy penodol ar y cynlluniau sy’n dwyn y rhifau cyfeirnod unigryw a bennir yng ngholofn 3 o’r Atodlen ddywededig, ac y dylid eu darllen ar y cyd â’r Gorchymyn ac sy’n ffurfio rhan o’r un peth.

Bydd y Gorchymyn yn cynnwys eithriadau, er enghraifft caniatáu i gerbyd stopio neu aros yn llonydd os oes angen gwneud hynny er mwyn osgoi damwain, os yw'n ofynnol gwneud hynny yn ôl y gyfraith, ar gyfarwyddyd neu ganiatâd cwnstabl heddlu yn ei lifrai neu er mwyn cyflawni pwerau neu ddyletswyddau statudol.

Bydd y Gorchymyn Arbrofol yn dod i rym ar y 5ed o Ionawr 2026 a gellir cael golwg ar gopi o'r Gorchymyn sy'n cynnwys rhagor o fanylion am y cynnig, ynghyd â'r cynlluniau sy'n dangos y darnau ac ochrau ffyrdd yr effeithir arnynt, a datganiad o resymau'r Cyngor dros wneud y Gorchymyn, yn HWB Gwasanaethau Cwsmeriaid Cyngor Sir Caerfyrddin yn Uned 22, Rhodfa'r Santes Catrin, Caerfyrddin SA31 1GA yn ystod oriau swyddfa arferol.
Mae'r dogfennau hefyd ar gael am ddim drwy ysgrifennu at Adain Rheoli Traffig y Cyngor yn Adeilad 2, Parc Myrddin, Waun Dew, Caerfyrddin SA31 1HQ, neu drwy e-bostio ENTrafficManagement@sirgar.gov.uk.

Ar ôl cyfnod o chwe (6) mis, bydd y Cyngor yn ystyried a fydd darpariaethau'r Gorchymyn Arbrofol yn parhau mewn grym yn barhaol ai peidio.
Os ydych am wrthwynebu gwneud Gorchymyn parhaol yn unol â thelerau'r Gorchymyn Arbrofol, gofynnir i chi gyflwyno eich rhesymau dros wrthwynebu yn ysgrifenedig:

• drwy'r post - at Bennaeth y Gyfraith, Llywodraethu a Gwasanaethau Sifil, Neuadd y Sir, Caerfyrddin SA31 1JP; neu
• drwy e-bost - at HeMDavies@sirgar.gov.uk

erbyn y 5ed o Orffennaf 2026, gan nodi’r cyfeirnod ffeil isod. Rhaid i bob gwrthwynebiad neu sylw arall nodi ar ba sail y maent yn cael eu gwneud.
Gall unrhyw un sy'n dymuno cwestiynu dilysrwydd y Gorchymyn Arbrofol, neu unrhyw ddarpariaeth a gynhwysir ynddo:

1. am nad yw o fewn y pwerau a roddwyd gan y ddeddfwriaeth berthnasol; neu
2. am na chydymffurfiwyd ag unrhyw ofyniad y ddeddfwriaeth, neu unrhyw offeryn a wnaed oddi tani, mewn perthynas â'r Gorchymyn

wneud cais i'r Uchel Lys at y diben hwn o fewn chwe (6) wythnos i'r dyddiad y gwnaed y Gorchymyn.

DYDDIEDIG y 24ain o Ragfyr 2025.

Yr Atodlen

GWAHARDD STOPIO (Marciau 'Ysgol - Cadwch yn Glir') rhwng 8.00 a.m. a 5.00 p.m. ar unrhyw ddydd heblaw dydd Sadwrn a dydd Sul

Datganiad Rhesymau

Mae Cyngor Sir Caerfyrddin yn cyflwyno'r Gorchymyn Rheoleiddio Traffig Arbrofol hwn gyda'r bwriad o wneud y marciau ffyrdd argymhellol ‘Ysgol – Cadwch yn Glir’ sydd eisoes ar waith yn orfodol ac yn orfodadwy ar y ffyrdd canlynol ac yn agos at yr ysgolion canlynol:

Mae Cyngor Sir Caerfyrddin yn cyflwyno'r Gorchymyn Rheoleiddio Traffig Arbrofol hwn gyda'r bwriad o wneud y marciau ffyrdd argymhellol ‘Ysgol – Cadwch yn Glir’ sydd eisoes ar waith yn orfodol ac yn orfodadwy ar y ffyrdd canlynol ac yn agos at yr ysgolion canlynol:

• Lôn Penymorfa - Ysgol Gynradd Llangynnwr.
• Ffordd y Coleg - Ysgol Gynradd Eglwysig Model.
• Heol Llansteffan - Ysgol Uwchradd y Frenhines Elisabethac Ysgol Rhyd-y-gors.
• Heol Salem - Ysgol Gynradd Tre Ioan.
• Parc Waun Dew - Ysgol Gynradd Parc Waundew.

Bydd y trefniant arbrofol hwn yn caniatáu i Gyngor Sir Caerfyrddin asesu effeithiolrwydd y cyfyngiadau a galluogi gorfodaeth gyfreithiol am gyfnod o hyd at ddeunaw (18) mis.
Bydd y cyfyngiadau yn berthnasol rhwng 8.00 a.m. a 5.00 p.m. bob dydd heblaw dydd Sadwrn a dydd Sul.

Bwriad marciau 'Ysgol - Cadwch yn Glir' yw tynnu sylw at ardaloedd allweddol y dylid eu cadw'n glir o gerbydau er diogelwch plant ysgol.

Bydd y trefniant arbrofol hwn yn caniatáu i Gyngor Sir Caerfyrddin asesu effeithiolrwydd y cyfyngiadau a galluogi gorfodaeth gyfreithiol am gyfnod o hyd at ddeunaw (18) mis.
Bydd y cyfyngiadau yn berthnasol rhwng 8.00 a.m. a 5.00 p.m. bob dydd heblaw dydd Sadwrn a dydd Sul.

Bwriad marciau 'Ysgol - Cadwch yn Glir' yw tynnu sylw at ardaloedd allweddol y dylid eu cadw'n glir o gerbydau er diogelwch plant ysgol.

Lawrlwythiadau

Gorchymyn

Map

Wendy Walters, Prif Weithredwr, Neuadd y Sir, Caerfyrddin