Dysgu Oedolion

1. Y dibenion o ran defnyddio eich data personol

Bydd y wybodaeth rydym yn ei chasglu amdanoch yn cael ei defnyddio ar gyfer darparu cyrsiau llythrennedd, rhifedd, Saesneg ar gyfer siaradwyr ieithoedd eraill a chyrsiau Cymraeg ar gyfer oedolion ichi. Rydym hefyd yn defnyddio data personol er mwyn darparu cyrsiau dysgu cymunedol eraill.

Y sail gyfreithiol ar gyfer prosesu eich gwybodaeth yw er mwyn cydymffurfio â'n dyletswydd o dan Ddeddf Dysgu a Sgiliau 2000 i ddarparu cyfleusterau addysg addas i bobl dros 19 oed.

Y sail ar gyfer prosesu data personol (sensitif) categori arbennig amdanoch yw am resymau sydd o fudd sylweddol i'r cyhoedd, ar sail y ddeddfwriaeth y cyfeiriwyd ati uchod.

Os nad ydych yn rhoi'r wybodaeth sydd ei hangen arnom pan fyddwn yn gofyn amdani, ni fyddwn yn gallu cael y cyllid sydd ei angen arnom wrth Lywodraeth Cymru i ddarparu'r cyrsiau rydych yn dymuno eu hastudio ichi.

2. Pa fath o wybodaeth ydym yn ei defnyddio?

Rydym yn casglu'r mathau canlynol o ddata personol amdanoch er mwyn darparu'r gwasanaeth hwn:

• Enw
• Cyfeiriad
• Dyddiad Geni
• Rhif Ffôn
• Cyfeiriad E-bost
• Rhyw
• Rhif Unigryw'r Dysgwr a'ch Rhif Yswiriant Gwladol
• Manylion Banc/Talu
• A ydych yn cael budd-daliadau?
• Manylion Cyflogaeth ac Addysg
• Delweddau/Ffotograffau
• A oes gennych unrhyw anghenion dysgu ychwanegol?
• Eich Hil neu Gefndir Ethnig at ddibenion monitro cyfleoedd cyfartal

3. A ydym yn defnyddio gwybodaeth a gafwyd o ffynonellau eraill?

I ddarparu'r gwasanaeth hwn, rydym yn casglu data personol yn uniongyrchol wrthych chi yn unig ac nid ydym yn cael gwybodaeth amdanoch o unrhyw ffynhonnell arall.

4. Trosglwyddo eich gwybodaeth dramor

Rydym yn defnyddio Microsoft Office 365 i brosesu ein ebyst o dan delerau cytundeb caeth, sy'n diogelu'ch gwybodaeth. Mae'r data personol hwn yn cael ei letya ar weinyddion y tu allan i'r DU, ond dim ond yng ngwledydd yr UE o dan y Rheoliad Diogelu Data Cyffredinol.

Nid ydym yn trosglwyddo unrhyw wybodaeth arall amdanoch chi y tu allan i'r DU.

5. Pwy all weld eich gwybodaeth?

Rydym yn rhannu data personol dim ond pan fydd angen i ni wneud hynny ac ym mhob achos, rydym yn darparu cyn lleied o ddata ag sydd ei angen.

Rydym yn rhannu'ch gwybodaeth â Phrif Arolygydd Ei Mawrhydi dros Addysg a Hyfforddiant yng Nghymru, Estyn.

At ddibenion cyllido, mae'n rhaid i ni hefyd ddarparu data personol amdanoch i'r sefydliadau canlynol:

• Coleg Sir Gâr
• Canolfan Dysgu Cymraeg Genedlaethol
• Llywodraeth Cymru

Os ydych yn astudio ar gyfer cymhwyster neu gredydau, bydd angen i'ch data personol gael ei ddarparu i'r corff dyfarnu perthnasol ar gyfer achrediad.

Mae rhai sefyllfaoedd penodol eraill lle mae'n bosibl y bydd yn rhaid i ni ddatgelu gwybodaeth amdanoch, er enghraifft:

• Pan fo'r gyfraith yn mynnu bod y Cyngor yn rhoi'r wybodaeth
• Pan fo angen datgelu'r wybodaeth i atal neu ddatrys trosedd
• Pan fo datgelu er budd pennaf y person dan sylw

6. Am ba hyd y byddwn yn cadw'ch gwybodaeth

Byddwn yn cadw'ch gwybodaeth am 6 blynedd ar ôl ichi gwblhau'ch cwrs.

7. Eich hawliau o ran Diogelu Data

Mae gennych hawl i:

• Weld y data personol y mae Cyngor Sir Caerfyrddin yn ei brosesu amdanoch
• Mynnu bod unrhyw wybodaeth anghywir neu anghyflawn yn cael ei chywiro
• Tynnu eich caniatâd i brosesu'r data yn ôl, lle mai dyna'r unig sail ar gyfer prosesu'r data
• Cyflwyno cŵyn i Swyddfa'r Comisiynydd Gwybodaeth, sef y corff annibynnol yn y Deyrnas Unedig sy'n diogelu hawliau o ran gwybodaeth

Mewn rhai amgylchiadau, gall fod gennych hawl i:

• Wrthwynebu bod eich gwybodaeth bersonol yn cael ei phrosesu
• Dileu eich data personol
• Rhoi cyfyngiadau ar brosesu eich gwybodaeth bersonol
• Hygludedd data

8. Manylion cyswllt

I gael rhagor o wybodaeth ynghylch yr hysbysiad preifatrwydd hwn a'ch hawliau, cysylltwch â'r:

Swyddog Diogelu Data
Cyngor Sir Caerfyrddin
Neuadd y Sir
Caerfyrddin
SA31 1JP

E-bost: dataprotection@sirgar.gov.uk

Mae'r manylion cyswllt ar gyfer Swyddfa'r Comisiynydd Gwybodaeth, ynghyd ag arweiniad pellach ynghylch deddfwriaeth Diogelu Data, ar gael ar wefan Swyddfa'r Comisiynydd Gwybodaeth.